موضوع: البيتـ الكبير } .. روآيه سعوديه الخميس أبريل 22, 2010 12:37 am
السلام عليكم ورحمة الله وبركاته
هذي اول رواية اكتبها فيها شئ من الواقع وفيها الكثير من الخيال
و اذا اعجبكم البارت الاول راح اكمل ان شاء الله
وهالله هالله بالافكار
(البيت الكبير) رواية سعودية الجزء الاول البيت الكبير يحمل كل الحب بين جدرانه ويحمل جميع الاخوان في بيت واحد مثال للترابط الاسري اللي ربو عليه
وهذولا ابطال قصتي سليمان الجد (ابو علي) تاجر معروف توفى وورثوا عياله بس مازالوا مترابطين ولا احد فكر يفك الورث او يوزعه وزوجته فاطمة (ام علي) الجده الحنونه اللي تهتم بعيالها وعيال عيالها ولهم من الأبناء 5 اولاد وماعندهم بنات
الابن الكبير علي(ابو طلال) وعمره 54 متزوج وعنده 4 اولاد و3 بنات الولد الكبيرطلال30 ضابط متزوج بنت خاله وعنده بنت و3 اولاد الثاني تركي29 متزوج بنت خاله وعنده ولدين وبنت ويداوم مع ابوه بالشركة الثالث فهد 27متزوج من برا العايله وعنده ولد وبنت ويشتغل مع ابوه بالشركة الرابع محمد26 مطلق وعنده ولد موظف حكومه بوزارة والبنات هدى عمرها 21 وتدرس رياض اطفال وهاجرعمرها 18بثالث ثانوي وهنوف عمرها 8 بثاني ابتدائي
والأبن الثاني صالح (ابوماجد) وعمره 52 وعنده 3 اولاد و3 بنات وفاء عمرها26 متزوجه من برا العايله وعندها بنتين ماجد عمره25درس برا طيران وتوه راجع وويحب ريم ووده يتزوجا اليوم قبل بكره سلمان عمره 23 ويدرس بالجامعه ولسى بالسنة الاولى قسم اعلام لأنه داج ومو راعي دراسه ولو مو وراه ابوه واعمامه كان تارك الدراسة من زمان ابتسام عمرها 18 بثالث ثانوي عبدالعزيزعمره 14 بالمتوسط وعربجي بالحيل يعني ددسن غمارة وتغبيره هههههههه العنود عمرها 10 ب4ابتدائي
الابن الثالث عبدالعزيز(ابو خالد) وساكن بالشرقية لأنه ماسك فرع شركة العايلة هناك وله من الابناء3 اولاد وبنتين خالد عمره 26 مخلص جامعه قسم ادارة اعمال ويشتغل مع ابوه بالشركة سميه عمرها 23 وتدرس بالجامعه قسم حاسب راكان عمره 20 يدرس بالجامعه قسم قانون ثامر عمره 18 بثالث ثانوي خلود عمرها 13 باولى متوسط دلووعه مررره
الابن ناصر(ابو وليد)عمره 47 وله من الابناء بنتين وولدين وليد عمره 25 متخرج من الجامعه قسم ترجمه ويداوم مع ابوه بالشركة ريم عمرها 21 بالجامعه سنه ثاني مشاعل عمرها 18 بثالث ثانوي وتكون اخت الكل لأنها رضعت من حريم اعمامها كلهم لأن ام وليد يوم ولدتها كانت تعبانة ومرقدة بالمستشفى وطلعت مشاعل قبل امها ولقت الحب والرعاية من حريم اعمامها كلهم سليمان عمره 16 بأول ثانوي وطبعا ناصر هو اللي ماسك الشركة اللي في الرياض مع اخوه الكبير ابو طلال وله تجاره خاصه مع اعز اصدقاه ابو عبدالله طبعا داخل في التجارة قبل مايتوفى ابوه ابو علي وبعد ماتوفى ابوه ابو علي مسك الحلال مع اخوه الكبير ابو تركي
الابن المدلل للجده آخر العنقود بندر دكتور ويدرس حاليا بكندا عمره 36
اقولكم شلون نظامهم في البيت
طبعا البيت كبييير قصر ماشاء الله على اربع شوارع مقدمة البيت باب كبير للسيارات اول من تدخل مع البيت تجيك 3 بيوت اللي على اليمين بيت الضيافة ملحق كبيرفيه دورة مياه ومجلس كبير ومطبخ صغير وبجنب الملحق بيت شعر والوسط القصر الدور اللي تحت في الوسط درج و بعدين متفرع يمين ويسار وفيه صاله يمين ويسار وفيه مقلط كبير فيها طاولة عليها 24 كرسي وفيه مطبخ كبير وباب خارجي للمطبخ علشان الخدم وطبعا جناح للجده وهو بالدور الاول مع انه فيه اصنصير بس تقول احب اني انام تحت والدور الثاني كله اجنحه وفيه صاله ومعاها بوفيه فيه ثلاجه والة كوفي وفرن صغير يعني مطبخ مصغر فوق وكل جناح فيه غرفتين وصاله وحمام(وانتو بكرامه)
والاجنحة/ جناح لأبو طلال وجناح لأبو ماجد وجناح لأبو وليد وجناح لابو خالد اذا جاء للرياض وجناح للدكتور بندر<<< مجهزينه لأنه بيتزوج اول مايرجع من كندا ولا اول كان مع الشباب وجناح للبنات بس جناح البنات يختلف شوي لأن فيه غرفه زايده وحمام زايد (وانتو بكرامة) طبعا كلها غرف نوم وحده لريم وهدى وكانت معاهم وفاء قبل لاتتزوج وسميةمعاهم اذا جت من الشرقية وغرفة للثلاثي المرح هاجر ومشاعل وابتسام وغرفه للصغار هنوف والعنود وطبعا خلود اذا جت من الشرقية والصالة كان فيها تلفزيون كبير مثبت على الجداروفيه استريو بنات<<<لزوم الرقص هع وفيديو
والبيت اللي على اليسار فهـــــو للشباب بيت خاص فيهم فيه 4 غرف نوم ومجلس وقبو فيه العاب بلياردووتلفزيون كبير كأنهم في صالة سينما وبلايستيشن وجميع العاب الشباب وفيه بالقبو غرفة رياضة (سير ودراجة والعاب حديداشكال وانواع) <<< كل سبل الرفاهية موجوده للشباب علشان مايدورونها برا ويكونون قدام اهالهم
خلف البيت فيه حديقة كبيره فيها شلال بزاوية الحديقة وفيه طاولة وآلة شوي وفيه حمام سباحه للعائلة كبير
وفيه بيت خاص للخدم والسواقين والطباخ من عند جهة المطبخ وطبعا كلهم ازواج مافيه احد عزوبي خخخخ
يوم السبت كالعادة دراسة وغثاء ريم : يله قوموا ولا بنادي عمي علي يصحيكم وانتم تعرفون شلون يصحي الواحد يله قوموا وكلهم فزوا قاموا <<<يدرون شلون يصحيهم عمهم الرقيق هههههه هاجر ونصها نووم: ياربيه ياريم الا ابوي مالقيتي الا هو وبعدين حرام عليك انتي نايمه بدري وحنا لا وش ذي الانانية مشاعل وهي واقفه وخامه البطانية : ايه صح وش ذي الانانية وهي تتثاوب اما ابتسام هي شكلها كان تحفه واقفه ونايمه وماتدري وين الله حاطها جت هدى ويوم شافت ابتسام فقعت ضحك طبعا محد شافها لأن هاجر ومشاعل شانين حرب على ريم بالكلام طبعا
التفتو كلهم على هدى وهي تضحك وقالو خير وش ذا الضحك على هالصبح ضحكينا معك وتأشر على ابتسام وكلهم التفتوا محل ماتأشرر وكلهم فقعوا ضحك وطار النوم منهم وابتسام لاحياة لمن تنادي رايحه بسابع نومه قالت هاجر لمشاعل خلينا نخرعها ومشاعل عجبتها الفكرة يله جت هاجر تركض جاء ابوي جاء ابوي وتفز ابتسام وطيران للحمام (وانتوا بكرامة) وهاجر ومشاعل ميتين ضحك عليها وهي ماتدري وش السالفه خلصوا لبس وكل وحده اخذت عفشها ونزلت و افطروا وسلموا على الجدة وامهاتهم وراحو الثلاثي المرح والبنات الصغار بسيارة وحده لأنهم بمدرسة وحده وريم بسيارة لحالها وهدى لحالها لأن كل وحده بجامعه والعيال كل واحد معاه سيارته والصغار يودونهم العيال الكبار بطريقهم
الظهر البنات الصغار يطلعون بدري قبل الكبار علشان كذا السواق يروح يجيبهم بعدين يرجع يجيب الثلاثي المرح
ركبوا السيارة مشاعل: بنات شرايكم نروح نتغدى برى مالي خلق اكل بيت هاجر وابتسام عجبتهم الفكرة قالو يله قدام <<<<يحبون المغامرات راحوا لماكدونالدز ونزلوا تغدوا وبعدين طلعوا وراحوا للبيت وعطو السواق فلوس علشان مايعلم عليهم وهم داخلين (ابو طلال) خير ان شاء الله ليش التأخير الساعه 2 وين كنتو مشاعل : يعني وين بنروح بالقوايل ياعم اليوم سبت ومانطلع الا 1 ونص وانت عارف الطريق زحمه علشان كذا تأخرنا وبعدين راحوا لغرفهم هاجر: يمه مغصن بطني من الخوف ابتسام : ليش تاخفين للحين ماتعرفين ابوك عادي عيشي حياتك وفرفشي مشاعل : انظر من يتكلم ماكأنه تو تصبصب عرق يوم عمي بحلق بعيونه هاجر لفت على ابتسام وقعدت تضحك رن التليفون : هلا يبه ان شاء الله اللحين ننزل هاجر : لايكون درى والله اللي رحنا فيها ابتسام انا ماراح انزل مشاعل : خلصتوا هاجر وابتسام : وش يبي ليش تحرقين اعصابنا مشاعل: ههههههههههه ابوي علي يقول انزلوا تغدو بسرعه هاجر وش نتغدى حنا مانقدر نحط لقمة زايدة بحلوقنا تبيننا ناكل مشاعل لازم ننزل ونقعد بالسفرة على الاقل ولا كذا بيشكون ويبدأ التحقيق ابتسام :طيب عادي اهلنا فري ليش نخاف ماسوينا شئ غلط مشاعل : ادري اننا ماسوينا شئ غلط بس تعرفين لازم نستأذن اول لأن حنا مخبين عليهم ولو درو بتروح ثقتهم اللي معطينا اياها غيروا ملابسهم ونزلوا لقوا ريم وهدى يسولفون بالصاله اللي فوق وقالولهم على الغداء ونزلوا جميع حصلوا الكل قاعدعلى السفرة كل وحده باست راس جدتها و راس ابوها واعمامها وبعدين طلعوا لسفرة الحريم وقعدت كل وحده تحوس بالملعقة مالها نفس تاكل ام طلال: اللحين انتن وراه ماتاكلن ولا شبعانات وتطالعهن بنص عين كأنها حاسه وش عندكن مشاعل : ولا شئ يايمه بس اليوم كان عندنا طبق خيري واكلنا هذاك الكشري اللي يحبه قلبك جابته وحده مصريه امها ماشاء الله عليها طبخ فنان ولا الملفوف اللي تسويه ياسلام عليه طعم يخبل <<<<اصلا ماتحب ذي الاكلات بس لزوم الكذب قطعت عليها امها (اوم وليد) ام وليد: وش عندكم كشري وملفوف اخبركم ماتحبون ذي الاكلات هاجر: ايه ادري اننا مانحبها بس يوم ذقناها تحسفنا ااننا ماقد ذقناها قبل ابتسام: بس طبخ يد عن يد تفرق وبعدين اللي سوته مصريه اهل الكشري مشاعل: تصفر تأييدا لكلام ابتسام يسلم بؤك ياعسل وتهمس لهاجر لأنها جالسه جنبها اخيرا نطقت دايم اخاف منها اخاف تخر كلش هاجر : خخخخخخخخخ الله يقلع بليسك ابتسام تطالعهم ونظراتها تقول وش بكم مشاعل اشرت لها بعيونها بعدين <<<< يفهمون بعض من انولدوا وهم مع بعض سكتت ابتسام وقعدت تتثاوب يقامت انا بطلع انام تعبت تمسون على خير وقامت وراها مشاعل وهاجر وحنا بعد نبي ننام وقالوا تمسون على خير وطلعوا وشافو جدتهم قدامهم قالت تعالن اقعدن عندي قالو طيب راحوا عند جدتهم وبدات تقص عليهم قصص اول وكيف عايشين اول وكيف صاروا اللحين اذن العصر قاموا يصلون وينامون شوي
عند العيال ماجد: تصدق وليد ودي اعرس واستقر وليد : هههههههه بالله صادق انت ماجد: ايه اجل امزح وليد : ياخي اصبر شف وش صار لمحمد والله حالته مسكين تقطع القلب ولا ولده اللي من جد ينرحم كل نهاية اسبوع جاي عندنا وباقي الاسبوع عند امه ماجد: وانا وش دخلني بمحمد وبعدين انا اللي باخذها غير وقعد يتذكر ريم وهي لابسه بيجامتها وتلحقها هدى تبي تكفخها لأنها اخذت منها القلم اللي تحب تكتب فيه وهي تركض وتركض على وراء وتطالع هدى اللي تركض وراها الا وتصقع بواحد ايييييي وتلف الا وتشوف عمها ابو عبدالله وكان معصب خير وش فيكم؟ هدى : انبلع لسانها هاااااه اييه ابو ماجد: وش اللي هااه ايه ريم تبي تنقذ الموقف : حبت راس عمها الحمدالله على السلامة متى رجعت من السفر وحشتنا ماما فاطمه بس تسأل عنك وهي تتنظرك بس ماتدري متى بتجي وتبتسم ذيك الابتسامه اللي خلت عمها ينسى سالفة الركض ابو ماجد : ايه امي وينها ريم : بالصاله هناك ابو ماجد: ايه طيب يله زين انا بروح لأمي ونادي الشغاله تدخل اغراضي ريم : ابشر دخل عمها داخل وهي تطالع هدى فجأه هجت هدى وماشافت الا غبارها ريم وهي تضحك: الحمدالله والشكر توه يجي الخوف من عمي ولفت الا تختفي الابتسامة الا ماجد واقف يتفرج من اول عصبت وهجت لغرفتها وقامت تخانق هدى لأنها ماعلمتها وهدى ميته ضحك عليها
وليد: يأشر لعيون ماجد ياهووووه وين وصلت عبدالله : هااه وليد:ههههه وش اللي هاااه لهالدرجة متولع فيها ومن هي تعيسة الحظ اوووه قصدي سعيدة الحظ ماجد: لا اسمحلي مو اللحين اقولك وليد : لاتصير سخيف يله قول من هي ماجد: لا وليد مقدر اقولك لحد مااقول لابوي اخاف اتفشل وتردني وليد: تخسي تردك هذا اللي ناقص بعد عبدالله بن صالح بن سليمان ينرفض ماجد: تسلم ياخوي هذا من طيب اصلك محمد: شباب فيه ندوة بالثمامة نروح نحظرها <<<< محمد ملتزم شوي
ماجد : معليش محمد مقدر اليوم مشغول وعندي دوام بكره وليد: وانا بعد الوالد يبين بعد العشاء مدري وش يبي خلها بكره ونطلع جميع شرايك
محمد: خلاص حلو لأن الندوة بتستمر 3 ايام واليوم اول يوم وقعدوا يسولفون باشياء متعدده
بالقــــــــبو عبدالعزيز : اتحداك تسجل علي سليمان: اقول لاتتحدى انت ماتعرف مع مين تلعب عبدالعزيز: وخير ياطير من تكون سليمان ولد ناصر اللي هوعمي
هههههوقعدوا يتسهبلون ويضحكون
وهذا نظامهم كل يوم واذا ملو قعدوا يفرفرون بالشوارع ولا رحوا لمطعم
سلمــــــان كالعاده برا البيت
امــــــــــا البنات ماغير يتسدحون ويتبطحون في هالبيت او يرقصون و يلعبون ويستهبلون
ابتسام : اااااااااااف مليت هاجر: نفس الحكاية فيه شئ جديد كل يوم ملل مشاعل: صادقه كل يوم ملل نبي شوي اكشن
شرايكم ننزل تحت ونهبل بالعيال لفو كلهم ناحية الباب ولقو ريم وهدى ومعاهم بلونات فيها مويه وحاطينها بكيس شرايكم هدى سمعت العيال يبون يطلعون وراحوا يلبسون شرايكم نخرب عليهم الثلاثي المرح مستغربين من الحاله اللي ريم وهدى فيها دايم هم لايهشون ولا ينشون ولا يقربون من العيال ابدا وش اللي طاري عليهم بس مافات هالشئ مشاعل وقالت طيب يله مشينا وقامت واخذت الكيس اللي مليان بلونات من هدى وهدى قالت لا خليه معاي احسن لاني مااعرف ارمي لبعيد قالت طيب سكتت ومشت معاهم وراحت تقول لهاجر وابتسام ان ريم وهدى شكلهم بيقلبون علينا ولا وش اللي طاري عليهم اليوم المهم اتفقو ان ابتسام تصير طعم لهم وهاجر تفتح الماء حق الللي اللي بالحديقة ومشاعل توجه الللي لريم وهدى اذا غدروا فيهم وفعلا صار مثل ماتوقعت وقعدوا يصارخون ويستهبلون وماجد طالع قال خير وش السالفه وراح ناحية الصوت وقعد يطالع وفاتح خشته للأخير وهو يشوف شكل ريم وهي مليانه مويه وكان شكلها مغري كانت لابسة بنطلون جينز وتي شيرت رصاصي فيه صورة وجه بنت باللون الاسودوشعرها مفتوح كان لونه كستنائي وهي بياضها مره حلو
ماجد في نفسه: لا خلاص بكلم ابوي مقدر استحمل بعد اللي شفته اكون بعيد عنها
وفعلا راح ماجد لأبوه بمكتبه اللي في البيت وطق الباب ابو ماجد : نعم ماجد : انا يبه عادي ادخل ابو ماجد : ايه تفضل ياوليدي ماجد والضحكه شاقه وجهه:يبه ماودك تشوف عيالي ؟ <<<< عليه اسلوب ابو ماجد فز : أي عيال؟ ماجد: خاف شكل ابوه يخرع لا يبه اقصد اني ودي اعرس ابو ماجد: ايه ريحتن ياوليدي علبالي كنت متزوج يوم كنت برا واللحين بتجيب عيالك مثل ولد صديقي حط ابوه قدام الامر الواقع وجاب مرته وعياله ماجد : بسم الله علي اخذ اجنبية ابو ماجد : على العموم هذي الساعة المباركة اللي اشوفك معرس وادخلك على عروسك ماجد : الله يسلمك يبه ابو ماجد: طيب ياوليدي اقول لأمك تدورلك ويصير خير ان شاء الله ماجد : لا يبه لاتدورون انا لقيتها خلاص ابو ماجد: ماشاء الله كان اعرست اجل مايحتاج تقولي يوم انك لقيتها ماجد: لا يبه انا اقصد ان فيه ووحده ببالي من يوم كنا صغار ابو ماجد: من تكون ان شاء الله؟ ماجد وهو مستحي: بنت عمي ناصر ابو ماجد :أي وحده الهادية ولا لمطفوقه ماجد : ايهن الهادية وايهن المطفوقه خبرك كنت بعيد 5 سنين ابوه: الهادية والله يكمله بعقله ريم والمطفوقه مشاعلوه حوسة البيت كله ماجد وهو يضحك على ابوه:واضح ان مشاعل مهبله بالجميع هههه لا انا ببالي الهادية ريم وبعدين نسيت يبه ان مشاعل اختي من الرضاع ابوه : ايه صح دايم انسى على العموم ان شاء الله بكره اكلم اخوي ناصر وافاتحه بالموضوع ماجد : خير ان شاء الله تامر على شئ يبه ابوه : على وين؟ ماجد: وليد ينتظرن بكوفي بروح له ابوه: زين زين انتبهوا لانفسكم ماجد : ان شاء الله مع السلامه ابوه: مع الف سلامه
وطلع وراح لوليد
بجناح البنات ابتسام: ميشو وين بتروحون الخميس هذادام خوالك مو فيه مشاعل : مادري عن ابوي وامي بس شكل البيت ينتظرني هاجر ياعمري انتي تعالي معي لخوالي بنفلها ابتسام لا تعالي معي هاجر لا انا قلت اول ابتسام: واذا قلتي اهم شئ الر احة النفسية وانا اشوف ميشو ترتاح مع خوالي اكثر هاجر:لا والله وخوالي وش فيهم مشاعل : تصفر لا خوالك ولا خواله وبعدين كلهم خوالي ولا نسيتوعلى العموم بقعد عند ماما فاطمة خلاص ارتحتوا ماابي اطلع من البيت
يوم الاربعاء ابو وليد:بابا مشاعل مشاعل : هلا والله بالغالي تصدق من زمان ماشفتك ابو وليد:هههه العبي علي بهالكلمتين مشاعل: افاااا عليك انا العب عليك ماعاش من يلعب عليك ابو وليد: المهم يابابا بكره معزومين مشاعل : والله من اللي عازمنا؟ ابو وليد: صديقي ابو عبدالله المهم قولي لأمك اذا جت من عند ابوها وامها لأن اليوم بيمشون لمكه تدرين مشاعل: ايه ادري ابوها: طيب ليش مارحتي مع امك وريم تسلمين عليهم مشاعل ودي اني رايحه بس راحو وخلون يوم كنت نايمه خبرك اربعاء نعوضه بالنوم لأن ماشاء الله الرعب يدب بقلوبنا ايام الاسبوع اذا سمعنا طاري ابوي علي الله يخليه لنا ويديمه فوق روسنا ابوها: ههههههه يضحك على هبال بنته يحسها للحين صغيره المهم قولي لأمك مو تنسين انا عندي اجتماع ومايخلص الا اخر الليل فاهمه وبقفل جوالي مشاعل: ابشر على ذا الخشم
ابو وليد وهو طالع ناداه : ابو وليد ابو وليد لف: هلا والله بالغالي هلا ابو عبدالله ابو ماجد: وينك ماشفناك على الغداء ابو وليد كنت بغداء عمل : امر بغيت شئ ياخوي ابو ماجد: ايه ابغاك بموضوع تعال ندخل المكتب ابو وليد : تامر امر تفضل ابوماجد: والله ولدي ماجد وده يكمل نص دينه ابو وليد: هذي لساعه المباركه ان احد عيالنا بيعرس ابو ماجد: ماسألتن من وده ياخذ ابو وليد: ايه صح هو وده بوحده معينه ابو ماجد : ايه وده ببنتك ريم ماشاء الله سنع وجمال واخلاق تربية اخوي وام وليد الله يخليكم لهم ان شاء الله ابو وليد : هذي الساعه المباركه اني ازوج بنتي ريم لولدي عبدالله بس ودي اخذ راي ريم اول ولا شرايك ياخوي ابو ماجد: الا تاخذا رايه ولا تغصبه على شئ اذا تبيه كملنا واذا ماتبيه الله يوفقها وويوفق وولدي ابو وليد: زين زين انا اللحين بطلع تامر على شئ ياخوي ابو ماجد : سلامتك
(ابو ماجد ماسك الصفقات الدولية واغلب وقته مسافر من ديره لديره) وقعدته بالبيت تعويض عن سفراته مع انه دايم بالمكتب حقه اللي في البيت
بجناح البنات مشاعل: بنات مدري وش البس بكره من زمان ماشفتهم حوالي تقريبا 8 سنين ابتسام وهاجر: يووووه والله انك مغبره وراحت هاجر لدولاب مشاعل وطلعت كذا فستان حلو وناعم اختارت مشاعل فستان ناعم هاينك ربط لتحت الركبة لونه ابيض مموج باحمر ورصاصي واسود مرره نعوووم ومعه جزمه سوداء كعب طويل
كلمت امها بالجوال وقالتلها عن العزيمة علشان ماتنسى وقالت لريم بعد علشان تذكر امها <<< تخاف تنسى
طبعا صديق ابو وليد (ابو عبدالله) ماعنده بنات الا وحده وصغيره مرره كانت طفشانه حييل وهي تتمشى بالاستراحه راحت للمسبح تتفرج عليه الا تشوف شئ يتحرك عرفت انه طفل غرقان بس ماتدري من
علطول فصخت جزمتها وراحت طبت في المسبح الا الخدامه توها تنتبه للطفل وراحت تصرخ لقت ووجهها واحد وقالتله بيبي جوا مسبح على طول طب بينقذ الولد
طلعته وطلعت من تحت الماء تاخذ نفس كانت رافعه الولد بكل يدينها بس خارت قواها كان الولد ماشاء الله مره ثقيل كانت صحته زينه ومع المويه صار ثقيل اخذ الولد منها واستسلمت تبي ترتاح من التعب طلع الولد ورجع طلعها كان حيلها مهدود فجأه صحت وانتبهت وقامت تدور على الولد مسكها وقالها انه طيب ولا تخافين
/ من انتي؟ مشاعل : انت اللي مين ووش جابك هنا وعصبت لانها كاشفه ولبسها عاري وهو طاقها سوالف معاها مشاعل / تراني اتغطى لو سمحت ممكن تلف خشتك؟ / قعد يضحك على اسلوبها هههههههه مشاعل : لايكون قلت نكته وانا ماادري هزلت يتهزء ويضحك / هي انتي اشوفك مسختيها عطيتك وجه قولي من انتي وخلصينا مشاعل بكل ثقة/ مشاعل بنت ناصر أي اوامر ثانية يا اخ الا ماقالتلي وش اسمك؟ / انا عبدالله بن عبدالرحمن عرفتيني ياميشو تصدقين اني عرفتك بس قلت بتأكد مشاعل: بالله شلون عرفت اتحفنا؟ عبدالله: عرفت من خشمك مشاعل مسكت خشمها قعد يضحك على حركتها لا تخافين يهبل خشمك اللي عرفته انك اذا عصبتي يصير خشمك احمر علشان كذا عرفتك مشاعل عصبت زود عبدالله : ايوه كذا مشاعل: اقول تراي عطيتك وجه وسنترت عندي اشوف عبدالله: الا انتي بأي سنه اللحين مشاعل خلاص شوي وتكفخه : انت متى اخر مره شفتن؟ عبدالله قعد يحسب: تقريبا 8 سنين ولا طيب كنت بأي سنه انا ذيك الايام؟ عبدالله:بالابتدائي مشاعل : زين تعرف تحسب صح عبدالله ايه وش قالولك امي مشاعل لا محد قالي بس زين تعرف تحسب احسب براحتك قامت وراحت تمشي كان فستانها لا(**كلمة ممنوعه**) بجسمها دنقت علشان جزمتها ولفت عليه : الا تعال مسيو عبدالله <<<< سمعت الخدامه تناديه كذا عبدالله:عجبته وهي تنطقها نعم مشاعل: من الولد اللي كان بالمويه ؟
عبدالله هذا ولد عمي فراس عمره 4 سنين ايه زين الله يخليه لأهله وقل لأمه انها تحمد ربها اني كنت طفشانه وقعدت اتمشى ولا الهدره ذي اللي فاتحه خشتها للبلع والسواليف ماهمها الولد<<<تقصد الشغاله
عبدالله قعد يضحك على اسلوبها العربجي وتم يناظرها لحد ماغابت عن عينه
دخلت على الحريم وكلها مويه انخرعوا وش فيك بسم الله عليك مشاعل ابد مافيه شئ بس فراس طاح بالماء ونزلت اجيبه يمممه برد طفو المكيف
ام عبدالله روحي غيري مملابسك مشاعل: للاسف ماجبت ملابس ماحسبت حساب اني بنقذ احد ههههههه الحريم كلهم : هههههههههههههههه ام عبدالله: طيب تعالي شوفي فيه دولاب مليان كله ملابس تعالي شوفي اللي يناسبك وراحت مشاعل معها لأنها بردت من جد
ام عبدالله: وهذا الدولاب تحت امرك خوذي الللي يناسبك مشاعل: عسى القى شئ يناسب راحت ام عبدالله وجلست مشاعل تحووس بالملابس لحد مالقت برمودا جنز هو اللي جاء مقاسها ولا الباقي كله واسع واخذت تيشيرت اورنج دخلت الحمام(وانتو بكرامه) اللي بنفس الغرفه لبست فيه وطلعت و
فجأة
انتهى البااارت
miss cute عضو جديد
عدد المساهمات : 62 تاريخ التسجيل : 01/11/2009
موضوع: رد: البيتـ الكبير } .. روآيه سعوديه الخميس أبريل 22, 2010 12:38 am
دخلت الحمام مره ثانية مستحيه شافت عبدالله بس عليه شورت والله فشله لايكون شافني<<< خبله انا اكيد شافني يكفي صفقة الباب وجلست تلوم في حالها لحد ماسمعت الباب وهو يتسكر ارتاحت وطلعت واخذت نفس عميق وطلعته
/ لهالدرجه انا هم تاخذين كل ذا النفس على هونك راح كل الاكسجين اللي بالغرفة لفت مستغربه وش قاعد يقول ذا مشاعل :لا مو هم بس استحيت يوم شفتك بدون ملـــــــــ وسكتت عبدالله: هههههههه ماتوقعتك تستحين على بالي الحياء ماتعرفيه <<<< يدري انها تستحي بس يبي يستفزها يحب يشوفها تعصب مشاعل: وجهاا صار طماطم من العصبية شقالولك وجهي مغسول بمرق مااستحي المهم ترى عطيتك وجه ماتلاحظ ومشت وخلته عبدالله: تصدقين بدلتي احلا عليك مشاعل انحرجت ماتدري انها ملابسه تحسبها لأحد من اخوانه او عيال اعمامه شكرا هذا من ذوقك ومشت وخلته عبدالله تنهد: آآآآآآه متى تحسين بس فيني
راحت عند الحريم والكل قعد يعلق على ملابسها وهي ساكته تتذكر كل شئ صاربينها وبين عبدالله وهي معصبة
خلصت العزيمة وودعوا بعض وركبت السيارة مع اخوانها تبي تفلها بدل الجلسه كذا لأن الطريق طويل مشاعل: ولودي حبيبي انت شغل المسجل وليد صار وجهه طماطه ولف عليها يسكتها مشاعل: (الحمدالله والشكر وش فيه ذا) طيب شغل المسجل واسكت ماعطاها وجه مشاعل: سليمانوه شغل المسجل تحرك شغل المسجل وكانت اغنية اليسا بستناك وبتمنى اعيش العمر كله حبيبي معااك وقعدت تغني معه بعدين سكتت مشاعل : شطور سلوم عفيه على الشاطر اذا وصلنا البيت بعطيك حلاوه ///ماقدر يمسك ضحكته ههههههههههههههه لف عليها وشافته مشاعل صار وجهها طماطه من القهر ومن الفشيلة اللي تو مشاعل: وليد وليد: نعم مشاعل: ابي اركب مع ابوي وليد: نوصل للبيت وننام وابوي للحين بالطريق
مشاعل وعيونها كلها دموع سكتت
شافها مع المراية يحبها من يوم هي طفلة وشافها وهي شابه وحبها زياده
وقعد يسولف مع وليد
عرفت انه بينام عند العيال لأن اهله بيسافرون وهو ماراح يسافر معاهم وابوها لزم عليه ينام عندهم علشان يوسع صدره دخل وليد السيارة جوا البيت ونزلت بسرعه ونست جوالها بالسيارة اخذه ودق على رقمه وحذف الرقم من جوالها وحفظ الرقم عنده مايدري ليه سوا كذا لأنه مستحيل يخون ابوه الثاني (ابو وليد) وبمين ببنته
طلعت بسرعه لغرفتها وفتحت شنطتها تبي تدق على البنات ليش تاخروا ماحصلت جوالهاتذكرت انها نسته بالسيارة غيرت الملابس الذكورية اللي عليها ولبست قميص بيت لتحت الركبة عليه صورة رسوم متحركة ولبست شبشب فروورطلعت تمشي شوي شوي لحد ماوصلت السيارة وفتحت الباب واخذت الجوال وطيران لجوا البيت <<<<<مادرت انه شبع من شوفتها <<<<كان يكلم ابوه بالجوال وسمع صوت حركه حسبه حرامي وفعلا طلع مثل ماتوقع حرامي بس انثوي سرقت قلبه وعقله وكل حواسه
بسيارة (ابو وليد) <<<<صدق وليد للحين ماوصلوا ههههه ابو وليد: ريــــــم ريم : ســـــم ابوها : وانا ابوك اليوم كلمني اخوي صالح بخصوص ولده ماجد وانه يبيك لولده وانا قلتله باخذ رايك اول وانه قال وافقت او ماوافقت هذا الشئ راجعلها وان شاء الله مايكون بيننا زعل عاد انتي فكري وانا ابوك ماجد ولد محترم ومؤدب تربية اخوي صالح ام وليد: هذي الساعه المباركه وين بنلقى احسن من ماجد وان شاء الله بتوافق ريم : خلاص ان شاء الله بفكر زين ابو وليد فكري وخوذي الوقت اللي تبين هذا عرس ماهو لعب ريم: ان شاء الله يبه
مشاعل دقت على البنات وكانوا في مكالمه جماعيه وينكم انتم صارت لي علوم ولا فلم هندي فلم سعودي من بطولتي انا ميشو وآآآه البنات هي هي هي من اللي آآآآه اذا جيتوا قلتلكم واذا كنتوا بتسوونلي مقلب وتنامون فمن سابع المستحيلات اني اتكلم ايه وآآآآه نايم مع اخوي وليد بغرفته يجنن شكله عذاب هاجر: قولي والله حركات جريتيه للبيت مشاعل: حبيبتي فيه احد يشوف هالجمال ويروح عنه الا اكيد بيلحقه ابتسام: منتيب هينه طالعه على اخته <<<< تقصد نفسه هاجر: اللي هي أنا ولا انتي ياابتسامووه دابة سليمة كلهم : هههههههههههههههههههههههه
جو البنات الساعة 4 الفجر جابهم الحماس ولاكانت نيتهم قشرا على مشاعل ان كل وحده تنام عند خواله ويخلونها لحاله علشان تحس بقيمتهم <<< هذا تفكيرهم
يوم الجمعه بعد صلاة الجمعه الساعه 2 على الغداء
الكل مجتمع حتى طلال وتركي وفهد جايبين عيالهم لأن الجمعه كل العايلة تجتمع من كبيرهم لصغيرهم ومعهم عبدالله بعد مالزم عليه ابو طلال كبير العايلة انه يدخل داخل البيت ويتغدى معاهم
قامت من النوم ركض غيرت ملابسها ونزلت تحت للغداء لانها مرررررررررررررررررره ميته من الجوع
هاجر : اخيرا قمتي مابغيتي ابتسام: وش عندك تتبسمين وانتي نايمه هااه اعترفي مشاعل : تتثاوب حرام الواحد يشوفله حلم حلو ولا تبون كوابيس علشان تنطمون هاجر وابتسام : هههههههههههههه(يدرون انها تفكر في عبدالله اللي اخذ عقله وقلبه) مشاعل تتنهد [ندعوك للتسجيل في المنتدى أو التعريف بنفسك لمعاينة هذه الصورة] على بالها انها هي بس تحبه وهو ما يحبها) شافت وفاء : اهلين وفاء منذو مبطي عنك وين غاطسه ولا نايمه بالعسل هااه اعترفي وفاء: أي عسل ياحسره وعندي هالثنتين اللي يجننون بلد الكل قعد يضحك
خلصوا اكل بعدين راحوا للصالة وقعدوا يتسهبلون على جدتهم
نبذة عن الأمهات: (ام طلال) حصه بنت ناس اجاويد وماعليهم كلام (ام ماجد) رقية بنت ناس اجاويد و ماعليهم كلام (ام خالد) لولوة تصير بنت عم حصه (ام تركي) واختها من الرضاع يعني عيالهم عيال عم وعيال خاله بنفس الوقت <<<<< اللي بالشرقية (ام وليد)صيته بنت تاجر معروف بالسوق له هيبته واحترامه
حريم العيال نوره حرم طلال وعندها 3 اولاد وبنت علي وفيصل وفارس وديما نوف حرم تركي عندها ولدين وبنت علي وحمد وراما تهاني حرم فهد عندها ولد وبنت فرح وفارس
جالسين مع الجده (فاطمه) ويسولفون والبنات فيه مشاعل جلست جنب اختها ريم : وش عندها الحلوه تفكر ريم: والله اني محتاره اخاف ارفض ماجد ولد عمي ويحز بخاطر عمي ويزعل ومهما قال مافيه زعل بس بيسبب حزازيات بيننا مشاعل: وافقي يابنت واللله لو تشوفين شكله وهو يطالعك او جابوا سيرتك يختبص المسكين والله اني راحمته اعمى مايشوف ريم انتبهت لكلام اختها وضربتها مع راسها بالخدادية اللي معاها مشاعل : اااااااااااي امزح وانتي ماتصدقين خبر على طول بذا الراس ارحموووه صعرر من كل جهه الكل يصبخني مع راسي قالولكم راسي حديد وانا مدري ريم تضحك على خبال اختها هدى وابتسام وهاجر: وش عندكم تتساسرون مشاعل: وانتوا وش عليكم وحده مع اخته تسولف وبعدين اختي وحشتني وتضمها من زمان عنها البنات قعدوا يضحكون على مشاعل وهي تضم اختها كنها تضم بزر
ماجد: الله واكبرابتسام داقه عسى خير ان شاء الله ابتسام وهي فاتحه السبيكر: مــ مــ وماقدرت تتكلم عبدالله : خير وش فيك تمئمئين اطربينا بصوتك الشجي ابتسام عصبت: ماجد بلا سخافتك اللحين نبي تودينا للسوبر ماركت ماجد: وش قالولك راجو مشاعل تأشر لابتسام انها تقول اسامينا ابتسام : لا مو راجو انت اخوي ماجد بس والله طفشانين ونبي نروح انا وريم وهاجر وميشو وهدى ماجد سمع اسم ريم فز : ابشري كم بسومه انا عندي ابتسام مستغربة من حالة اخوها وتبستم : وحده بس مشاعل وهي تطالع ريم وكأنها تقول شفتي شلون يحبك ريم استحت ابتسام : يله بنات للحين ماجد يهون مشاعل : لا ماراح يهون اخوي وابخص فيه البنات يطالعونها مستغربين وريم طيران لغرفتها من الحياء لبسوا البنات وطلعوا لماجد وكان ماخذ سيارة السواق الجمس وكان فيه واحد راكب قدام محد عرفه الا مشاعل وصار وجهها طماطه لأنها كانت جالسه وراه وريم جالسه وراء ماجد مشاعل قصدت هالحركه علشان تبين لريم ان ماجد يحبها وجلست هدى بالوسط وهاجر وابتسام وراء اخر شئ
ماجد: يالله انك تحيي عبدالله شلونك عبدالله: الحمدالله انت شلونك ماجد : تمام لف على البنات وقال هااه وين تبون تروحون ولف على مشاعل وقالها وانت ياام لسانين وين تبين تروحين ؟ مشاعل عصبت على ماجد فشلها عند عبدالله دمعت عيونها : قالت مابي اروح ونزلت ماجد : افااااا زعلت علي ميشو اتاريها حساسه وانا مدري ريم : ايه حساسه ولا يغرك عربجتها تراها حساسه مررره ماجد انبسط انه سمع صوتها وقال: لحظه اللحين بجي عبدالله عصب ان ماجد ولد عمها يمون بزياده غااار مره عليها ووده يصفقه تصفيق
عبدالله قعد يطالعها منقهر منها شلون تسمحله انه يبوس يدها
رجعت للسيارة
وعبدالله وده يعرف وش اللي بينهم (اكيد يحبون بعض) لا لا لو يحبها ماقالها هالكلام اكيد يعتبرها مثل خواته وطرد هالوساويس من راسه وقال لازم يتأكد
ماجد : خلاص انا بقول من هي اللي تقرر ريم بما انك العاقله الوحيده بشلة الفساد هذي قوليلي وين تبينا نروح ريم حمر وجهها: (ياربيه فشله) أي مكان ومشاعل ضحكت ضحكتها المعتاده وخق عندها عبدالله وماجد لف عليها حاضرين للطيبين <<<< وعرفت انه يقصد ريم وعبدالله سبح بتفكيره وقهره وبدأ يكره ماجد بس من دون مايوضح له ابتسام : نبي سوبر ماركت عبودي هاجر: وتكون بعيده علشان نبي تمشى هدى: ايه صح من زمان ماتمشينا مشاعل: يله تحرك تبققت عيونك من تطالع هاااه ماجد استحى : لا مااطالع شئ بس سرحت ريم نزلت وجهاا لأنها عرفت انه يطالعها
وصولوا السوبر ماركت
ونزلوا وطبعا كل وحده راحت للي هي ترغب فيه
راقبها لحد مابعدت وراح وراها
وهي مشغوله تاخذ من الشكولاتات / سبحان الله تصدقين نفس ذوقي انتي / (عصبت) تصدق كرهتهم اللحين علشان انت تحبهم عبدالله: هههههههههههه على هونك امزح معك مشاعل: والله توني ادري (تستعبط عليه) عبدالله: ممكن اسألك سؤال؟ مشاعل: تفضل اسأل عبدالله : فيه شئ بينك وبين عبدالله ولد عمك؟ مشاعل: ههههههههههههههههههههههه وانت ليش تتدخل بيننا شئ ولا لا عبدالله عصب من اسلوبها مشاعل وهي ماشيه لفت عليه : لاتخاف مافيه شئ بيننا هو اخوي من الرضاعه خاطب اختي ريم ويحبها وبعدين انا عيال عمي كلهم اخواني عرفت اللحين مسيووو عبدالله
عبدالله وهو مرتاح بس يحب ينرفزها : ماقلتلك قولي قصة حياتك بس سؤالي مجرد فضول مشاعل عصبت منه ومن بروده : (مايحس هذا؟) ومشت من قهرها ماتدري وش تاخذ بس تمشي وتضف ماتدري وش اخذت وصلت لعندهم وكلهم يطالعونها ويضحكون الكل : هههههههههههههههههههههههههههههه مشاعل تطالعهم مستغربه: وش فيكم هاجر وش هذا اللي جايبته معك مشاعل تطالع العربيه وبققت عيونها وحمر وجهها وقالت وش فيكم عادي اكيد احد حطه بالعربة وانا ماادري خصوصا انه بزران هبلوا فيني يمكن هم حطوووه <<<<<< نصابه بس ماتدري وش ضفت طلعته من العربة وكان علبة سيريلاك خخخخخخخخخخخخخ
طلعوا للمطاعم اللي فوق علشان يتعشوون كل واحد اختار مطعم يحبه قلبه ومشاعل تحب تغامر وتذوق اشكال والوان راحت لمطعم توه فاتح وشكله غريب طلبت لها وجلست مع البنات والعيال اخذوا طاوله لحالهم وجلسوا يتعشون
وراحوا للبيت
الكل نام لأن بكره دوامات
الا هي صاحيه وبطنها يمغصها وكل شوي تروح للحمام ترجع ماقدرت تتحمل الالم واتصلت على اخوها مشاعل : وليد الحقني بطني يعورني وتصيح
وليد كان نايم وسمع صياح والحقني وطيران على البيت ودخل وطلع جناح البنات وكانت جاسه بالصاله حق الجناح ومنطوية على نفسها وتبكي بدون صوت
شالها وليد وعلى طول للسيارة انتبه عليه واحد وهو شايل وحده ويركض فيها بالحوش وراح ورااه وقام يناديه وليد خير الاهل وش فيهم وليد زين انك جيت تعال سوق مقدر اسوق انا ركب وليد وراء وبحجره مشاعل وتأن وتبكي وعبدالله طيران على المستشفى
الاسعاف اخذوها وودوها داخل الممرض : خير ان شاء الله وش فيها وليد: مدري بطنها يمغصها وترجع الممرض : انت زوجها وليد : لا انا اخوها ولف على عبدالله : اجل انت زوجها عبدالله اختبص: هااه لا انا ولد عمها مايدري ليه قال كذا بس هو يعتبر ابو وليد مثل عمه
جاء الدكتور ومعه اوراق وليد راح له : هااه بشر يادكتور الدكتور : معاها حالة تسمم شديدة ولازم نسوي غسيل معده بس انت كمل هاذي الاوراق وحنا بنقوم باللازم وليد : طيب وقعد يكتب بالاوراق
في الصباح : ريم : بنات يله قوموا طالعت في سرير اختها ومالقت احد ريم: ماشاء الله مشاعل صاحيه بدري وش عندها
قاموا البنات لبسوا ونزلوا يفطرون الا وليد توه داخل وشايل مشاعل بيدينه وكانت نايمه الكل قعد يصرخ وش فيها وليد : اووووووووووووووص نايمه تونا راجعين من المستشفى ام وليد: بسم الله على بنيتي وش فيها وليد: ماتعرفين بنتك ومغامراتها مع المطاعم بس هالمره جت شديده معاها تسمم شديد الكل : بسم الله عليها ام وليد: وليد امش معي نطلعها لغرفتها علشان ترتاح وليد: طيب طلع فوق ووداها لغرفتها وامه معها ووصى الخدامه تطل عليها كل شوي
نزل تحت
وليد : هاجر هاجر لفت عليها :هلا وليد : خوذي هذي اجازة لمشاعل اسبوع من المستشفى عطيها المدرسة هاجر : طيب
طلعوا للمدارس ابتسام : وووووووع المدرسه مو حلوه بدون مشاعل شرايك نتسمم مثلها هاجر : هههههههههههههه على كيفك هو تتسممين ابتسام : ادري ان مو على كيفي بس كذا من باب الدعابة والمزح هاجر : ههههههههههههههههه حلوه دعابة ابتسام: قهر مانقدر نغامر السبت هذا يله الله يعدي هالاسبوع على خير هاجر : صادقه
الظهر رجع الكل من مدرسته وطلعوا لغرفهم
مشاعل كانت لسى نايمه
هاجر: يابعد عمري شوفي شلون وجهها اصفر ابتسام: ايه بسم الله عليها هاجر: اجل تبيننا نتسمم هاه ابتسام : بسم الله علينا
جت هدى وقالت للبنات ان الغداء جاهز نزلوا تحت يتغدون
والخدامة طلعت أكل خاص لمشاعل كله مسلوق لأن معدتها ماتتحمل اكل ثقيل
دخل البيت وبيدينه باقة ورد كبيره وعلبة شكولاته / وينها حبيبتي مشاعل كانوا قاعدين يلعبون طائرة بالحديقة الكل استغرب من هذا اللي معه باقة ورد ويسأل عن حبيبته طلع وجهه من وراء الباقه وكلهم فزو
انتهى البارت
miss cute عضو جديد
عدد المساهمات : 62 تاريخ التسجيل : 01/11/2009
موضوع: رد: البيتـ الكبير } .. روآيه سعوديه الخميس أبريل 22, 2010 12:39 am
البارت الثالث
وكلهم فزو اللي يصارخ واللي يصفر وليد: اهلين ركون شلونك راكان : الحمدالله انت اخبارك وليد: الحمدالله جو العيال يسلمون عليه ويتحمدونله بالسلامه ووقف يسلم عليه راكان : ماعرفتك من انت وليد قطع عليهم: عبدالله هذا راكان ولد عمي عبدالعزيز راكان وهذا عبدالله ولد صديق ابوي عبدالرحمن راكان: ايه ياهلا والله اخبارك؟ دايم نسمع سواليف عنك واخيرا شفناك
راكان: اسمحولي بروح اتحمد لميشو بالسلامه والتفت على العيال ثاني مره لاتخبون علي ولا اذا صرت بعيد يعني خلاص مااكون من العايلة وليد : لا وش دعوه بس ماحبينا نقلقك راكان راح عنهم
والعيال قعدوا يضحكون سلمان : اخس مشاعل جابت راكان من الشرقية والله مو هينه ماجد : صادق سلوم مو هينه انا اعرفها زين خبز ايديني وليد: اشوفكم عاد مصختوها تسبون ميشو قدامي تراها اختي ومااسمحلكم ماجد وسلمان : لا ياشيخ لايكون انك ناسي انها اختنا بعد وليد : لا مانسيت بس انا وياها طلعنا من بطن وحده وعبدالله يتفرج عليهم
سلمان : تتخيلون لو مشعل عايش بيطلع يشبه مشاعل؟ وليد: تخيل يطلع يشبهها كان تلاقي بنات الحارة كلهم مسنترين عند الباب عبدالله لف عليهم مستغرب متى كان عندهم ولد واسمه مشعل
عبدالله : أي مشعل انت عندك اخو اسمه مشعل؟
وليد ايه عندي وهو توأم مشاعل بس هو على طول مات لأن الحبل السري لاف على رقبته وامي ولدت مشاعل طبيعي وماقدروا يطلعون مشعل فاضطروا يفتحون بطنها علشان ينقذون مشعل بس كان مرره تعبان وجسمه ضعيف ولونه ازرق من نقص الاكسجين وجلس يوم بعدين توفى وامي دخلت بغيبوبة اسبوع لأنها كانت مره تعبانه وماطلعت من المستشفى الا بعد شهر
سلمان : علشان كذا مشاعل كل حريم عماني ارضعوها لأنها كانت مره صغيره وماعندها مناعه والرضاعه الطبيعية تسبب لها مناعه من الامراض
عبدالله : يوووه مسكينه توني ادري ان لها توأم
فوق عند البنات راكان : الحمدالله على السلامه ميشو مشاعل: الله يسلمك ركون
راكان وهو يغمز لمشاعل:عرف ان هاجر وابتسام متخبين وراء الستاره وقال هلا والله ببنت عمي
هاجر دخلت عرض: هلا والله بولد عمي راكان: وانتي وش يدخلك احد سأل عنك هاجر: ايه انت سألت راكان ومافيه غيرك بنت عم هنا هاجر : الا فيه بس الظاهر والله اعلم انها شوي وبيغمى عليها من الحياء راكان: فديتها هي وحياها اجل انتي اللي وجهك مغسول بمرق هاجر عصبت عليه وحبت تلعب باعصابه: اجل دور غيري مرسال لك انت واياها ولا تفكر بميشو لأنها تصير اختك وابتسام تستحي تقولها شئ راكان : افااا ماهقيتك بذي الانانية هاجر : انانية انانية يعني وش بلاقي منك راكان حب راس مشاعل وقالها يالله مع السلامه وهمس بأذنها وقال سلميلي على بسومه وهي هزت راسها بالموافقه
نزل راكان وهو يمشي بالصالون احد مسكه مع اذنه راكان : ااااااااااااااي الجده: تبي تطلع من غير ماتسلم جيت ودرعمت على فوق قالنا ماشي خايف على اخته لكن تبي تطلع من البيت من غير سلام هذي اللي ماراح اسكت عنها راكان يممممممه الله يهديك والله كنت بجي عندك واسلم عليك وبعدين انا بجلس يومين وارجع للشرقية الجده: ايه اشوا الا وشلون ابوك وامك واخوانك راكان: الحمدالله طيبين الجده تركت اذن راكان : هالمره سماح لكن المره الجاية مافيه سماح
جلس راكان وتقهوى مع جدته وطلع للعيال
مرت الايام وقربت الامتحانات الفصل الثاني والبنات شادين حيلهم علشان المجموع
ومرت ايام الاختبارات بسلام
وبدأت الصيفية
دخل (ابو طلال): وكان الكل مجتمع وقال ان اخوي عبدالعزيز عازمنا ببيته بالشرقية اسبوع علشان يغيرون جو بعد الاختبارات وحنا يالرجال بعد بنروح لان عندنا شغل ضروري بالشرقية ولازم نكون كلنا موجودين
ابو وليد خير ان شاء الله متى تبينا نمشي ابو تركي : بعد يومين
البنات مبسوطات انهم بيروحون للشرقية ويغيرون جو شوي
راحوا البنات لغرفهم ماعدا ريم راحت لغرفة ابوها طقت الباب ابو وليد : تفضل ريم : بالخير يبه وحبت راسه وجلست ابو وليد: خير حبيبتي بغيتي شئ ريم نزلت راسها: لا بس حبيت اقولك اني موافقه على ماجد ولد عمي ابو وليد انرسمت على وجهه الفرحة : خير ان شاء الله والله يوفقك يابنيتي طلعت ريم وارتاحت
طلع ابو وليد لأخوه ابو ماجد ودخل عليه بالمكتب وقاله عن موافقة ريم وفرح اخوه بالموافقه واتصل على قسم العيال ابو ماجد: الووووو سليمان: هلا عم شلونك ابو ماجد: الحمدالله انت شلونك سليمان: انا الحمدالله ابو ماجد: استعديتوا للشرقية ترى بنمشي بعد بكره سليمان ايه ياعم ابو ماجد : ماجد قريب سليمان لا بالحوش اناديه ابو ماجد : لا خله يجين بالمكتب بسرعه سليمان : ان شاء الله مع السلامة سكر سليمان التليفون وطيران لماجد وكان يلعب بلوت مع وليد وسلمان ماجد ماجد قم بسرعه ابوك يبيك ماجد: خير ان شاء الله ماقال وش يبي سليمان : لا بس صوته جاد شوي مدري شكله يبي يخانقك ماجد صادق انت والله ماسويت شئ ولف على سلمان انت مسوي شئ وحطيتها بي سلمان : لا والله ماسويت شئ ماجد :غريبه وش يبي فيني هالحزه وليد: روح ياخبر اليوم بفلوس بكره ببلاش ماجد واعصابه تلفت أي فلوس واي بلاش خلني اروح احسن راح ماجد لعند ابوه وطق الباب ابو ماجد: تفضل ماجد دخل وشاف عمه ابو وليد راح حب راس ابوه وراس عمه ابو ماجد: ماجد اليوم عمك جاب الرد من ريم ماجد وهو مخنوق والله وش ردها ابو وليد : اكيد موافقه ولا وين نلقى احسن منك ماجد قام حب راس عمه الله يسلمك ياعم ابو ماجد: المهم ياوليدي ابيك تصير قد المسؤلية وروح خذلك شقه من اللشقق اللي هنا واثثها علشان تصيرون قريبين لأننا اتفقنا انا وعمك العرس يكون بعيد الفطر خلاص ماجد ابشر طال عمرك وحب راس ابوه وعمه وطلع وراح للعيال والضحكه شاقه وجهه
وليد : ياشر له خير وش يبي الوالد منك ماجد وهو مصدوم: وافقت وليد : من هي اللي وافقت ماجد: اختك وليد على ايش توافق ماجد : ايه صح انا ماقلتلك انا خطبت اختك ريم وليد : نعم وانا اخر من يعلم هين شغلها عندي تخبي علي وانا اخوها ماجد: انا قلت تكتموا على الموضوع لأني خفت ترفض واتفشل قدامكم كلكم اذا كان منتشر الخبر او اذا احد تامل خير بالزواج اخاف تغصبونها علي وانا ابيها تاخذي بقناعة
وليد: على العموم الف مبروك منها المال ومنك العيال ماجد الله يبارك فيك وانتبه نعمم وش فيك قلبت مني المال ومنها العيال وليد ماعليه اختي سنعه تقدر تجيبهم كلهم ماجد: قول لا اله الا الله وليد: تراها اختي لا اله الا الله
عند البنات ابتسام : بنات تتوقعون لو نقولهم نبي نروح للبحرين يوافقون هاجر : اذا العيال بيروحون معنا اكيد بيوافقون مشاعل سرحانه تفكر في حبيب القلب عبدالله ابتسام : مايضمن لنا العيال الا ميشو هاجر : صادقة خلينا نروح نقولها ابتسام : يله هاجر تأشر على عيون مشاعل : ياهووه نحن هنا ابتسام وش فيها مو على بعضها البنت هاجر تصفر باذن مشاعل مشاعل : وجع اذني ترى ابيها ابتسام : ندري انك تبينها هاجر: الا بأيش سرحانه اعترفي مشاعل: افكر بالنسبة <<<< تصرفها ابتسام اقول يله عاد نسبة ان شاء الله نسبنا كلها حلوه هاجر: علينا ذا الكلام تفكرين بالنسبة ابتسام: المهم ماعلينا ميشو مشاعل: امري هاجر: نبيك توسطينلنا عند العيال مشاعل : بأيش ابتسام: ودنا اذا رحنا الشرقية ننزل يوم للبحرين هاجر: وتعرفين مانقدر ننزل بدون العيال مشاعل: اوكي خلاص بحاكيهم بكره ابتسام : أي بكره لا اللحين تروحين لهم هاجر: مايمدي لازم اللحين علشان بكره نحاكي ابهاتنا وبعد بكره نمشي ان شاء الله مشاعل : طيب طيب اللحين بروح
نزلت مشاعل عند العيال
وهي تمشي سرحانه تفكر فيه اخر مره شافته قبل اكثر من شهر يوم كان عندهم
فتحت الباب على العيال بسرعه وقالت : بوووووووووو
كلهم لفو ببروده عارفين حركاتها : نعم وش تبين مشت عندهم وقالت : على هونكم علي شوي شوي
انا اصلا ابي ماجد عندي رساله له وتطلع لسانها للعيال ماجد فز وقام عرف انها من ريم مسك يد مشاعل وطلع معها للحديقه مشاعل: افاااا مجود تخطب من وراي كان قلتلي اضبطك مع انا اللي مضبطتك وامدح فيك عند ريومه ماجد : يابعد قلبي ياميشو المهم وش الرساله مشاعل تتريق عليه وتقلد صوته (المهم وش الرساله) مشاعل مافيه رساله ولا يحزنون بس هي امنية ماجد: امنية مره وحده وش قالولك انا محقق الاماني مشاعل : المشكلة مو امنيتي انا بس انا وابتسام وهاجر وهدى وريـــــــــــــــم ماجد: طيب وش الامنية؟ مشاعل : ودنا اذا رحنا الشرقية ننزل للبحرين ماجد يضحك ههههههههههههههههه تصدقين نفس تفكيرنا واننا بنقولكم علشان الشيبان بيرفضون اننا نروح لحالنا وقلنا مافيه الا انتم تنقذونا مشاعل تضحك ههههههههههههههه المهم لا تقول للعيال اننا نبي نروح قلهم انك انت قلتي تعرفهم عنيدين واذا عرفوا اننا نبي نروح يحرمون انفسهم علشان يغثونا
ماجد : زين خلاص
مشاعل طلعت تبشر البنات ان العيال موافقين وراحت تقول لريم وهدى
الكل نام
في الصباح
الكل محتاس يجهزون اغراضهم علشان بكره يمشون
هاجر : بنات انا كل بناطيلي صارت ضيقه مدري ليه مشاعل : حلوه ذي مدري ليه من البلع اللي تبلعيه ايام الاختبارات وماتبين تسمنين بعد هاجر : طيب وش السوات ابتسام: شرايكم نروح السوق اليوم مشاعل : اوكي هاجر: خلاص بروح اخذ من ابوي فلوس لنا كلنا مشاعل : زين
العصر طلعوا البنات للسوق ريم وهدى وهاجر وابتسام ومشاعل
ريم وهدى راحوا مع بعض لحالهم راحت للصراف تبي تصرف انصدمت يوم شافت المبلغ اللي فيه طلعت جوالها تكلم ابوها: الوو هلا يبه ابو وليد هلا والله ريم ريم : يبه لقيت بحسابي مية الف ابو وليد : ايه هذا مهرك يابنيتي والله اني انشغلت ونسيت اقولك اننا حولنا المبلغ لحسابك وانا عارف انك مو خرباطية علشان كذا عطيتك المهر ريم استحت: طيب يبه تامر على شئ ابو وليد: سلامتك يابنيتي وانتبهي للبنات انتي العاقله بينهم ريم: ان شاء الله
خلصوا البنات من السوق ورجعوا للبيت
في الصباح
جالسين يتقهوون مع الوالده ابو طلال: يمه ترى الرحلة العصر انا وياك ام علي: ايه زين والله اني كنت شايلة هم الطريق ابو وليد: صالح اللحين من اللي بيسوق من العيال ابو ماجد: مدري عنهم بس اكيد كل واحد يقول بروح بسيارتي ابو طلال: مو على كيفهم بس المتزوجين اللي بيروح منهم ياخذ سيارته ووليد وماجد اما الباقين لا مايحتاج وبعدين كلنا سياراتنا كبيرة وتشيل ابو وليد : خلاص انا بقول للعيال
العصر ركبو الاغراض بالسيارات
ابو طلال راح مع امه للمطار ابو ماجد سيارته يوكون معه ام ماجد والعنود والخدامه
ابو وليد سيارته بي ام الحوت وراكب معه ام وليد بس
سيارة طلال ومعه عياله سيارة تركي معه عياله سيارة محمد معه امه وولده هاشم واخته هنوف
سيارة ماجد جيب لكزس كل البنات معه ريم وهدى وهاجر ومشاعل وابتسام ومعه جيب
سيارة وليد رانج روفر وكل العيال معه سلمان وسليمان وعبدالعزيز وطبعا عبدالله مسافر معهم لأن وليد لزم عليه يسافر معهم
بالطريق
وقفوا عند محطه ابو ماجد: يله اللي يبي الحمام ينزل واللي مايبي ينزل بعد لأننا ماراح نوقف الا ببيت اخوي يله
ابتسام: ماجد كثر خرابيط الله يعافيك ماجد : طيب فيه احد يبي شئ خاص مشاعل: ايه جيب كت كات وكثر ريم تحبه ماجد قعد يطالع مشاعل واستحى ومشى اما ريم قرصت مشاعل واستحت يوم راح ماجد ريم: انتي ماتستحين عيب عليك فشلتيني عنده مشاعل : من هو اللي فشلتك عنده ريم: تستهبلين انتي من غيره مجودي <<<< قالتها من غير ماتحس البنات : ياهوووووووووووه مجودي من قدك ريم وتدلعك ريم: خلاص بس اسكتوا جاء ماجد: ركب وحط الاغراض بحجر ابتسام ابتسام: ههههههههههههههههههههههههه كرتون مره وحده من قدك ريمووه مشاعل ونطت قدام تبي تشوف وو ههههههههههههههههههههههههه ماجد: ريمووه بعينك احترمي نفسك لاشوتك وراء اللحين ريم دوروها ماتلقوها البنات : احلااااااااا يدافع عن حبيبة القلب مشاعل : من قدك مجودي يدلعك ماجد: مجودي بعينك اصغر عيالك انا مشاعل: عاد مو انا اللي سميتك كذا وتطالع ريم ماجد عرف ان ريم هي اللي سمته مجودي وقال: ايه بس ناس معينين ينادوني مجودي وغيرهم لا فاهمه مشاعل: ههههههههههههه حركات البنات يضحكون هههههههههههههههههه
طبعا مشاعل ماتدري ان عبدالله مع العيال لأن العيال ماشاء الله مسرعين وماهمهم الشيبان
طبعا ابو طلال وامه واصلين من زمان
والعيال المتزوجين كل واحد راح لفندق علشان ياخذ راحته مع عياله وصلو الشرقية الساعه 10 واتجهوا بيت اخوهم عبدالعزيز
فتحت الخدامه لهم الباب ونزلوا ودخلوا داخل مشاعل: وين العيال الخدامه: ملحق مشاعل : طيب مشاعل راحت للعيال بتحذرهم من الشيبان وطبعا لابسه عبايتها وحاطه طرحتها على اكتافها وفاكه شعرها وتركض وفتحت الباب بسرعه : بوووووووووووووووو كلهم عادي الا واحد انهبل قعدت تطالعه وهو يطالعها منصدمين انتبهت وسكرت الباب وعيونها مليانه دمووع من الفشيله ومن الفرحه بنفس الوقت انها شافته
طلع لها وليد: انتي اللحين ماتخلين حركاتك ابد وشاف عيونها وليد : خلاص خلاص ليش الصياح ماصار شئ يله ادخلي داخل الا وش كنتي تبين مشاعل: والله ماكنت ادري ان عندكم احد المهم نامو ترى ابوي صالح معصب وقال اوريهم بالبيت الشغل ليش تسرعون وليد: يووه زين انك علمتينا يله ادخلي داخل وانا بقول للعيال مشاعل : طيب
عبدالله: سرحان ويكلم نفسه (يالله شكلها مرره يجنن ولا شعرها الاسود ااااااااااه احبها بس ليتها تحس فيني مدري ليه تكرهني ماسويت لها شئ مع كذا تكرهني)
وليد: ياهووه وين وصلت عبدالله: هااه معااك وليد: أي معي وانا اسولف وانت ولا هنا عبدالله يضيع السالفه: يووه مادقيت على الوالد اقوله اني وصلت وليد: طيب دق عليه وسلملي عليه وانا بروح اشوف حبيبة القلب اااااه انا بقول لابوي دامنا بالشرقية يخطبها لي اجل مجود يبي يعرس وانا لا عبدالله: أي حبيبة قلب هااه من ورانا وليد: خخخخخخخخخ لا هذي بنت عمي عبدالعزيز من يوم حنا صغار وحنا نحب بعض عبدالله: زين الله يوفقك
عند الحريم طبعا الامهات جلسوا يتقهوون مع ام خالد وتعشوا بعدين دخلوا ناموا تعبانين من الطريق
البنات سمية: اخيرا شرفتونا مابغيتوا بالله متى اخر مره جيتو ابتسام: يووووه من زمان هدى: ايه صح من زمان
سمية تكلم ابتسام بصوت واطي : يسلم عليك راكان ابتسام استحت: الله يسلمه سمية : بس تبيني اقوله شئ حنا بالخدمة دخلت عرض عليهم : لاتخافين انا مرسالهم انتي ابلشي مع حبيب قلبك وتحرك حواجبها سمية انحرجت: مشاعلووه انطمي الا وش اخباره مشاعل : ههههههه طيب ويسلم عليك
وليد من وراء الباب : احم احم ياولد مشاعل: جبنا سيرة القط قام ونط وتغمز لسمية
مشاعل: يله ادخل تغطوا دخل وقاعد يدور بعيونه يدور عليها مشاعل تاشر له وتعلمه مكانها بدون محد يشوفها وليد: شلونك سمية ويطالعها سمية (بنفسها شلون عرفني) بصوت ماينسمع : الحمدالله طيبه وليد : هااه مااسمع مشاعل: تقول الحمدالله طيبه انت شلونك <<<< زودت من عندها سمية تفشلت (الله يقلعك مشاعلووه اللحين وش بيقول عني) وليد لف لسمية: انا الحمدالله بخير دامك بخير مشاعل : تصفر يااهوووه البنات قعدوا يضحكون على شكل سميه طلع وليد وسمع صراخ وضحك
سمية وهي ماسكه شعر مشاعل : انا متى قلت شلونك مشاعل: أي أي هذا جزاتي اللحين انا قاعده امهدلك الطريق اللحين وتشوفين ان ماجاك بكره ابوي عزيز وقالك وليد خطبك سمية تركت شعر مشاعل واستحت وطلعت غرفتها
طبعا مشاعل تعرف نية وليد وهو قالها هالكلام قبل لايجون للشرقية انه ناوي يخطبها
طلعوا البنات وناموا
في الصباح
طلعت بالبلكونه تشم شوية هوا ومعا كوفي هي الوحيده اللي صاحية اما البنات كلهم نايمين تطالع الحديقة شافت واحد يكلم ويضحك وعرفت انه هو حاولت انها تسمع وش يقول وفعلا سمعت عبدالله : يابعد قلبي انتي حتى انا اشتقت لك عبدالله: هههههههههههههه خلاص خلاص والله كلها يومين وراجع مقدر ابعد عنك ولا دقيقة : والله ماالعب عليك
مشاعل جتها الصيحه وتقول بنفسها(خلاص راح مني مافيه امل انه يحبني) : خلاص بجيب لك هدية : تبين شئ معين : طيب بجيب لك بي اس بي واعبيه لك العاب بس عطيني ماما اللحين
مشاعل: هااه بي اس بي وعطيني ماما اكيد اخته (الحمدالله والله لو اعرف انه يحب احد ثاني والله لا اذبحها) وسرحت وقعدت تتخيل شكلها وهي عروس وهو بجنبها وتبتسم
عبدالله خلص مكامه وجلس بالكراسي اللي بالحديقه يتخيل شكلها امس ورفع راسه وناظرها عبدالله وهو يطالعها: ياحلوك حتى وانتي قايمه من النوم تجننين وقعدت يطالعها يبي يحفظ شكلها مع انه مانساه محفور بقلبه وعقله
هي خلصت تخيلات وقعدت تضحك على نفسها وانتبهت وطالعت تحت وعيونها جت بعيونه ابتسمت له وابتسم لها ودخلت داخل
مشاعل: ليه يبتسم لي يمكن يحبني وانا مدري
عند عبدالله: الله ياحلوها وهي مبتسمه ايه صح ابتسمت لي يعني ماتكرهني لو تكرهني كان كشرت في وجهي(لا تعشم نفسك اول شئ تأكد بعدين تكلم)
الظهر على الغداء وليد: يبه ابغاك بموضوع خاص ابو وليد: خير وانا ابوك قول وليد: يبه ابي اتزوج ابو وليد: هذي الساعه المباركة وليد: ماسألتني من اللي ابيها ابو وليد: ومن تكون سعيدة الحظ وليد: سمية بنت عمي عبدالعزيز ابو وليد: هذي الساعة المباركة وليد: متى بتحاكي عمي ابو وليد: ههههههههه مستعجل وليد: ايه واذا وافقت ابي اشوفها دامنا بالشرقية ابو وليد: ماشاء الله مخطط للشوفه بعد وليد: اجل انا اللي بعرس ههههههه ابو وليد: طيب يمكن ماتوافق <<< يبي يهبل فيه اصلا يدري انهم يحبون بعض من يوم هم صغار وليدبكل ثقه: لا بتوافق من يحصله وليد ابو وليد: على هونك وش ذي الثقة وليد: اكيد بصير واثق انا وليد بن ناصر ابو وليد: خير ان شاء الله انا بكلم اخوي اليوم زين وليد: زين وقام تامر على شئ يبه ابو وليد: لا سلامتك
العصر
سمية: بنات تبون نطلع لمجمع الراشد ريم: ايه والله ياليت تخيلي اعمامي اتفقوا ان زواجي بعيد الفطر يعني بعد 3 شهور هدى: يووه يالله يمدي ريم: ايه يالله يمدي مشاعل:امشو ننزل تحت نتقهوى مع الحريم ابتسام : يله
عند الحريم
سوالف وضحك ووناسه
عند الرجال مجتمعين كلهم من كبيرهم لصغيرهم ابو وليد: ابو خالد ابو خالد: لبيه ابو وليد: ودي ببنتك سمية لولدي وليد ابو خالد: هذي الساعة المباركة ماراح نلقى احسن من ولدنا وليد ابو وليد: الله يسلمك بس ياليت تاخذ رايه اول ابوخالد: ابشر ماطلبت اللحين ابلغه ابو وليد : لاتستعجله بالرد ترى هذا زواج مو لعب ابو خالد: ابشر وقا
دخل ابو خالد عند الحريم ونادى سمية ابو خالد: سمية سمية : سم ابوخالد: سم الله عدوك تعالي شوي ابغاك بموضوع سمية: ابشر قعدت تطالع البنات مستغربه مشاعل: ماقلتلك المهم قوليله انك موافقه مايحتاج تفكرين سمية: كلي تراب لا باخذ مهله مو على كيفك مشاعل: ترى وليد مايحب يصبر وبيطير من يدك انا حذرتك سمية: هااه طيب لو يوم مشاعل : يوم معليش وبعدين الجواب معروف ليش اللف والدوران سمية استحت: روحي زيــن
راحت عند ابوها سمية: امر يبه بغيت شئ ابو خالد: والله كبرتي يابنيتي وبشوفك عروس سمية استحت ابوخالد : هذا عمك ابو وليد يبيك لولده وليد انتي فكري ورديلي مع اني عارف الرد بس لازم تفكرين واحسبيها بعقلك مو بس بقلبك سمية : ان شاء الله وطلعت
دخلت على البنات ووجهها احمر سمية : ياربيه ليش انا دايم مفضوحه ريم : خير وش صاير سمية: تخيلي ابوي يوم قالي ان وليد خطبني فكري مع اني عارف الرد البنات : هههههههههههههه هدى: اكيد مفضوحه ولا نسيتي حركاتك اول البنات هههههههه سمية تستهبل: أي حركات انتي وياها ريم: لا تبيننا نذكرك ماعدنا أي مشاكل هدى: تذكرين ولد الجيران يوم يتل(**كلمة ممنوعه**) فيك وانتي تصيحين ويناديك سميتي انتي رحتي تستنجدين بمن البنات: وليد
هدى:واذا احد اخواني حب يجننه قاله ابي اتزوج سمية ووش يقول وليد البنات: يقول سمية لي فاهمين واللي يفكر مجرد تفكير فيها لايكون اخر يوم بعمره
ريم: هااه نكمل ولا خلاص سميه: خلاص خلاص كافي فضايح
هاجر: بنات ماتلاحظون اننا تاخرنا على السوق البنات : ايه صح
سمية: يووه السواق امي تبيه والسواق الثاني توه جديد ولازم يكون مع السواق الاول علشان يدل زين وش نسوي
ابتسام: ماعندنا الا العيال مشاعل : خلاص بروح اقولهم
طلعت مشاعل الحوش وتكلم وليد
جالس مع العيال بالملحق وليد: هلا ميشو عبدالله انتبه لوليد يبي بس يسمع صوتها مشاعل: ابي الحلاوة اول وليد: أي حلاوة مشاعل:حلاوة الخبر اللي معي ولا اقولك اطلع ابغاك شوي تعالي عند الباب الداخلي وليد: طيران
راح وليد عند مشاعل: هااه بشري مشاعل: هي موافقه بس تتغلى شوي علشان تحس بقيمتها وليد: حاس بقيمتها من زمان مشاعل: المهم البنات يبون يروحون السوق شرايك تودينا تعرف ريم بدت تجهز وليد: سمية بتروح معكم مشاعل: هي صاحبة الفكرة وهي اللي قالت قولي لوليد يودينا تعرف انك طيب وحنون ياحنون<<< تزود من عندها وليد: ههههههه طيب موافق يله اجهزوا مشاعل: اوكي دقايق بس وليد: طيب
دخلت مشاعل على البنات تقولهم يجهزون
وليد راح للعيال وقالهم انه بيودي البنات وليد: عبدالله تجي معي عبدالله: اخاف احرجك معك الأهل وليد: لا احراج ولا شئ امش بس عبدالله :طيب سلمان: انا بروح معكم بعد وليد: معك سياره لأن السيارة ماتكفي سلمان : لا باخذ سيارة ماجد وليد: زين يله راحوا يغيرون
وليد لبس بنطلون جينز وقميص ابيض فيه رسمه من وراء وجزمه بيضاء وحط جل بشعره <<<<طلع شكله جنان
ركبوا السيارة وجوا البنات يركبون تقسموا البنات بين السيارتين مشاعل جرت سمية علشان تركب مع وليد بسيارة وليد عبدالله قدام ومشاعل وريم وسمية وراء سمية وراء وليد ومشاعل بالوسط وريم وراء عبدالله
بسيارة سلمان ابتسام قدام وهاجر وهدى وراء
جاء يركض وفتح الباب بسرعه : ياسلام تروحون وتخلوني سلمان يضحك: ههههه من وين طلعت انت راكان : من تحت الارض من وين يعني راكان: من الحلوه هذي؟ <<<< عارف انها ابتسام ابتسام: هااه انا انا <<< ضاعت علومها يوم شافته راكان: طيب طيب ممكن تركبين وراء ابتسام طيب بس وخر شوي علشان انزل راكان : طيب نزلت وركبت وراء وصارت وراه
بسيارة وليد وليد: هلا سمية شلونك سمية :الحمدالله وليد: عقبال ماتركبين قدام ان شاء الله بدل هذا ويأشر على عبدالله سمية استحت ونزلت راسه ماقدرت تمسك ضحكته هههههههه لف وليد: وجع ان شاء الله قلت شئ يضحك مشاعل : معليش وليد بس مقدر وتكمل ضحك عبدالله(ياناس تهبل ولا ضحكته تدوخ ااااه ليتك تحبيني مثل ماانا احبك) مشاعل: معليش وليد انت ابد ماعندك رومانسيه كلش انت يمين والرومانسيه شمال وش عقبال ماتركبين قدام ههههههههههههههه وليد: طيب علمينا الرومانسية مشاعل: هااه واستحت وليد يتطنز هااه انا بخلي الرومانسية لك اهم شئ اللي بالقلب ولا ياعبدالله عبدالله ايه صحيح بس برضوا الرومانسيه لها دور اعلمك عليها بعدين
مشاعل طالعت المرايه وتلاقت عيونهم وابتسم لها وهي ارتبكت
عند الحبايب بالسيارة الثانية راكان: تصدق ياسلمان ودي اعرس ويطالع ابتسام مع المرايه سلمان: طيب اعرس احد ماسكك راكان: ايه اللي ماسكن اخوي خالد انتظره يعرس سلمان : ليه مايعرس طيب راكان: هو مكلم ابوي بالموضوع بس للحين ماصار شئ سلمان: الله يعين الا من هي تعيسة الحظ راكان : تعيسة بعينك وجع هذي ملاك يمشي بين البشر هذي تقول للقمر وخر وانا بقعد مكانك سلمان:الله الله ياسلام وصرت شاعر ياركين راكان: ركين بعينك وجع اصغر عيالك انا
موضوع: رد: البيتـ الكبير } .. روآيه سعوديه الخميس أبريل 22, 2010 12:41 am
</SPAN>وصلوا الراشد ونزلوا وقعدوا يفرفرون من محل لمحل مشاعل: اوووف ياريم والله مليت حرام عليك شوفي العيال شلون اشكالهم تشرين وحنا نشيل شوفي وش الاغراض اللي معنا ريم: طيب طيب وليد : بروح انزل اودي الاغراض بالسيارة ويطالع ريم خلاص ترى السوق مو طاير كل الاغراض ذي مره وحده ريم طيب نزل وليد ومعه عبدالله جلست ريم والبنات بكوفي مع سلمان وراكان قامت مشاعل بروح محل شوي وبرجع سلمان: طيب لا تتأخرين مشاعل: ان شاء الله راحت لمحل عطورات واشترت عطر رجالي بعدين راحت لمحل هدايا وغلفته وحطته بكيس فخم وراحت تجلس معهم جاء وليد وعبدالله وجلسوا شوي بعدين طلعوا مشاعل: وليد شرايك نروح نتعشى على الكورنيش وليد: والله ماهي شينه نتعشى ليه لا مشاعل:خلاص بدق عليهم اقولهم مشاعل:اهلين ركوني راكان: هلا والله مشاعل: اسمع ترى حنا بنروح نتعشى على الكورنيش خلكم ورانا اوكي راكان: اوكي
راحوا الكورنيش وجلسوا راحت تمشي لحالها سرحانه وتفكر بيجي يوم وبقعد فيه لحالي ريم وبتتزوج ووليد بعد وشكل بسومه بتلحقهم وهاجر وسلمان انا لازم اشوف معهم حل هذولا / بايش سرحانه مشاعل: هااااه عبدالله: بايش سرحانه مشاعل: ولا شئ بس اطالع البحر عبدالله: طيب مشاعل: تذكر يوم نسافر حنا وياكم لمكه وجده يوم ضعت عبدالله: ايه اذكر يوم لقيتك ضميتيني وعجزت افكك مشاعل: بلاك ماشفت اللي انا شفته عبدالله: ليت ذاك اليوم يرجع كان للحين مافكيتك مشاعل لفت عليه : هاااه مافهمت عبدالله:افهمي مثل ماتبين بس انا ابي اعرف انتي ليه تكرهيني وش سويت انا ذكريني يمكن ناسي مع اني اذكر كل شئ يخصك مشاعل: انا ما قطع عليهم صوت الجوال ردت : هلا سلوم سلمان: مشاعل وينك يله بنروح نتعشى مشاعل: طيب يله لفت على عبدالله : بيتعشون يله تعال
دخلوا مطعم فرايديزوتعشوا وطلعوا
وهم بالسيارة منزله راسها وتفكر وش قصده بالكلام يحبني ولا لا بس يوم قال لو علي مافكيتك للحين يعني يحبني رفعت راسها وهي مبسوطه وجت عينها بعينه هي مبسوطه وهو العكس حزين
قطع تفكيرهم صوت الجوال وليد: هلا يبه ابو وليد: نبيك تستأجر شاليه يكون كبير وحلو نبي نغير جو يومين وليد: والشاليه حقنا وش فيه ابو وليد: لا الكهرباء فيها مشاكل ومانقدر نروحله وليد : ابشر يبه وسكر لف على البنات:انبسطوا الوالد يقول استاجر شاليه عبدالله ليش تستاجر شاليهنا موجود وليد: لا عبدالله لاتحرجني مقدر عبدالله: انت اللي لاتزعلن اللحين ابوك والله اني اعزه اكثر من اعمامي وليد: تسلم هذا من طيب اصلك عبدالله:خلاص اللحين اكلم العامل ينظفه لبكره اوكي وليد: شلون نظامه شاليهكم عبدالله: شاليه خاص مو مشترك مع شاليهات ثانية فيه 4 غرف نوم ومطبخ وغرفة خارجية ومسبح وطبعا فيه دبابات بحرية ولنش وليد: زين زين
وصلوا والكل نام
في الصباح مشاعل: بنات ابوي علي جاء بسرعه قوموا البنات بسرعه قاموا وراحوا يغسلون جهزوا اغراضهم للشاليه ونزلوا تحت
العصر هدى :بنات خلونا نقوم نمشي على البحر البنات يله عند العيال قرروا يدخلون البحر ويسبحون الكل قام يجيب ملابس السباحه قام عبدالله وفتح شنطته واستغرب لقى كيس فتح الكيس ولاقى هدية وفيه ورقه فتح الورقه وقعد يقراها
عبدالله: من يوم وانا صغيره وانا اميل لك واحبك بس الفتره اللي ابتعدنا فيها عن بعض لخبطتني ويم شفتك بالاستراحه تجدد كل شئ معاي
عند البنات ريم: ميشو ارقصي مصري هدى : ايه يله مشاعل: طيب خلاص لاتزنون فوق راسي راحت لجهة الاستيرو وحطت شريط مصري واختارت اغنية سواح كانت لابسه بنطلون جنز وتوب ابيض وشعرها فاكته و ربطت الطرحه وقامت ترقص مصري وكانت فنانه فيه
طبعا الشباك حق الشاليه عاكس واللي برا يشوف اللي جوا في الليل
عبدالله وهو ماشي سمع الاغاني ورفع راسه وبلم قعد يطالعها : هي مشاعل الله تجنن ورقصها يهبل جلس يطالعها وبعدين انتبه لعمره وراح يجيب جواله
تذكر انه اخذ رقم جوالها
ارسل لها رساله(مشكور على الهدية كلك ذوق بس ودي اسالك سؤال هو شوي محرج ممكن عبدالله)
خلصت رقص وجلست
جتها رساله فتحت جواله وانصدمت من وين جاب رقمها اكيد اخذه من وليد بدون مايدري
ارسلها: من بعد ماشفتك بالاستراحه المهم روحي لغرفة العيال وتلاقينها بشنطتي
ارسلتله : طيب طيران لغرفة العيال فتحت الشنطة ولقت علبة مشاعل فتحت العلبة ولقتها اسوارة ذهب وفيها جملة a love m بعدين انتبهت لعمرها وراحت داخل وخبت الاسواره وراحت للبنات تستهبل معهم
في الصباح قاموا الكباروافطروا وقعدوا العيال والبنات قاموا البنات وافطرواوطلعوا برا وقعدوا مع الحريم قهوه وسواليف
العصـــــــر
ريم: ودي اركب دباب بحري سمية: يله هذا اخوي خالد هناك خلونا نروح نقوله اتجهوا البنات لخالد وكان يتأمل البحر سمية: خالد خالد: هلا مشاعل: ضمته اهلين خلودي وحشتني خالص خالد: ههههه ماتتركين الهبال انتي مشاعل : اذا اعرست عقلت خالد: عيب عليك هالكلام مشاعل: لا عيب ولا شئ هذي سنة الحياة سمية: خالد نبي نركب الدبابات خالد: طيب بنادي عبدالله يجيب المفاتيح خالد نادى عبدالله وجاب المفاتيح وشغل الدبابات هاجر دباب وابتسام دباب وريم دباب وسمية دباب ومشاعل دبابوانطلقوا الدباب السادس عيا يشتغل توهقت هدى ووقفت مكانها تنتظر البنات خالد في نفسه: من هذي هدى ولا ريم بس سمع صراخ البنات وهو ينادونها هدى خالد: شلونك هدى هدى: الحمدالله خالد: تدرسين ولا بطلتي هدى: الا ادرس خالد :بأي قسم هدى : رياض اطفال خالد: زين الله يوفقك
جت هاجر وركبت اختها معها وتسرع وتفحط وقلبت طبعا هاجر تعرف تسبح اما هدى للا خالد شافهم هو وعبدالله وعلى طول طبو يسبحون مشاعل شافتهم وراحت للعيال علشان تركبهم علشان يمديهم لقت خاللد وركب وراها وعبدالله يسبح على طول خالد طب وطلع هدى شاف سمية وقالها انزلي واركبي مع البنات سميه وهي تصيح طيب وركبت مع ريم اخذ دباب سميه وراح للشاطئ وركبت هاجر مع ابتسام وراحوا وراه مشاعل قعدت مكانها تبكي
نزل خالد للشاطئ ونزلها وحطها وقعد يضغط بطنها وسوالها تنفس صناعي مافيه فايده سوا مره ثانية تنفس صناعي ويضغط بطنها
كح كح كح شرقت بالمويه اللي طلعت من خشمها
لحظه صمت فتحت عيونها الا خالد بوجهها ويضرب خدها هدى هدى اصحي هدى طيب وفقدت الوعي شالها ووداها للشاليه
محمد يبكي: خالد تتنفس خالد: ايه بس هي فقدت الوعي من الخوف والتعب خالد لف عليهم: لاتخافون حيه اطلعوا برا علشان تتنفس زين وانتوا(يقصد البنات) غيروا ملابسها بروح اجيب دكتور واجي هاجر تبكي وسمية ضامتها وجلست على الارض وسجدت شكر ان اختها عايشه
طلع خالد وقلبه يضرب : مايدري وش يحس فيه احساس غريب سلمان : خالد انت ارتاح بروح انا اجيب دكتور واجي خالد: بس انت ماتعرف المنطقة زين سلمان: لاتخاف باخذ راكان ولا ثامر معي خاالد: زين يله روح وش تتنظر سلمان: طيب
عبدالله للحين بالبحر تعب من السباحه سمع صوت صياح قعد يدور وشافها تبكي مكانها راح لها وركب وراها عبدالله :ليش تبكين الحمدالله هي طيبه مشاعل: هذا وقف علي (تقصد الدباب) ابي اروح اشوفها وضمته وكملت بكي عبدالله ارتبك ووده يقعد مايتحرك بس لاالوقت ولا المكان مناسب شغل الدباب مااشتغل شغله مره ثانيه مااشتغل عبدالله: حتى جوالي خرب من المويه انتي معاك جوالك مشاعل: لا خليته على الشاطئ عبدالله مافيه الا اني اسبح واجيك بدباب مشاعل : لا اخاف اصلا كل مالنا ونبعد شف عبدالله قعد يناظر: ايه والله والله مشوار وانا متكسرمن الجيه مشاعل: ههه طيب تعرف هدى وش صار عليها عبدالله: ايه سمعتهم انها تنفست الحمدالله مشاعل: الحمدالله
الكل انشغل بهدى ونسوا مشاعل
وليد: وين عبدالله سليمان: مدري يمكن راح مع سلمان وثامر يجيبون دكتور وليد: ايه زين
جاء الدكتور وطمنهم على هدى
عند البنات ابتسام: وين ميشو سمية: ايه صح وينها هاجر: يمكن عند العيال البنات كلهم: يمكن
عند الحبايب بوسط البحر عبدالله: الله ياحلو وقت الغروب وانتي بوسط البحر كأنك تلمسينها مشاعل: ايه صادق حلوه عبدالله وش تمنين اللحين مشاعل: اتمنى اشوف هدى بخير واني المس الارض عبدالله:ههههه امحق رومانسيه مشاعل: هههه مو قت رومانسية عبدالله: تخيلي اننا بقارب وهاربين سوا وش بيكون شعورك مشاعل: بيكون شعوري مثل شعور أي وحده هاربه مع حبيبها عبدالله: الله عيدي اخر كلمه مشاعل: نسيت وهي تتثاوب عبدالله عبدالله: عيون عبدالله مشاعل: ابي ارجع وانام تعبانه عبدالله هانت الا هذولا للحين مافقدونا مشاعل: لايكون حسبونا متنا عبدالله : بسم الله علينا مشاعل : تعبانه ابي انام عبدالله:طيب نامي مشاعل: شلون انام عبدالله: مدري فكري (وده يقولها بحظني بس يخاف يتهزء) عبدالله: تذكرين يوم حنا بجده وقعدت استهبل على بنت وانتي تحسبيني قاعد اتغزل فيها بس صراحه ردة فعلك كانت عنيفه مشاعل : ليش عنيفه عبدالله: لايكون نسيتي يوم وقفتي قبالي وعطيتيني ذاك الكف اللي عمري ماراح انساه مشاعل عصبت: احمد ربك اني ماذبحتك بعد عبدالله: ههههههههههه الدعوه بها ذبح لا خلاص ماابي اناظر بنات انتي ماليه عيوني بعد ماشفتك ويحرك حواجبه مشاعل استحت اظلمت الدنيا ومشاعل رجعت تبكي من الخوف عبدالله: لاتخافين وانا معاك فتح نور الدباب وحاول فيه مره مرتين وثلاث واخيرا اشتغل مشاعل انبسطت قعد يسوق ومشاعل قدامه يعني صايره بحظنه وقعد يدور ويمشي لمين وصل الشاطئ حق الشاليه
راحت ركض للشاليه الكل استغرب من حالتهاوتصارخ : وين هدى هدى: هلا خير ميشو وش فيك مشاعل: راحت وضمت هدى وقعدت تبكي هدى: خلاص ميشو والله مافيني شئ مشاعل: لاتخوفيني عليك مره ثانية ريم: الا وين كنتي مشاعل مشاعل: انتم اللي وين رحتوا وتركتوني الدباب حقي وقف وعيا يشتغل لوما عبدالله كان يسبح مع خالد ولا صارت علوم ويمكن اوصل للبحرين وانتم مادريتوا عني البنات قعدوا يضحكون على مشاعل
عند العيال دخل عليهم وحالتة حالة وليد: خير ان شاءالله وش فيك ووين كنت ندق على جوالك مقفل عبدالله: ابد كنت اتشمس بوسط البحر خالد: اووووه والله نسيتك معليش بس والله اختبصت عبدالله: لا عادي الحدلله اني لقيت مشاعل ولا كان ضعت بوسط البحر هههه لفو عليه كلهم ومشاعل وش جابها عندك ابد وقالهم السالفه طبعا ماقالهم اانها ضمته ووالسواليف الرومانسية
وعذروه ولو هم مكانه كان سوو كذاواكثر
في اخر الليل ماقدر ينام قاعد يعيد كل شئ براسه من وقت ماشافها وهو محتاس( اللحين انا ليش مااكلم ابوي يخطبها لي انا ولد عمها واولى من الغريب)
خالد نام وقرر انه يكلم ابوه في الصباح
في الصباح:
الكل صاحي لأنه اخر يوم لهم بالشاليه وبينبسطون
الرجال جالسين عند البحر
وليد: عم وش رد سميه تأخرت بالرد ولا الرجال يضحكون على وليد ماجد: اصبر عليها ترى اختك قعدت شهر وهي تفكر يالله وافقت وانت تبيها توافق بيومين وليد: وانت وش يدخلك يومين ولا شهر ويلف لعمه هاه عم وش ردها
ابو خالد: والله انشغلت وماسألتها اللحين اسألها ابو خالد: خالد روح اسال سمية خالد [ندعوك للتسجيل في المنتدى أو التعريف بنفسك لمعاينة هذه الصورة]فرح لأنها فرصه يروح يشوف هدى) ان شاء الله
بالشاليه البنات يلعبون لعبة ولا كلمه
طق خالد الباب وتنحنح ودخل الكل تغطى ماعدا سمية وخلود مشاعل سمية: خالد عيب عليك داخل البنات يبون ياخذون راحتهم خالد: ادري بس مشاعل: بس ايش خالد: حبيت اتطمن على هدى الكل قعد يطالع هدى هدى وجهها احر وحمدت ربها انها متغطيه ولا كا الكل قعد يعلق عليها خالد: شلونك هدى ان شاء الله بخير هدى بصوت واطي: الحمدالله خالد: خير ان شاء الله وهو طالع سمية تعالي ابيك بموضوع سميه: ان شاء الله
خالد: ازيك ياعروس سميه ووجهها طماطه : بلا تريقه اخلص وش الموضوع خالد: وليد نشب لأبوي يبي يعرف ردك اللحين سميه: هاه خالد: وش هاه اخلصي ياايه يالا سمية: وش لا بعد انت خالد يطالعها بنص عين: طيب خلاص عرفت الرد يله سلام سمية انحرجت ودخلت
خالد حب يلعب باعصاب وليد غير ملامح وجهه سوى نفسه متضايق
وليد: هااه بشر
خالد لف على ابوه: هذي نهاية الدلع يبه ولا وين بتلقى احسن من وليد الكل تضايق واولهم وليد تغير وجهه وتضايق وجاء بيقوم الا خالد يمسك ايده ويقعده بالغصب خالد: مبروووووك منك المال ومنها العيال وليد بعصبية: الله ياخذك لعبت باعصابي وقام يكفخه والكل قعد يضحك على وليد وهو يكفخ خالد
يوم خلص تكفيخ
وليد: عم ابي اشوفها ابو خالد : خير ان شاء الله اذا رجعنا حددت لك موعد وليد: خير ان شاء الله
قعدوا حتى الليل وقاموا ضفوا عفشهم ومشوا للبيت
في البيت الكل دخل علشان ينام
عند العيال عبدالله : وليد ترى بمشي بكره وليد : اصبر ياخي كلها يومين وكلنا بنرجع بعدين بكره ببنزل للبحرين حنا والبنات عبدالله: زين خلاص بأجلها لبعد بكره علشانك بس وليد: خير ان شاء الله يله نام اللحين يطلع النهار وبتلقى مشاعل فوق روسنا من الحماس هههههههههه عبدالله: ههههههههههه
نامـــــــــــــــــوا
الساعة 11
قام وليد من ازعاج التليفون وليد: هلا مشاعل: صباح الليل وين اللي بيقوم 9 علشان نمشي وليد: ليش الساعه كم اللحين مشاعل: 11 يله قوم وليد: طيب اللحين بقوم واقوم العيال جهزوا جوازاتكم خلاص مشاعل : جاهزين وليد: طيب جيبوا لنا شئ ناكله قبل مانمشي مشاعل : طيب
نزلت مشاعل وقالت للبنات وراحت مشاعل عند سمية وقالتلها ان العيال يبون فطور سمية : طيب من يجي معاي مشاعل انا بقوم اصلح معك وراحوا للمطبخ وصلحوا فطور وحطوه بالمقلط
كلمت مشاعل وليد وعلمته ان الفطور جاهز وانها هي وسميه اللي مصلحينه
وليد انفتحت نفسيته على الاكل زود وراح للعيال وقالهم عن الفطور وراحوا يفطرون خالد: ماشاء الله وش اللي طاري على الخدامه ذي الاصناف وليد: خدامه بعينك هذي حرمي المصون واختكم مشاعل اللي مصلحينه عبدالله قعد يطالع السفره وانبسط: ياسلام مشاعل مسويه هذا
الفطور كان عبارة عن فول وشكشوكه وبيض اومليت بالجبن وجبنه وزيتون ومربى وقشطه ومرتديلا
خالد: احلا اكيد الفول مصلحته سميه اكيد راكان: ماضنتي يطلع من سميه كذا يمكن ميشو لأنها ماشاء الله فنانه بالمطبخ ليتها كل يوم تطبخ لنا سلمان: بالاحلام تطبخلك حنا نترجاها ترجي علشان تصلح لنا حلى ويالله توافق سليمان : الله اشتهيت التشيز كيك الفراوله اللي تسويه ثامر: يوووه من زمان عنها الشيطونه هذي خالد: الا من اللي علمها ماشاء الله وليد: الكتب طبعا ماتاخذها حرفيا الطبخه لازم تسوي فيها تعديلات هي قالت لي كذا عبدالله كان مستمع وماتكلم ولا كلمة ومبسوط وياكل
وليد: يله مشينا ياشباب
العيال هم عند السيارات
اللحين شلون نظامنا لازم كل واحد معه خواتع علشان البوابه
ماجد ايه خلاص
ماجد : معه ابتسام والعنود خالد : معه سمية وخلود محمد : معه هدى وهاجر وليد: معه عبدالله ومشاعل وريم بسيارة سلمان راكان وثامر وسيلمان وعبدالعزيز
انطلقوا ودخلوا البحرين واتجهوا لمجمع السيف ودخلوا فيه قعدوا يتمشون ويستهبلون وليد: كان لابس ثوب وشماغ وجزمه سوداء وساعه سوداء ومسوي سكسوكه وطالع جنان كل البنات يطالعونه ماجد: لابس بنطلون جينز اسود وتي شيرت رصاصي فيه كلام بالاسود وطلع يجنن حتى ريم انصدمت فيه من جماله وانقهرت من البنات اللي يطالعونه محمد: لابس ثوب وشماغ وطالع حلو عبدالله: لابس ثوب وغتره وجزمه بني وساعه بني ومسوي سكسوكه مع عوارض خفيفه وطالع شكله خيال سلمان: لابس بنطلون جينز مع قميص زيتي راكان: لابس بنطلون اسود وقميص ابيض ثامر: لابس برمودا اسود وتي شيرت كت احمر وجزمه سوداء سليمان: لابس برمودا زيتي وتيشرت اصفر عبدالعزيز: لابس ثوب وكاب
والبنات طبعا عليهم عباياتهم
العيال قعدوا بكوفي والبنات راحوا يتسوقون بعدين دخلوا فلم مصري كوميدي
في السينما البنات قدام العيال ترتيب البنات من جهة الجدار ريم هاجر ابتسام عنود خلود هدى سمية مشاعل ماجد سلمان راكان عبدالعزيز سليمان خالد وليد عبدالله وثامر ومحمد جلسوا بعيد شوي لأن المقاعد فل
قام البنات كان فيه شباب سعوديين يتميلحون عند البنات جاء واحد لف على مشاعل ورمى عليها ورقة عبدالله انتبه له انحنى وهو بمكانه واخذ الورقه اللي بحجر مشاعل بحيث صدره صار قريب لراس مشاعل وارتبكت وقال عبدالله للولد: لو سمحت الولد: لف مستغرب نعم عبدالله: ابتسم له ودخل الورقه بفمه وقاله عيدها وشوف وش يجيك فاهم الولد لف وانحرج <<<< تأدب وليد: وش فيه عبدالله مع هذا عبدالله وهو معصب: ماشفته قاعد يتميلح ورمى ورقه على البنات وليد عصب : الحيوان وقام يبي يأدبه عبدالله جلسه: لاتخاف ادبته لك ولو اهلك اهلي واغار عليهم مشاعل كانت تسمعهم وانبسطت
خلص الفيلم
مشاعل : اللحين ابي ادخل فلم هندي من يبي يدخل معاي وليد: يووه وانتي والهنود عشق لاينتهي مشاعل: وهـ فديته يهبل يهبل وليد: من هو ذا وجع مشاعل تضحك على وليد: هههههه وش فيك الفنان الهندي فاردين خان يجنن ابن الذين وليد: ايهم ورين شكله اللي منهبله عليه مشاعل اشرت على الملصق اللي فيه فيلمه وليد: صراحه معك حق يهبل بس مو احلى مني مشاعل: ياشين الغرور وراحت للبنات مشاعل: بنات من يبي يدخل معاي هذا الفلم بيبدا بعد ساعه هاجر وابتسام : اكيد معك
طبعا ريم وهدى وسمية راحوا يكملون تسوق وراح معهم وليد وخالد ومحمد وماجد
عبدالله: عن اذنك بروح لدورة المياة راكان: اذنك معك
رجعت ابتسام وجلست وماانتبهت لراكان لأنه ظلام راكان عرف انها ابتسام ركان: هلا والله بالطش والرش والبيض المفقش تو ماتنور الصاله ابتسام لفت لراكان ولقته لحاله : استحت ولفت للشاشه راكان : ابتسام انتي اللحين ليش تستحين مني ابتسام: ____________ راكان: ابي اسمع صوتك اللي تو وش طوله ابتسام: هههههههههه راكان: ههههههههههه طيب يكفي اني سمعتك تضحكين ابتسام: ________ مستحيه راكان: ترى اول مايخطب اخوي خالد بجي اخطبك استعدي هااه ابتسام: هااه راكان : هااه اقول لايكثراحمدي ربك اني للحين صابر ترى عطيتك وجه ابتسام بصوت واطي: طيب لاتعصب راكان: لا مو معصب جاء سلمان وهو مبسوط ومعاه هاجر وكانت مرتبكه راكان: اللحين مشاعل طلعت تجيبكم وانتوا جيتوا سلمان: ماشفناها ياخي زحمه مو طبيعية راكان: دايم كذا اصلا انتم غلطانين كان يوم بدا الفلم رحتوا اخذتوا لأن الزحمه قبل الفلم سلمان: المره الجايه ان شاء الله
ابتسام: هاجر وش فيك ترتجفين هاجر: هااه لا مافيني شئ ومسحت دموعها بخفيه علشان محد يشوفها ابتسام : طيب
عند الحبايب اللي يتسوقون
وليد: ماجد شرايك نتملك انا وياك بيوم واحد ماجد: والله فكره خالد: احسبوا حسابي معكم وليد: ماشاء الله خاطب من ورانا خالد: لا مابعد خطبت ماجد: ماشاء الله تبينا ننتظرك لمين تخطب خالد: لا انت ياماجد لاتتنظر لأن زواجد اتحدد بعيد الفطر وانت لازم تتملك قبلنا وانا ووليد نتملك بيوم واحد شرايك وليد وليد: ماشاء الله تخطط من وراي خالد: مادريت عنك انت ووجهك انا اخطط لملكة اختي وليد: اللي هي ملكتي لايكون ناسي انت الصراحه عقب الشاليه ضاربه فيوزاتك ويطالعه بنص عين خالد: وش قصدك وليد: قصدي انت عارفه واذا تبيها صدق اخطبها بسرعه لا تروح من ايدينك ترى فيه ناس متكلمين عليها خالد: تتكلم جد وليد: ايه جد انا سمعت مرة عمي تحاكي احد بالتليفون وكانو يتكلمون عنها خالد: اجل خلاص اول مانرجع بكلم ابوي يخطبها لي ماجد: وش تتكلمون عنه انتم وليد: ولا شئ خلصت قاز اختي ماجد: هااه لاماخلصت وليد: بعد ويرد هو ووجهه يله امش خلصنا خالد: ههههههههه
عند السينما مشاعل: اووف وش ذي الزحمه تبين اجيبلك شئ معاي مشاعل لفت عليه وشافته وانحرجت: لا شكرا عبدالله : لا لازم اجيبلك خلاص انا اعرف وش تحبين روحي ارتاحي هناك مشاعل: طيب
راح اشترى بعدين دخل معاها للصاله وكان الفلم له شوي بادي
كان الفلم مرره رومنسي وحزين
بعد 3 ساعات
خلص الفلم وطلعوا
عبدالله: اوووف مابغى يخلص راكان: صادق مدري شلون البنات يطالعون ذي الافلام سلمان: توبه ادخل فلم هندي كله صياح يضيق الصدر مشاعل: محد ضربكم على ايدينكم وقالكم ادخلوا معنا سلمان: هذا اللي ناقص نخليكم لحالكم تدخلون راكان: وحنا معكم الشباب يسوون حركات اجل لو لحالكم كان طبو عليكم مشاعل تذكرت الفلم ودمعت عيونها سلمان: ناظر للحين متأثره بالفلم ههههههههه مشاعل ضربت سلمان بالشنطه : كل تراب كلهم: هههههههههههههههههههههه
طلعوا من المجمع وركبوا السيارات وانطلقوا متجهين للسعودية
miss cute عضو جديد
عدد المساهمات : 62 تاريخ التسجيل : 01/11/2009
موضوع: رد: البيتـ الكبير } .. روآيه سعوديه الخميس أبريل 22, 2010 12:42 am
</SPAN>وصلوا البيت وطلعوا لغرفهم ينامون
خالد: وليد اروح اللحين اكلم ابوي ولا انتظر لبكره وليد: اذا ابوك صاحي اللحين روح كلمه خير البر عاجله خالد: يله اجل بروح اطلعله اللحين وليد: زين زين
عند البنات
سمية: تصدقون اني جوعانه هاجر: اي والله حتى انا مشاعل: هاجر يكفي بلع حرام عليك سمنتي خرب جسمك هاجر: والله صدق ياسميه سمنت ولا مشاعلوه تلعب علي مشاعل: ليش العب عليك واكبر دليل ملابسك ماتدخل فيك سمية: الا صدق ياهاجر سمنتي هاجر : خلاص سديتوا نفسي وراحت تنام سميه: طيب من ينزل معاي تحت هدى: انا بنزل معاك باكل شئ خفيف سمية : يله
نزلوا تحت
في المطبخ قعدت سمية وهدى على الطاوله يسولفون وياكلون
هدى: سميه من اللي طلعني من البحر سمية تذكرت اللي صار وقعدت تضحك هدى : خير ضحكيني معك سمية: ماطلعك وبس سوى لك تنفس صناعي بعد هدى: ووع من اللي سوى لي تنفس صناعي وقعدت تمسح فمها سمية تضحك عليها وهي تمسح فمها : احمدي ربك ولا كان انتي فاطسه اللحين هدى : طيب من هو سميه: اخوي خالد هدى مصدومه:خالد سمية : ايه خالد هدى: طيب وش صار بالضبط قوليلي سمية: تصدقين مدري من الروعه مااذكر شئ هدى وهي معصبه: يعني من اللي يذكر سمية: مدري اذا جت فرصه سألت خالد وتحرك حواجبها هدى: كلي تراب لاتسألينه خلاص ماابي اعرف سمية: زين بروح لدورة المياة شوي وارجع اوكي هدى : طيب لاتتاخرين سمية : طيب لاتتحركين من مكانك
خالد وهو داخل للبيت شاف نور المطبخ شغال وراح عنده دخل وشاف وحده مسنده راسها على الطاوله واستغرب من هذي هدى سمعت حركه ورفعت راسها وقعدت تطالعه وهو يطالعها خالد: اسف ماكنت اعرف ان فيه احد هدى:________ خالد: كيفك اللحين هدى: بخير وقامت تبي تطلع خالد: هدى انتظري شوي ابي احاكيك بموضوع هدى:_______ خالد : لو اخطبك توافقين هدى رفعت راسها: هااه خالد: قولي ايه او لا هدى: مدري وطلعت تركض وقلبها يضرب سمية شافتها تركض استغربت وش فيها هاذي ودخلت المطبخ وشافت خالد وانصدمت سمية : عز الله البنت ماتت من الحيا ههههههه خالد: وش فيك تضحكين سمية : ابد بس هدى سألتني من اللي طلعها من البحر وقلتلها انك انت وانك سويت لها تنفس صناعي ووجهها صار طماطه من الحيا واللحين شافتك وجه لوجه عز الله البنت راحت خالد: بسم الله عليها سمية: حركات خالد: هههههههه طيب اقعدي بحاكيك بموضوع سمية: طيب خالد: تصدقين من عقب ماطلعت هدى من البحر وانا عجزت اطلعها من راسي حبيتها سمية: ايه يسمونه حب من اول تنفس صناعي ههههههههههههه خالد: ههههههههههه الله يقلع بليسك عيب عليك استحي على وجهك سمية: هههههههههههههههه الله وناسه لو تتزوج هدى خالد: ان شاء الله بس ودي انك تسألينها اول اذا ايه قلت لأبوي يخطبها سمية: طيب ولا يهمك خالد: طيب يله انا كنت ابي ابوي بس شكله نايم سمية: ايه من جت جدتي واعمامي وهو ينام بدري خالد: زين الله يعينه يله تصبحين على خير سمية: وانت من اهله طلع خالد وراح للعيال ولقاهم نايمين
طلعت سمية للغرفة ولقت هدى جالسه وترتجف سمية: بسم الله عليك وش فيك هدى: قعدت تصيح وضمت سميه سمية : هدى وش فيك خرعتيني هدى: مدري وش فيني بس ودي ابكي سمية : بسم الله عليك خالد اخوي له علاقه هدى: ايه سمية: ليش هو وش سوى هدى: خطبني بالمطبخ سميه: ههههههههههه يلعن ام الرومانسية اللي بخالد بالمطبخ اجل هدى: ودموعها على خدها: ههههههههه شفتي سمية: المهم هو يبي رايك بالموضوع هااه شرايك هدى: مدري انتي شرايك سمية:حلوه ذي انا اللي باخذه ولا انتي هدي: طيب عادي اخذ رايك مافيها شئ سمية: والله اخوي حنون وطيب وعلى نياته وبوافق عليه من غير تفكير هدى: طيب بفكر سمية: خير ان شاء الله يالله نامي بكره ورانا طلعه هدى: وشلون انام وانا توني انخطبت بالمطبخ سمية: هههههه يالله نامي بس خلي عنك الخرط الفاضي هدى: هههههه طيب
في الصباح الرجال الكبار طالعين للهاف مون مع امهم وحريمهم والبنات الصغار ومحمد وطلال وتركي وفهد
قام عبدالله وقعد وليد وقاله انه بيمشي للرياض وليد: للحين انت مصمم للرجعه ياخي اقعد كلها يومين وحنا راجعين عبدالله: ادري بس والله صعبة اخاف تقولون وش ذا النشبه ههههه وليد: افاا عليك وش نشبة انت ل(**كلمة ممنوعه**)ة ههههههه عبدالله: ههههه عناد بقعد علشان ال(**كلمة ممنوعه**) صح سليمان: عرف وليد يحجرلك هههههه
وليد: شباب جاء عمي علي يله قوموا كل الشباب فزو قاموا<<<<<<مسوي رعب لهم ههههه وليد وعبدالله وسليمان قعدوا يضحكون على اشكال العيال ريم اتصلت على وليد: هلا وليد تبون تاكلون شئ قبل مانمشي وليد: ايه ياليت فطور مثل امس ريم: مدري عن مشاعل وسمية يمكن مايوافقون وليد: لا سمية قوليلها وليد يبي ياكل من يدينك وهي توافق ريم: اعوذ بالله عليك استغلال وليد: ايه ويقول ماجد ماودك تأكلينا شئ من يدينك الحلوه طووووووووووط وليد: هههههههه استحت عبدالله: هاااه مشاعل بتأكلنا اليوم فطور معتبر ولا لا وليد: لحظه اتصل على مشاعل احسن اتصل على مشاعل مشاعل: اهلين ولودي وليد: اهلين مشموشتي مشاعل: يله نمشي وليد: لا اصبروا عبدالله يقول ماودك تفطرينا مشاعل: هااه عبدالله يبي فطور وليد: لا مو بس هو كلنا مشاعل: المشكله مايمدي نسويلكم ساندويتشات وتاكلونها بالسيارة بعدلأن ابوي علي دق تو وقعد يهاوش يقول انه يدق عليكم وانتم ماتردون وليد: ايه الله يعينا عليه هناك بيجينا تهزئ معتبر مشاعل: تستاهلون كان رديتوا عليه وليد: الا مشاعل متى تطلع النتايج مشاعل: يمكن السبت هذا وليد: خير ان شاء الله يله عجلوا علينا مشاعل:ان شاء الله
بسيارة وليد مشاعل: وليد شغل المسجل وليد: ابشري ماطلبتي شغل المسجل واختار اغنية بنت بلادي وقعد يرقص هو ووخالد عليها والبنات يصفقون ويستهبلون
بسيارة الشباب سلمان: شوفوا وليد وخالد يرقصون راكان: ليتي راكب معهم بدل الهم اللي هنا ماجد: افا حنا هم اللحين اشغلك المسجل واستنزل على كيفك الشباب : ههههههههه شغل المسجل شريط راشد وكانت اغنية العيون السود وقعدوا يرقصون ويستهبلون وكل واحد يعلق على رقص الثاني
وصلوا عند الاهل جلسوا معاهم يتقهوون خالد:جلس جنب ابوه وقاله بصوت واطي انه وده يخطب هدى ابوه طالعه وهو فرحان : عين العقل ياولدي خالد: اخطبها من عمي اللحين ابو خالد: هههه طيب وجلسوا يسولفون جاء خالد نغز ابوه يذكره بالموضوع ابو خالد: ابو طلال ابو طلال: سم ابو خالد: سم الله عدوك والله ودنا بهدى لولدي خالد ابو طلال: هذي الساعه المباركه وين نلقى احس من ولدنا خالد وان شاء الله اشاور البنت واردلكم ابوخالد: خير ان شاء الله
قعدوا يحددون ملكة ماجد واللي بتكون بعد شهر بالضبط
قاموا العيال يتمشون على البحر
جو البنات جلسوا عند ابهاتهم ابو وليد: ريم ترى حددنا الملكة بعد شهر وراح تكون بالبيت مشاعل: طيب بتكون كبيرة ولا مختصره ابو وليد: لاهي كبيرة ولاصغيرة مشاعل : يالله يمدي ريم تجهزين من اللحين ريم: الله يعين مشاعل : بابا عزيز ماحددتوا ملكة سمية ووليد ابو خالد: لا للحين اذا خلصنا من ماجد وريم يصير خير مشاعل: زين
قاموا البنات يتمشون وتلاقوا مع البنات مشاعل: مجودي مبروك بعد شهر بتدخل القفص الذهبي من قدك ماجد وهو يطالع ريم: الله يبارك فيك خالد: انا ابغى اعرف انتي متى تعقلين مشاعل: قلتلك اذا اعرست عقلت خالد: لا ذي البنت فاصخه الحياء ماجد : انا اخبر البنات اذا جابو طاري العرس تستحي وحتى لو ماتستحي تتصنع الحياء مشاعل: ليش استحي هذي سنة الحياة خالد: لا ذي لازم نزوجها وبسرعه بعد ماجد: ياحرام والله مسكين يمكن امه داعيه عليه خالد: من هو ذا ماجد: اللي بياخذ مشاعل خالد: هههههههههه مشاعل بققت عيونها ورفعت الشنطه تبي تضرب ماجد جاء هج وقامت تلحقه وهو يركض وهي وراه
مسكت ماجد وقعدت تكفخه وتشد شعره ماجد قعد يضحك عليها
العيال انتبهوا لهم وقعدوا يضحكون عليهم
خلصت مشاعل مكفخه ماجد وراحت عنه وهي تتحلطم
راح ماجد للعيال وليد: وش مسوي لمشاعل ماجد: كل هذا وانا اللي وش مسوي وليد: انت تعرف مشاعل ماترفع يدها الا اذا غلطت عليها هااه اعترف لأكفخك اللحين ههههههه ماجد: ياخي ذي البنت ماتستحي تبي تعرس وليد: هههههههه وماقالت من تبي تاخذ ماجد: لا بعد فيه شخص معين وليد: ايه عبدالله عبدالله: كح كح كح وليد: بسم الله وش فيك عبدالله: لا شرقت بس ماجد: هيه انت أي عبدالله بعد وليد: ههههههه تقصد بعبد لله سبحانه هي دايم تقول كذا ماجد: ههههه مهيب صاحية ذي البنت عبدالله في نفسه(اكيد ماهي صاحية بغيت اروح فيها هههه)
راحوا البنات يستأجرون دبابات وقعدوا يلعبون ماعدا هاجر ماراحت معهم شافوهم الشباب وراحوا يستأجرون مثلهم وراحوا يلعبون و يستهبلون معهم
فيه بنات شافوا الشباب وراحوا يلعبون معاهم وكانوا فاصخين وراحت وحده منهم تستعرض عند وليد ووليد استحى منها وساكت سمية شافت الموقف وولعت وراحت عندهم وقامت تخانقها وتهزئ فيها وقالت (والله لو اشوفك هنا لأفجر فيكم انتي وياها ضاقت الاماكن جايين هنا قلة حيا) وليد يطالعها وهو مبسوط وراح عندها: تغارين علي سمية وهي مولعه: شرايك يعني وراحت وليد: هههههه احبها ياناس
وكملوا لعب ووناسه لحد المغرب
جلسوا البنات عند الحريم وقعدوا يسولفون الجده : مشاعل قومي ودي القهوه عندالرجال مشاعل: بس فيه قطعت عليها الجده: ايه يالله قومي ودي القهوه مشاعل: طيب اخذت القهوه وراحت للرجال
راحت ووقفت بعيد عنهم وقامت تنادي احد من العيال علشان ياخذ القهوه بس محد رد عليها تجرأت تروح وهي تقول في نفسها(انا متغطية وعادي)
ابو طلال:بروح اقعد عند امي شوي ابو ماجد: خذني معك خالد قام وجلس جنب مشاعل وقعد يتوشوش معاها مشاعل شهقت وضربت كتف خالد وخالد يضحك وليد: خير ان شاء الله وش عندكم تتوشوشون خالد: اللي بالي بالك وليد: هههههههه اجل علمت ميشو ابشر بالموافقه مشاعل: افاا عليك حاضرين للطيبين خالد: انتظر منك جواب خلاص يالله روحي ابدأي بالمهمه مشاعل: ههههههههههه صارت مهمه طيب
مشاعل قامت وراحت للبنات مشاعل: هاجر ابتسام تعالوا نتمشى هاجر وابتسام: طيب راحوا يتمشوون بعيد ويسولفون مشاعل: انتي وبعدين معك من رجعنا من البحرين وانتي متغيرة ابتسام: ايه صح متغيرة وانا لاحظتك ترتجفين يوم دخلتي السينما هاجر: خلاص يكفي انا ماابي اتكلم وقعدت تبكي مشاعل: لاتكلمي هاجر والله مانستحمل حالتك هذي هاجر: تبكي ماابي اتكلم ماتفهمون اوووف وراحت تمشي لحالها بعيد ابتسام: ياربيه هذي وش فيها صدق مشاعل: خلاص انتي روحي وبروح اتكلم انا معها ابتسام: طيب ورجعت عند الحريم
مشاعل لحقت هاجر مشاعل: هااه يله قوليلي انا عرفت انك ماتبين تتكلمين عند ابتسام هاجر ضمت مشاعل وقعدت تصيح مشاعل: هاجر والله قلقتين تكلمي وش فيك هاجرر: تخيلي سلمان قالي انه يبي يتزوج ويوم قلتله من هي قالي وحده ماتعرفينها مشاعل: هاجر خلاص هدي وانا بعرفلك الموضوع وبعرف من هذي اللي يقول عليها هاجر: لا لاتسألينه خلاص اللي مايبيني انا بعد ماابيه مشاعل: خلاص ياعمري والله مايستاهل دموعك هاجر: لاتقولين شئ لابتسام مشاعل: طيب
سكتت هاجر من الصياح ومسحت دموعها وراحوا جلسوا عند الحريم
ابتسام: هااه عرفتي وش فيها مشاعل: مارضت تقولي ابتسام: الله يعين
الرجال جالسين مع امهم وحريمهم يسولفون والشباب قعدوا يشوون والبنات قاموا يتمشوون
دق جوال مشاعل ريم: من اللي يدق مشاعل: هااه مدري رقم غريب شكله خارجي ريم: لاتردين مشاعل الا برد مشاعل: الوووو / هلا والله اخبارك حبيبتي مشاعل: حبيبتك بعينك وجع وسكرت ريم: قلتلك لاتردين مشاعل: وانا وش يدرين انه واحد قليل ادب دق مرره ثانية مشاعل: وبعدين معك وش قلة الادب هذي / ميشوو وش فيك علي ماعرفتين مشاعل: لا من انت / ههههههههه انا عمك بندر ياللي ماتستحين مشاعل قامت تصارخ وتركض للعيال: بندر بندر قاموا العيال بياخذون التليفون وكل واحد يقول انا بكلم ومشاعل هربت مشاعل: اهلين بندوري اخبارك والله وحشتنا يالدب بندر: والله مشتاقلكم حيل امي وش اخباره مشاعل: الحمدالله كلنا طيبين انت اللي وينك ماتدق ولا تدخل مسن بندر: والله اختبارات وغثاء المهم خلاص خلصت ياميشو وجبت الشهادة مشاعل: قول والله وناسه يعني بترجع بندر: ايه بعد شهر بس ماراح اقولكم متى بالضبط لأاني ماادري مشاعل: ترجع بالسلامه خذ ماما فاطمه تكلمك
الجدة: وهي تمسح دموعها هلا والله بالغالي شلونك يمه بندر: انا الحمدالله انتي شلونك يمه الجده : انا بخير دامك بخير الا متى بترجع يمه ماصارت كل ذا دراسة لاتكون اخذت وحده من الغرب ترى بزعل عليك بندر: لايمه لا ان شاء الله وش ابي فيهم وبعدين يمه انا خلصت وشهر بالكثير وبرجع ان شاء الله الجدة: ترجع بالسلامة ياوليدي والله اني ولهانه عليك بندر: وانا اكثر يمه وكلها شهر وبتملين مني هههههه الجده: امل من الناس كلها ولا امل من ضناي بس انت ارجع بندر: ان شاء الله يمه اخوي ابو طلال عندك الجده: ايه خذ كلمه
ابو طلال: هلا والله بالدكتور شلونك بندر: الحمدالله انتم شلونكم ابو طلال: كلنا طيبين ان شاء الله وابشرك ماجد ووليد بيتزوجون وانت للحين الله يهديك بندر: ههههههههههه الله يوفقهم وانا قلتلكم بعرس بعد مااخلص دراسة وانا اللحين الحمدالله خلصت دورولي هههههههه ابو طلال: خير ان شاء الله بندر: يالله مااقدر اطول سلملي على اخواني والعيال مع السلامه ابو طلال: في امان الله
ورجع الجوال لمشاعل وراحت للبنات
ريم: شلون بندر طيب مشاعل: ايه الحمدالله طيب خلاص بيرجع بعد شهر البنات: صدق اللله وناسة مشاعل: ايه يقول دورولي يبي يتزوج اذا رجع ريم: الله يوفقه مسكين تغرب سنين على شان ياخذ الشهادة اللي يبي البنات : امين
وراحوا يتمشون بعدين رجعوا عند الحريم تعشوا وانطلقوا للبيت
في البيت سمية: هدى تعالي ابيك هدى: خير وش فيك سمية : تعالي مافيه الا الخير هدى قامت وراحت مع سمية سمية: تدرين ان خالد خطبك اليوم من عمي هدى: هاااه سمية: وش اللي هااه اكيد عمي او خالتي بيجون يكلمونك بالموضوع انا علمتك علشان ماتتفاجئين هدى: ايه اشوا يمكن لو قالي ابوي يمكن انجلط سمية: بسم الله عليك وش ذا الكلام هدى: هههههههه وش فيك قلبتي جد انا كنت امزح سمية: لاعمرك تمزحين كذا هدى: ههههه طيب
وراحوا ينامون
عند العيال راكان: اخيرا خالد قرر يعرس وانزاح عن طريقي سلمان: اقول نم احسن لك وش لك بالعرس والغثاء والمسؤلية راكان: انت اللي نم وش يعرفك بالحب انت ووجهك سلمان تنهد: انا اللي وش فهمني بالحب انا فاهمه ازين منك بس وش فايدة الحب اذا كان من طرف واحد راكان : افااا من طرف واحد ومن هي اللي ماتحبك قلي ماشاء الله جمال وادب واخلاق لاتكون وحده من بنات خوالك اعرفهم شايفين انفسهم على مدري ايش سلمان: لا وماراح اقول يله تصبح على خير راكان: وانت من اهله سلمان حاول ينام ماقدر جاء طلع برا يتمشى في الحوش وجلس بالحديقة راكان انتبه له وضاق صدره عليه وطلع له وراح يتكلم معه راكان: ليش مانمت سلمان: من عرفت انها ماتحبني وانا ماانام زي العالم راكان: هونها وتهون وانت شلون عرفت انها ماتحبك سلمان: كنت متوهم انها تحبني بس قلت بشوف شعورها بطريقة غير مباشره علشان اتأكد اخاف اقولها احبك تتفاجأ ولا تنحرج مني وانا ماودي ابني سعادتي على تعاسة غيري وماودي اخذ وحده ماتبيني راكان: طيب شلون الطريقة الغير مباشرة على قولتك سلمان: قلتها اني احتمال اتزوج بعد ماجد وباركتلي وماهميتها لو تحبني كان حسيت انها زعلت اوعلى الاقل تضايقت راكان: طيب ممكن تقولي من هي سلمان: اممممممممم هاجر راكان: اخس هجير طيحتك في شباكها هههههه سلمان: لاتقول هجير احترم نفسك ومطيحتني من زماان هههههه راكان: هههههههههههههههههه هونها وتهون ويالله امش ننام سلمان : يالله ودخلوا ناموا
في الصباح الكل صاحي للفطور
وليد: عم ابي اشوف سمية اليوم ابو خالد: خير ان شاء الله
عند البنات هاجر: متى بتروحون للسوق سمية: بعد صلاة العصر مباشرة باذن الله ريم: سمية انا بروح لمصممه هنا وبفصل عندها كذا فستان وانتي تابعيها وتقوسيهم لأن اجسامنا مثل بعض واذا خلصوا جيبيهم معاك للرياض سمية: اوكي قعدوا يسولفون وقطع عليهم صوت جوال هدى هدى شافت ابوها اللي متصل مغصها بطنها من الخوف وردت عليه
هدى: هلا يبه ابوطلال: تعالي عندي بالصاله ابغاك
دخلت هدى عند ابوها وهي ميته من الخوف ابوطلال: خالد ولد عمك خطبك وانا ودي تفكرين وتاخذين وقتك بالتفكير وترى العرس مو لعبة هدى: طيب يبه ان شاء الله وانت وش رايك يبه ابو طلال: الصراحه مايطوف وانا موافق عليه بس لازم انتي توافقين لأنك صاحبة الشأن هدى: خلاص يبه اذا انت موافق عليه انا موافقه بعد وهذا ولد عمي اكيد بيحافظ علي ويصوني ابوطلال:عين العقل يابنتي بس لازم تفكرين هدى: لا خلاص يبه مايحتاج تفكير انا موافقه ابو طلال: خير ان شاء الله طلع ابو طلال لعند الرجال ابوطلالوهو مبتسم ويطالع خالد: مبروك ياوليدي منك المال ومنها العيال خالد وهو منصدم (بالسرعه هذي وافقت) :الله يبارك فيك ابو طلال:والله بنتي رايها من رايي وهي موافقه خالد حز بنفسه(وافقت علشان ابوها موافق علي مو لشخصي): طيب عم ودي اشوفها اذا ماعندك مانع ابو طلال: حقك ياوليدي لو تبي اللحين بعد خالد: لا خلها بكره علشان تستعد نفسيا ابوطلال: خير ان شاء الله
وليد شافهم طالعين: على وين ان شاء الله مشاعل: بنروح السوق يالله يمدي تبي شئ ترانا مستعجلين وليد: أي سوق بتروحون مشاعل: مدري عن سمية لفت لسمية علشان تسألها أي سوق يروحون سمية: الخبر مول مشاعل : سمعت يله مشينا طلعوا البنات كلهم وركبوا مع السواق واتجهوا للسوق شافوا الاقمشة وش هي الموضة ذي الصيفية بعدين راحوا لمصممه علشان تصمملهم وكل وحده اختارت موديل وقماش معين ولون معين وطلعوا في السبارة مشاعل: بنات خلونا نروح للكورنيش نتمشى تونا بدري الساعه 8 سمية: ايه بدري وليش نروح البيت اكيد مافيه احد اللحين وقالت للسواق يروح للكورنيش وصلوا الكورنيش ونزلوا البنات
وليد في مقهى هووعبدالله وليد: يووه نسيت اكيد اللحين ميشو بتذبحني عبدالله وهومنتبه لوليد: خير وش فيه وليد: اليوم بتطلع النتايج وانا قلتلها اني بطلعها لهم عبدالله: طيب وش تنتظر يله قوم اللحين نروح نشوف قام وليد وعبدالله للكمبيوتر اللي في الكوفي ودخلوا الموقع وقعد يدور على اسم المدرسة ثم طلع اسمائهم وانهم ناجحين بس النسب مو موجوده وفتح رابط حق النسب ولقى انه لازم رقم السجل المدني وليد: يووه لازم السجل المدني علشان اعرف النسبة عبدالله: طيب دق على ابوك واعمامك وخذ الارقام منهم وليد: صح والله انك جبتها اتصل وليد على ابوه واخذ الرقم من بطاقة العائلة واتصل على عمه علي وصالح واخذ الارقام منهم ودخل الموقع واخذ النسب واتصل على مشاعل مشاعل وهي سرحانه تطالع البحروجالسه لحالها وتفكر بهاجر وسلمان<<< طيبه ودايم تفكر في غيرها قبل لاتفكر في نفسها سمعت جوالها وطلعته من الشنطه وردت مشاعل: اهلين وليد وليد: اهلين ميشو وينك انتي اللحين مشاعل : انا والبنات خلصنا من السوق وجينا على الكورنيش ليش فيه شئ وليد: لا ابغاك بموضوع طيب انتم وين تحديدا مشاعل : في المكان اللي جلسنا فيه ذاك اليوم وليد: طيب طيب مسافة الطريق وانا عندكم مشاعل وهي خايفه: وليد لايكون اهلي فيهم شئ خوفتني وليد: هههههههههه لا والله مافيهم الا العافيه بس انا ابيك بموضوع يخصك مشاعل خافت لايكون عرف بسالفتها مع عبدالله: طيب وش الموضوع وليد: لالا لازم فيس تو فيس مشاعل وعرفت من برود وليد انه مو عارف شئ : طيب يله تعال وليد: طيب يله انا بالطريق انتظريني عند مطعم الطاجن اوك مشاعل: اوك مشاعل قامت تتمشى ثم راحت عند الطاجن تنتظر وليد وليد شافها من بعيد واتجه لها وليد: اهلين ميشو وين الباقي مشاعل: مدري يتمشون وليد: كلمي هاجر وابتسام خليهم يجون مشاعل وهي مبلمه: هاااه وليد: اقولك كلميهم بس لاتقولين اني موجود طيب مشاعل: طيب وكلمت هاجر وابتسام وجوا شافوا وليد مع مشاعل ابتسام: خير وش صاير هاجر حطت يدها على قلبها لايكون اهلي صاير فيهم شئ وليد: ههههههههههههههههه فال الله ولافالك اهلي الحمدالله طيبين مشاعل: وليد خلاص كافي حرق اعصاب قول وش عندك وليد: طيب يالناجحات والبنات كل وحده تلفت على الثانية وبصوت واحد: هااااااااااااااااااااه وليد: ميشو ماشاء الله وش الدفاره هذي 96 مره وحده مشاعل: هااااه 96 لا لا وليد لاتكذب وليد: والله هاجر: وانا كم ابتسام : وانا وليد: هاجر 93 وابتسام 94 البنات وقعدوا يطامرون ياااي وناسه واخيرا نجحنا وضموا بعض وليد: بالمناسبة هذي عبدالله عازمكم بمطعم مشاعل بلمت: أي عبدالله وليد: هههههههههه حلوه أي عبدالله هو فيه غيره هاجر وابتسام يطالعون مشاعل وهم يضحكون وليد: وش فيكم تضحكون هاجر: لا ابد من زود الوناسه نجاح وعزيمة مره وحده وليد: المهم وسن سمسومة قلبي مشاعل: هههههه مع ريم وهدى وليد: دقوا عليها وخلوهم يجون ابتسام اتصلت عليهم وقالتلهم يجون بس ماقالت ان وليد موجود جوا البنات سمية: بنات انا جيعانه خلونا ندخل مطعم مشاعل : ودي بتشيليز شرايكم البنات: يله واتجهوا للمطعم وتفاجأو بوجود وليد وعبدالله مشاعل: احم احم بمناسبة نجاحي انا وجيجي وبيسو عزمنا الاخ عبدالله على العشاء ريم: وكم النسبة هاجر: انا 93 ابتسام: انا 94 مشاعل: وانا 96 البنات: الف مبروك النجاح هاجر وابتسام ومشاعل : الله يبارك فيكم ودخلوا يتعشون ريم: لازم نسوي حفلة تخرج لكم ابتسام: اكيد ونبي احسن من حفلتكم وتحرك حواجبها ريم: هههههههه طيب بنسويها بالرياض الاسبوع الجاي قبل ملكتي علشان انبسط ومنها حفل توديع عزوبية هههههههه سمية: لا حبيبتي هذي يبيلها حفل خاص لي ولك وهدى وبنسويها بعد حفل التخرج ريم: هههههههههههههه طيب قعدوا البنات ياكلون وقضوها سولف وضحك ووليد وعبدالله يسمعوهم وهم يضحكون عليهم قامت سمية: عن اذنكم بروح دورة المياة وليد سمعها وقام وراها وليد: سمية سمية: هلا وليد: ممكن اشوفك بكره سمية بلمت : ماتدري وش قصده بأنو يشوفها عصبت وعطته ظهرها وليد: سمية لحظه ومسكها مع يدها وقالها ابي اشوفك الشوفه الشرعية بكره ممكن سمية: دمعت عيونها وقالت بصوت خافت: طيب وليد: اوك يله روحي ياروحي سميةاستحت وراحت بسرعه
طلعوا من المطعم واتجهوا لسيارة السواق وليد: لالا بتروحون معاي مشاعل: وليد سيارتك ماتشيلنا كلنا وليد: لا بخلي السواق ياخذها وانا باخذ سيارته مشاعل: طيب وركبوا السيارة وبدوا يسولفون قعد يطالع بعيونها وهي منزلتها من الحياء وقعدت تلعب بجوالها فجأة نغمة رساله عبدالله طلع جواله وشاف الرساله ورفع راسه وقعد يطالعها وابتسم (ممكن تفتح بلوتوثك) فتح عبدالله البلوتوث وخلى جواله صامت جاه طلب من كلي فداك وعرف انها هي واستقبل ممكن اعرف ليش تطالعني كذا تراني استحي وارسل: اعذريني هالعيون مجننتني من زمان جاها قبول من ملكتي قلبي وابتسمت واستقبلت مشاعل: طيب خف شوي اخاف وليد ينتبه لك وتصير سالفه عبدالله: مااقدر بس احاول
قعدوا يفرفرون بالشوارع ثم اتجهوا للبيت
طلعوا لغرفهم وناموا طبعا وليد بلغ اهله عن نجاح البنات في التليفون
في الصباح سمية: ريم ممكن سؤال ريم: اسألي من غير ماتستأذنين افا عليك سمية ومحمره خدودها : وليد وش اللون اللي يحبه اكثر شئ ريم: ماادري بس اسألك ميشو هي اللي دايم تفرفر معه بالاسواق راحت عند مشاعل وسألتها عن اللون اللي يحبه وليد وقالتلها ريم: اممم يحب كذا لون يحب اللون المشمشي والاحمر والموف سمية: طيب شرايك البس الفستان المشمشي اللي شريته قبل كم يوم ريم: ايه حلو بس هو مو عاري شوي سمية الا عاري بس بسوي اضافات عليه ريم : اوكي
العصر قعدت سمية تعدل روحها هي وهدى لأن خالد طلب ان يشوفها اليوم سمية لبست الفستان وكان توب ومخصر ويوصل لنص الساق وحطت جاكيت اسود فخم قصير واستشورت شعرها وحطت بف خفيفه وحطت مكياج ناعم وطلعت تهبل هدى: لبست تيور تنورة ضيقة سوداء توصل لنص الساق وبلوزة رصاصي فيها حركات من عند الصدر واكمامها طويلة واستشورت شعرها وربطته ذيل حصان وحطت مكياج ناعم وطلعت حلوه خلصوا ونزلوا لتحت الجده: ماشاء الله تبارك الرحمن بينخبلون عيالي اليوم سمية وهدى: يممممممه الحريم والبنات : ههههههههههههههههههههههه دخلت سمية مجلس الرجال وكان مافيه احد وتنتظر وليد لأنها خافت تدخل وهو موجود وقالت هو يدخل احسن وهدى مجلس الحريم ونفس الشئ تنتظر خالد مشاعل دخلت جوا البيت وكانت ماسكه وليد بيد وخالد بيد وقالت وقفوا هنا بشوف من هي اللي داخل خالد: كل الثنتين بيصيرون محارمي لاتخافين مشاعل: طيب افرض دخل وليد وطلعت هدى اللي داخل وش بيصير موقفك خالد وهو معصب: لا ادخلي تأكدي احسن وليد ومشاعل: ههههههههههه دخلت وشافت سمية وقالت لوليد: ادخل برجلك اليمين دخل ودخل خالد معه وليد لف لخالد ويبي يصرفه: ترى هدى تنتظرك خالد: خلها تنتظر وليد: طيب بخلي محمد ينشبلك هنا وانت ابخص فيه ويحرك حواجبه وخاف لايسويها وطلع وقال لمشاعل تقعد عندهم وليد غمز لمشاعل انها تطلع وطلعت وسكرت الباب سمية كانت منزله راسها ورفعته يوم سمعت تسكيرة الباب وشافت وليد لحاله واقف قدامها ارتبكت ووقفت وليد وهو يطالعها ومنبهر: مشاء الله اخاف احسد نفسي عليك سمية: _______-
وليد مسكها مع يدها وجلسها قدامه وقعد يسولف معاها
عند خالد كان مهموم ومتضايق وخايف انها تكون مغصوبه عليه توكل على الله ودخل مشى بخطوات ثقيلة ووصل عندها : السلام عليكم هدى بصوت واطي: وعليكم السلام خالد محتار شلون يبداء يتكلم معها:هدى ممكن اسألك سؤال هدى : تفضل خالد: انتي مغصوبة علي هدى دمعت عيونها وخافت من سؤاله وفكرت انه هو اللي مغصوب عليها خالد حط يده على دقنها ورفع وجهها وشاف دموعها : افهم من دموعك انك مغصوبه هدى: تهز راسها بالنفي خالد: طيب ليش الدموع هدى: طيب انت مغصوب علي خالدبنبره حاده: انا رجال ومحد يغصبني على شئ وبعدين انا اللي بغيتك بعد ااا ___ وسكت هدى: بعد ايش <<<<< من الربكة والخوف نست سالفة الغرق خالد: ههههههههههه بعد ماغرقتي هدى حمرت خدودها ونزلت راسها شوي وبيلصق بصدرها خالد: كل هذا حياء بصراحه ماتوقعك بهذا الجمال كنت اخبرك شيفه ونحيفه وش اللي قلبك ماادري هدى عصبت وقامت: مالشيفه الا انت ومشت وخلته بس هو كان اسرع منها وراح للباب وقفله هي تجمدت مكانها وخافت وقالت بقلبها وش بيصير يعني كل الاهل بالبيت مايقدر يسوي شئ وهدت شوي هدى: ممكن تفتح الباب خالد: لا ابغاك هدى بلمت: تبغاني بأيش خالد: ابغى اتكلم معاك اقعدي هدى جلست : يله قول خالد: انا استهبل معاك تراك انتي حلوه من يوم وانتي صغيره بس حبيت انرفزك شوي بس بصراحه انتي احلى بكثير عن اول هدى استحت: شكرا خالد: حلفتك بالله ابي اعرف عمي غصبك علي ولا لا هدى: لا والله محد غصبني عليك واني وافقت برضاي خالد: ريحتيني هدى: طيب انت ليش توقعت اني مغصوبه خالد:لأن عمي ماامداه يطلع الاوجاب الموافقه خفت انه غصبك هدى: لا ماغصبني بعدين انت نسيت انك خطبتني قبل وانا من ذا الوقت وانا افكر يعني كان عندي الوقت اللازم اني افكر فيه خالد: طيب ممكن طلب هدى: تفضل خالد: انا ودي نتملك بسرعه لأن بعد شهر بسافر هدى: وين تسافر خالد: جاني قبول لبعثة علشان اقدم الماجستير هدى: مبروك خالد: ودي نتملك علشان اروح واجهز البيت هناك شهرين وارجع بعدين نتزوج شرايك هدى: ودراستي خالد:خليها وادرسي هناك معاي شرايك هدى: لا حرام مابقى شئ طيب ليش مانخلي الزواج بعد مااخلص جامعه خالد شهق:حرام عليك تبيني انتظر سنتين هدى: عاادي علشان انا اخذ الماجستير بعد معاك خالد: لالا انا مقدر اتحمل لو علي تزوجتك اللحين هدى استحت وحمرت خدودها : لا وين اللحين فجأة الباب ينطق خالد قام مفزوع: بسم الله راح للباب ولقى عمه علي معصب: خير عم وش فيك ابو طلال: ليش مقفل الباب خالد توهق: الله يهديك ياعم خرعتني بعدين ميشو كل شوي داخله طالعه وتتريق علينا وانا مليت منها وقفلت الباب <<<< مالقى غير كذا علشان يهدى عمه (بس ابو طلال ثار زيادة) ابو طلال وهو معصب وينها هالحماره خالد: من هي
miss cute عضو جديد
عدد المساهمات : 62 تاريخ التسجيل : 01/11/2009
موضوع: رد: البيتـ الكبير } .. روآيه سعوديه الخميس أبريل 22, 2010 12:43 am
ابو طلال: مشاعل خالد: هاااه مدري ابو طلال وهو معصب وراح لغرفة البنات وخالد وهدى وراه ومسك مشاعل مع شعرها وهي متفاجأة ماتدري وش السالفه : أي أي يبه وش فيك وش سويت انا ابو طلال: حركات المبزره هذي خليها عنك مشاعل : أي حركات ابوطلال: أي حركات بعد اللي سويتيها مع خالد وهدى مشاعل رفعت راسها لخالد وهي ماتدري وش السالفه خالد: عم انت هدي اللحين واترك مشاعل وفك يد عمه من شعر مشاعل وقعدت تبكي وضمت خالد وخالد يهديها ابوطلال(كان خايف على هدى وانها لسى ماتزوجت خالد وهو مقفل عليهم الباب وكان يقول الشيطان شاطروحط الحره في مشاعل اللي كانت في سبب لتقفيل الباب) دخل خالد مع مشاعل الغرفه وقفل الباب مشاعل وهي ضامته: انا وش سويت وتضمه بقوه وتبكي خالد: انا اسف سامحيني مشاعل: وانت ليش تتأسف انت ماسويت شئ خالد: بس انا السبب في اللي صار مشاعل رفعت راسها وقعدت تطالعه: شلون انت السبب خالد:هو شئ بسيط بس عمي الله يهديه كبر الموضوع مشاعل: ووش الشئ البسيط اللي انضربت انا علشانه خالد وهو متردد وقالها السالفه مشاعل بزعل: اطلع برا خالد: بس والله ماكان قصدي كنت ابغى اهديه وماتوقعت يسوي كذا مشاعل وهي تبكي: قلت اطلع برا وانا مو شماعه لك تحط بلاويك علي خالد بضيق: سامحيني يالغاليه وطلع مشاعل رمت نفسها على السرير وهي تبكي ومن حسن حظها ان ابتسام وهاجر طالعين مع امهاتهم يزورون ومشاعل ماكان لها خلق للروحه وقعدت
الساعه 8 قامت من سريرها تترنح ونزلت تحت تبي تاكل شئ لأنها جوعانه وكان البيت فاضي مافيه احد راحت لغرفة جدتها ومالقت احد فيها وراحت للصالون ومالقت احد وراحت للمطبخ ولقت الخدامه مشاعل: ميري وين ماما والبنات ميري: كلو روح مشاعل: وماما كبير وين ميري: روح سوا سوا ماما مشاعل: وهدى وسمية وين ميري : كلو روح مشاعل: طيب وين روح ميري: مافي معلوم مشاعل: طيب سوي ساندويش وعصير وجيبي حديقه اوكي ميري: اوكي
طلعت للحديقه وجلست على الطاوله وتذكرت اللي صار وقعدت تبكي دخل راكان للبيت وسمع صوت صياح وراح تجاه الصوت وشاف مشاعل تبكي وشاف مشاعل تبكي وراح لها راكان: حبيبتي ليش تبكين مشاعل شافت راكان وراحت تضمه وتبكي راكان: مشاعل وش فيك خرعتيني مشاعل: وهي تشاهق وتصيح بابا علي ضربني راكان منصدم: ايش ضربك وليش يضربك مشاعل:لأني طيبه والكل يعلق بلاويه علي راكان: مافهمت مشاعل: خلاص مو لازم تفهم بس انا متضايقه ومافيه احد هنا راكان : امشي نطلع نتمشى مشاعل: طيب وراحت تجيب عبايتها وشنطتها وركبت السيارة مع راكان راكان: يوووه نسيت ورجع للبيت مشاعل: ليش رجعت للبيت راكان: نسيت اجيب شنطة عبدالله بعد ساعتين رحلته للرياض مشاعل: اها طيب(تضايقت ان عبدالله بيروح) نزل راكان للبيت واخذ شنطة عبدالله اللي كان مجهزها بس اضطر انه يروح لمشوار ضروري وكلم راكان يجيب الشنطه له ويوديه للمطار راكان: ميشو معليش بودي عبدالله للمطار واخاف تتضايقين مشاعل: لا عادي مافيها شئ راكان طيب نوديه للمطار بعدين نروح انا وياك نتمشى مشاعل: طيب بس انا جوعانه راكان: خلاص اجل تبين اشتريلك شئ تاكلينه مشاعل: اوكي ركب عبدالله وهو يسلم: السلام عليكم <<<< مايدري ان ميشو وراه راكان: وعليكم السلام قعد يسولف مع راكان راكان لف لوراء: ميشو المكيف كويس ولا تبين ابرده عبدالله انصدم وطالعها مع المرايه وشاف حزن بعيونها وقالت بصوت مبحوح: لا كذا كويس عبدالله تاكد من صوتها انو فيه شئ مزعلها وراكان قعد يسولف مع عبدالله ومشاعل مبتسمه ومن وقت لوقت تمسح دموعها عبدالله يشوفها تبكي بصمت وحزن عليها مايدري وش فيها
راكان: عبدالله ياليت تهون عن الرجعه وترجع معنا بعد يومين عبدالله: مايصير والله اني ثقلت عليكم راكان: افاا فيه احد يثقل على اهله عبدالله: تسلم بس والله اشتقت للاهل راكان: علشانك مشتاق لاهلك بنسامحك هالمره عبدالله: هههههههههههههه طيب
وصلوا للمطار ونزل عبدالله وسلم على راكان وقعد يطالع مشاعل ويودعها بعيونه مشاعل نزلت وركبت قدام مكان عبدالله وغاصت في الكرسي اللي كان دافي وقعدت تشم ريحته اللي عالقه في المكان راكان وهو يطالعها مستغرب: خير وش فيك هيمانه كذا وقلها بمزح وجد بنفس الوقت: لايكون تحبين عبدالله مشاعل بققت عيونها على راكان راكان: هههههههه عادي الصراحه من اللي مايحب عبدالله واذا حبيتيه بيكون معك حق <<<<< راكان اقرب واحد لها وهو كاتم اسرارها وتحس ان اسرارها معه اكثر من هاجر وابتسام راكان: هااه اعترفي تحبينه مشاعل استحت: راكان وبعدين راكان: تصدقين اني شكيت بالشئ هذا وتأكدت يوم حنا بالبحرين بس كنت ابغاك تجين وتتكلمين بس للاسف ماجيتي مشاعل: وش تبيني اقولك انا احب عبدالله راكان: تصدقين واضح انه هو بعد يحبك ويغار عليك بعد ههههههههههه مشاعل: صدق راكان: ايه هو مااعترف انه يحبك مشاعل وهي مرتبكه: لا راكان: ولا يهمك انا اخليه يعترف هههههههههه مشاعل: هههههههه وش بتسوي راكان : بعدين اقولك
وقعد يسولف هو وياها وهم راجعين للبيت راكان: ميشو ابي اسألك انا ودي اعرف وش سالفة سلمان وهاجر مشاعل تنهدت: ياقلبي هاجر تحب سلمان وهو ولا هنا راكان وهو مصدوم: هاااه مشاعل: ايه من زمان وهي تحبه بس هو مو معطيها وجه راكان: شلون درت انه مايحبها مشاعل: تأكدت بالبحرين لما قالها انه بيتزوج بعد ماجد راكان: ههههههههههههههههه مشاعل مستغربه: وش فيك تضحك راكان: اضحك على غبائهم هالاثنين مشاعل :وليش اغبياء راكان: لأن كل واحد يحب الثاني وكلهم مايدرون عن بعض ههههههههه مشاعل: يعني سلمان يحب هاجر راكان: من زمان مشاعل وهي فرحانه: قل والله راكان: والله وسلمان ياعمري عليه من تأكد انها ماتحبه وهو حالته حاله هههههه مشاعل: هههههههههههه وصلوا للبيت وشافت خالد عند الباب ورجعت للسيارة وقالت لراكان يمشي وهو مستغرب منها مشى راكان وهي تبكي راكان: ممكن اعرف ليش تبكين مشاعل: خالد هو السبب راكان: سبب في ايش مشاعل: هو اللي خلى بابا علي يضربني راكان: الحيوان وليش سوا كذا مشاعل:________ تبكي راكان رجع للبيت ودخل داخل البيت ومعه مشاعل ويجرها جر وراح لخالد اللي قاعد في الحديقه شافه خالد متجه له ويجر مشاعل وقف خالد يبي يكلم مشاعل ومادرى الا ببوكس على وجهه خالد مصدوم ان راكان ضربه مشاعل شهقت وراحت لخالد خالد طالعها : هاه رضيتي اللحين هذا راكان واخذ حقك مشاعل ضمت خالد وتبكي : انا ماابيكم تتهاوشون وماابي تخليني شماعه لك وقالت لراكان يروح خالد وهو يمسح على راسها: خلاص والله ادري اني غلطان بس ماتوقعت عمي يسوي كذا مشاعل: من خوفه على بنته زين ماسوى اكثر بس انا ابي اعرف ليش قفلت الباب لايكون سويت في هدى شئ خالد: هههههههه لا وين جالسين فيه حنا لا بس هي كلما استحت اتجهت للباب وانا مليت كل شوي واقف اردها اخر شئ قفلت الباب مشاعل بكدر: طيب ليش ماقلت لبابا علي كذا وهو بيعذرك خالد: الصراحه خفت يوم شفت شكله مشاعل ودموعها بعيونها: وانا اللي انضربت مو انت ولا هي خالد: والله اسف طيب انتي تعشيتي مشاعل: لا بس اكلت شئ خفيف بس لسى جوعانه خالد: طيب يله انا عازمك على العشاء مشاعل بمرح: طيب يله راحت مشاعل مع خالد لمطعم كوبر شندني الهندي <<< خالد يحب الاكلات الهنديه خالد: مشاعل أي قسم تبين تدخلين في الجامعه مشاعل: ادارة اعمال خالد: ماودك تكملين دراستك برا مشاعل: هههههههه ودي بس من يرضى اني اروح لحالي خالد: انا اصلا بروح جاني قبول للماجستير تروحين معاي مشاعل: والله فكره اكلم ابوي بس وين بتروح ويصير خير ان شاء الله خالد:بريطانيا مشاعل: حلو وهي سرحانه(والله فكره حلوه وان شاء الله ابوي يوافق) تعشوا رجعت للبيت وطلعت لغرفتها ولقت ابتسام وهاجر يسولفون ويضحكون مشاعل: وين رحتوا انتم وليش خليتوني هاجر: انتي قلتي ماابي اروح مشاعل: طيب طيب انا بروح تحت عند سلمان تبون شئ هاجر بغصه: ليش تروحين اقعدي معنا مشاعل: لا هو وراكان يبوني بموضوع بروحلهم واذا خلصت رجعت
مشاعل: سلمان انت تحب هاجر ولا لا سلمان وهو يطالع راكان ويتوعد فيه بعيونه : لا من قال مشاعل: يعني راكان يكذب سلمان: لا مايكذب انا كنت احبها بس اللحين خلاص مشاعل: لا ياشيخ هو الحب على كيفك سلمان: ايه على كيفي وبعدين اللي مايبيني انا بعد ماابيه وسكروا على الموضوع وجاء بيقوم بس مسكته مشاعل مشاعل:على العموم حتى هي تحبك بس يوم قلتلها انك بتتزوج باركتلك وماكانت تبي تحسسك انها تحبك علشان ماتنحرج سلمان وهو مستغرب: تحبني بس مو مبين عليها مشاعل: الا مبين وستين لاحظها وانت تعرف قامت مشاعل وتركت سلمان حيران وفرحان بنفس الوقت راكان: ياهووووه نحن هنا سلمان انتبه له : هااه وش تبي راكان: اللحين وش بتسوي سلمان قام: ماادري وراح للغرفه ونام بعد تفكير
رجعوا للرياض وعمهم عبدالعزيز معهم وحددوا البنات موعد حفلة التخرج وعزموا كل صديقاتهم عليها وكانت يوم الخميس يعني بعد يومين من وصولهم من الشرقية
مشاعل بغرفة امها وابوها : بابا انا ودي اكمل دراستي برا ابو وليد: وش اللي طاري عليك مشاعل: ابد شفت خالد بيروح قلت اروح اكمل دراستي معاه وهناك احسن من هنا ابو وليد بتردد: خلاص افكر بالموضوع مشاعل: اوك طلعت من غرفة ابوها وراحت للبنات مشاعل: بنات يله نروح نحجز الشوكلاته والبوفيه مايمدي هاجر: يله انا بروح معاك مشاعل: وانتي بيسو ابتسام وهي تتألم: لا ان مقدر اروح العلة هذي فيني <<< قصدها الدوره مشاهل وهاجر: ههههههههههههههه طيب طلعوا يبون يطلعون ولقوا سلمان بوجههم سلمان: وين رايحين مشاعل بنروح نحجز الشوكلاته والبوفيه سلمان: خلاص انا بوديكم مشاعل : اوكي هاجر: خلاص ميشو انتي روحي وانا بقعد عند ابتسام مشاعل عرفت قصد هاجر: لا بتروحين معاي هذي حفلتكم بعد مو حفلتي لحالي هاجر وهي تتنهد: طيب يله
ومشت هاجر وهي متضايقه وركبوا مع سلمان مشاعل قدام وهاجر وراها سلمان: كيف الحلوين الناجحين وهو يغمز لمشاعل <<< خطتهم للحين ناجحه مشاعل: انا بخير مدري عن هاجر سلمان لف لوراء: هااا هجور كيفك هاجر بلمت (ليش يناديني هجور ليش يعذبني): بخير سلمان: ميشو الله يخليك اخطبيلي مو قادر اتحمل ابي اتزوج وبسرعه هاجر وهي تتنهد ومقهوره منهم مشاعل: خلاص شرايك فيه وحده من زميلاتي حلوه واخلاق ومره طيبه سلمان: صدق وش اسمها مشاعل: اسمها منال وشرايك فيها ياهاجر هاجر: وووووع سلمان احلا منها سلمان حس بغيرتها وانبسط مشاعل: حرام عليك والله انها نعومه حيل هاجر: وينك ووين النعومه اللي فيها ياحسره سلمان: مايهني ناعمه ولالا اهم شئ هي حلوه هاجر والغيره واضحه من صوتها: لا مو حلوه سلمان: ايه صح ابتسام قالتلي عن وحده من البنات بس ماادري وش اسمها لحظه خلوني اذكر مشاعل: هههههه مو هينه بيسو حتى هي بتخطبلك سلمان: هههههههههه كلن وصيته يدورلي هاجر بغيظ: بس انا ماوصيتني تبي ادورلك سلمان: لالاتعبون انفسكم انا لاقيها من زمان مشاعل: قل والله من هي تكفى نعرفها ولا لا سلمان: ايه تقربلي بعد مشاعل: يعني بينكم قصة حب سلمان: انا ادري انها تحبني بس تكابر وانا احبها واموت فيها مشاعل:وشلون تحبك وتكابر سلمان:تخيلي يوم قلتلها اني افكر اتزوج سوت نفسها عادي وباركتلي بعد مشاعل: هههههههه طيب قول من هي هاجر دوروها ماتلقونها من الصدمه سلمان: تخيلي ياميشو انا احبها واموت فيها وكنت بعترفلها بس هي باركتلي وكأنها مو مهتمه مشاعل: لا عاد يله قول من هي سلمان: يعني من يكون غيرها انتي تعرفينها وانا اعرفها وهي تعرف نفسها ولف يطالع هاجر وقال هاه هاجر عرفتيها ولا للحين هاجر تطالعه ويالله تبلع ريقها من الصدمه وعيونها دمعت: ايه عرفتها سلمان: زين تعرفينها ممكن توصلين لها هالكلام هاجر بغصه: وشو سلمان: قوليلها اني احبها وامووت فيها واني مااقدر اعيش من دونها هاجر: طيب وقعدت تبكي مشاعل: بسم الله عليك وش فيك هاجر: مافيني شئ بعدين هدت مشاعل وسلمان يطالعون فيها مستغربين مشاعل: يله سلمان روح لمحل الحلويات سلمان: طيب
مشاعل وهاجر نزلوا واختاروا الاصناف اللي يبونها وطلعوا سلمان: انا عازمكم على كوفي مشاعل: ياحبيلك والله ان راسي مصدع ويبيله قهوه سلمان: وانتي هاجر وش رايك هاجر: نرجع البيت احسن سلمان/ بنرجع ان شاء الله بس نبي ننزل الكوفي شوي اوكي هاجر: اوكي
وراحوا لكوفي بشارع التحلية ونزلوا وطلبوا لهم كوفي ودونات وجلسوا بطاوله وحده هاجر وسلمان قدام بعض ومشاعل على الجنب مشاعل وهي تقوم:عن اذنكم بروح لدورة المياه هاجر قامت معها وجلستها مشاعل مشاعل: مافيه الا حمام واحد والكوفي زحمه اقعدي احسنلك هاجر بتردد: طيب مشاعل ابعدت عنهم <<< طبعا هي قاصده هالحركه علشان يتكلمون مع بعض
سلمان: هاجر ممكن اعرف وش سبب البرود هذا هاجر: مثلك ولفت وجهها عنه سلمان: هاجر ممكن تتزوجيني هاجر انصدمت: هاااه ايش تتزوجني سلمان: ايه اتزوجك تدرين ياهاجر متى حبيتك هاجر: لا سلمان: بعد الكف ولمس خده هاجر تذكرت الموقف وحمر وجهها(كانت تلعب مع مشاعل وابتسام في الحوش فجأه تهاوشوا وقعدو يتضاربون على دخول سلمان للبيت وراح لهم يفكهم وفك ابتسام ومشاعل وقعد يخانق هاجر لأنها الكبيره جت هاجر راحت له وعطته ذاك الكف اللي سكته وراحت داخل وسلمان واقف مصدوم وزعلت على ابتسام ومشاعل اسبوع ماتكلمهم ليش سلمان خانقها بسببهم) : اسفه سلمان : ههههههههههه تتأسفين على شئ صار قبل 7 سنين هاجر: اتأسف اللحين احسن من اني ماأتأسف سلمان: ههههههههه طيب اعتذارك مقبول هاجر: طيب سلمان: طيب انتي من متى تحبيني؟ هاجر ارتبكت: هاااه انا مدري من وعيت على نفسي وانا احبك ونزلت وجهها سلمان: ياويل حالي انتي خلاص من بعد التصريح هذا بكره خاطبك خاطبك هاجر ووجهها احمر: لا تو الناس سلمان: أي تو الناس ارحمي حالي هاجر خلاص ماتقدر تتحمل وقفت وراحت عند مشاعل بدورة المياة هاجر: ياويلي يحبني يامشاعل من بعد الكف تخيلي مشاعل مستغربه: أي كف هاجر: هههههههههههه وذكرتها بالموقف مشاعل: ههههههههههههه الصراحه سلمانوه مايجي الا بالعين الحمراء هاجر: احترمي نفسك ولاتقولين سلمانوه مشاعل: كيفي اخوي هاجر وهي تعدل نقابها: وهذا اللي مصبرني عليك مشاعل ضربتها على كتفها: شف الحقيرة مصالح يعني هاجر وهي تعطيها ظهرها: افهميها مثل ماتحبي وراحت وخلتها مشاعل: اوريك ياهجير وراحت لهم
مشاعل تطالع مع الشباك العمال يرتبون الطاولات في الحديقة
هاجر: ميشو يله تأخرنا على المشغل
مشاعل: يله هذاني جيت
الساعه 8 كانوا البنات خالصين من المشغل واتجهوا للبيت مشاعل: مسويه بف تكسير وحاطه مكياج فرنسي احمر بأسود وفستانها كان احمر علاق ومخصر لين تحت الركبه وحزام فخم اسود ولابسه جزمه سوداء هاجرمسويه بف وحاطه مكياج موف ناعم ولابسه فستان ليلكي علاق وكلوش لين نصف الساق ابتسام مسويه بف وحاطه مكياج ذهبي ناعم فرنسي ولابسه فستان ذهبي هاينك بدون اكمام فيه كرستاله على الهاينك لفوق الركبه كلوش ولابسه تحته شد اسود لتحت الركبة ولا بسه جزمه ذهبي
خلصت مشاعل بدري ونزلت تحت علشان تقول للعيال يطلعون اذا كان فيه احد واتجهت لبيت العيال ولقته مظلم دخلت جوا تنادي ومحد رد عليها اتجهت لغرف النوم علشان تتأكد انو مافيه احد ومالقت احد دق جوالها وردت مشاعل: اهلين ابتسام: وينك ادورك مشاعل انا بغرف العيال اتأكد انو مافي احد ابتسام: طيب فيه احد مشاعل: لا مافيه احد وسكرت لفت تبي تطلع الا واحد يصفر : ايش الحلاوه هذي لفت عليه تطالعه: ههههههههههه ركون ليش للحين انت موجود راكان: اممممممم جيت اخذ اغراض للسباحه بنطلع للاستراحه مشاعل: طيب بسرعه قبل لايجون الضيوف راكان: هههههههه طيب ودخل للغرفه وقعد يحوس فيها ابتسام دخلت<<<< على بالها انو مافيه احد وسمعت حس احد جوا الغرفه وراحت <<<< متوقعه انها مشاعل ابتسام: ميشو هذا وقته يله تأخرنا اللحين بيجــــ ا نصدمت يوم شافته قدامها
راكان وهو مبلم ويطالعها مصدوم بجمالها ابتسام من الصدمه : ماتحركت من مكانها راكان: ابتسام ابتسام: ____________- راكان حس على نفسه شوي: اااااا ممممممم <<<< اكل القطو لسانه ههههههه راحت الجرأه ههههههه كان بيتحرك لكن ابتسام كانت اسرع منه نزلت راسها وهربت راكان مو حاس بشئ مصدوم وجلس على السرير ويقول(ماشاء الله تغيرت واحلوت احبها والله احبها) اخذ الاغراض وهو يفكر فيها
عند البنات ابتسام وهي ترتجف: ليش ماقلتي انو فيه احد بقسم العيال مشاعل: قصدك راكان جاء بعد ماكلمتك ليش ابتسام: ياويلي شافني كذا مشاعل: طيب هدي خلاص ماصار شئ ابتسام: أي ماصار شئ والله اني خايفه مشاعل: ليش الخوف ابتسام: مدري مشاعل: نقول مبروك بيعجل بالزواج اللحين ابتسام ولعت : ميشو مو وقته اللحين مشاعل: هههههههههههههههه ياحليل اللي يستحون وتمعط خدها ابتسام: اكيد بستحي تحسبيني مثلك مشاعل: نعم وش اللي مثلك وش شايفتني ان شاء الله ماعندي حياء ابتسام : لا عندك حياء بس انتي جريئه مشاعل: الجرأة غير الحياء ابتسام: طيب طيب خلاص امشي فيه احد وصل مشاعل: يله بس لاتعيدينها ابتسام: حاضر عمتي اوامر ثانيه مشاعل : لا ابتسام ضربتها مع راسها: مصدقة تبي تتأمر بعد زين انك قلتي لا ولا صارت علوم مشاعل: لا ياشيخه اقول امشي بس مناك اهووه وقعدوا يضحكون على هبالهم
هاجر وش عندكم تضحكون ضحكونا مشاعل: ماتعرفينا على اتفه شئ نضحك هاجر: ايه ادري انكم مخفات مشاعل وابتسام يطالعون هاجر مصدومات: نعم وش قلتي هاجر: اقول اننا مخفات مشاعل: احمدي ربك جمعتي ولا كان دواك عندي هاجر: هههههههه اقول امشو بس تاخرنا
راحوا البنات للحديقه وسلموا على صديقاتهم واستقبلوا الهدايا وفلوووها على الاخر رقص وهبال ووناسه
رجع العم عبدالعزيز للشرقية هو وعياله وبعد كم يوم بيرجعون علشان ملكة ريم وماجد
يوم الملكة البنات في المشغل يتضبطون والامهات في البيت وكانت عندهم كوافيره لأنهم مايحبون روحة المشاغل لأنها وجع راس على قولهم
كانت الملكة مختصرة وفي البيت طبعا والحضوربس خوال ماجد وخوال ريم وصديق ابو وليد ابو عبدالله
خلصوا البنات من المشغل وراحوا للبيت علشان يلبسون
الساعه 9 لبسوا وخلصوا ونزلوا البنات يستقبلون الضيوف ماعدا العروس مشاعل كانت لابسه فستان حرير توب زهر طويل بذيل بسيط ومسويه شعرها تسريحه نعومه رافعه كل شعرها ومكياجها لبناني مرره ناعم وطالعه كيووووت ابتسام لابسه فستان احمرعلاق طويل بذيل بسيط هاجر لابسه فستان اسود توب ومسوية كيرلي بشعرها استقبلوا الضيوف وجلسوا البنات يسولفون وكل وحده تروح بالتناوب تطل على ريم تشوف اذا هي محتاجه شئ وليد اتصل على مشاعل وليد: هلا ميشو وينك مشاعل: عند الحريم ليش وليد: تعالي خوذي الدفتر خلي ريم توقع مشاعل: طيب طلعت مشاعل لريم علشان توقع ووقعت بعد محاولات من البنات انها تهدأ مشاعل: ريوم تصدقين احسك مهمه ريم وهي ترتجف: ليش مشاعل: توقيع وحركات ريم: ههههههههههههه الله يقلع بليسك اعقلي انتي مو وقته
دق جوال مشاعل وليد: اهلين مشاعل هااه وقعت مشاعل : ايه واخيرا وليد: زين طيب سمية عندك مشاعل: ايوه عندي ليش وليد: افتحي السبيكر مشاعل : هههههههههههه طيب فتحت السبيكر وليد: سميه سمية لفت مستغربه وعرفت انه وليد وتأشر لمشاعل انها بتذبحها مشاعل: تسمعك وليد: عقبالنا ياحياتي سمية انصبغ وجهها بالحمار من الاحراج البنات كلهم: هههههههههههههههههههههههههه وليد: وجع وش فيكم تضحكون مشاعل: لو تشوف شكل سمية صارت طماطه وليد: فديتها اعرفها خجوله مو مثلكم الحمد الله والشكر مشاعل: هيه احترم نفسك عاد وليد: ههههههههههههههههه المهم جيبي الدفتر ولا اقول خلي سمسومتي تجيبه احسن من مقابل وجهك مشاعل: ههههههههه لا انا اللي بجيبه وليد قبل مايسكر: ايه وخلي ريم تنزل بعد نص ساعه علشان تدخل عند ماجد وسكر ريم انصدمت : لالا خلاص ماابي هونت مشاعل: مو بكيفك اللحين هو زوجك لو يبي دخل عندك بالغرفه ريم: لا والله هذا اللي ناقص البنات يضحكون عليها مشاعل: يله ريم انزلي سلمي على الضيوف واقعدي شوي معاهم قبل لاتدخلين عند ماجد ريم: طيب ونزلت
عند الحريم يسلمون على ريم ويباركون لها
وجلسوا البنات يرقصون
عند الرجال رن جوال ابو وليد ابو وليد: هلا وينكم تأخرتوا / معليش تأخرنا شوي يله حنا عند الباب افتحوا ابو وليد جالس مع الرجال ومشغول تلفت يبي احد العيال يروح يفتح لحقين البوفيه علشان يرتبون البوفيه لقى عبدالله بوجهه <<<< طبعا يعزه ويعتبره مثل وليد ابو وليد: عبدالله عبدالله: سم ابو وليد: سم الله عدوك معليش ياوليدي بس بغيتك تروح تفتح الباب علشان يرتبون البوفيه عبدالله: تامر امر ياعم ابو وليد: الله يعافيك
عبدالله اللي كان متسند على الجدار ينتظر العمال يخلصون سمع احد يتكلم وراح ناحيته وشافها تكلم بالجوال
وليد: أي تعودتوا ماتعوركم اذانكم مشاعل: هههههههههه ياقلبي انت اقولك عاادي تعودنا وليد: المهم انتي وينك اللحين مشاعل: انا بالحوش ليش وليد: طيب سمية معاك مشاعل: ليش تبي تشوفها وليد: ياليت والله تسوين فيني معروف مشاعل: ولا يهمك ثواني بس جاء وليد بيسكر وقطعت عليه مشاعل: وليد وليد:هلا مشاعل: ماجد شلون صاير شكله هههههههههه وليد: هههههههههههههه شكله تحفه مشاعل: الله يخليك صوره لي ودي اعلق عليه وليد : ولا يهمك مشاعل: هههههههههههههه متحمسه اشوف شكله وليد: طيب بس لاتنسين تنادينها مشاعل: خلاص اذا طلعتها الحوش دقيت عليك وليد: طيب
كان يتفرج عليها ويتأملها سحرها جمالها ولا رزتها ولا ولا كل شئ فيها جننه وكل يوم عن يوم يزود حبه لها جمالها برائتها خفة دمها
حس على نفسه وابعد قبل لاتنتبه له
miss cute عضو جديد
عدد المساهمات : 62 تاريخ التسجيل : 01/11/2009
موضوع: رد: البيتـ الكبير } .. روآيه سعوديه الخميس أبريل 22, 2010 12:46 am
مشاعل وتفكر بطريقه تطلع فيها سمية وجتها فكره اتصلت على جوال سمية سمية مستغربه: هلا ميشو مشاعل: اااااااااااي الحقيني ياسمية رجلي تعورني سمية: بسم الله عليك انتي وين مشاعل: انا بالحديقة تعالي بس لحد يدري ماابيهم يقلقون سميه المسيكينه صدقت وراحت طيران لمشاعل بهالوقت دقت مشاعل على وليد سمية شافت مشاعل جالسه على كرسي وراحت ركض لها سمية: بسم الله عليك مشاعل : اااااي تعورني سمية
شوي الا وليد يقز فيهم من بعيد ويتأملها ومبسوط <<<< اكيد مبسوط وملكته الاسبوع الجاي
مشاعل: اااه خلاص خفت مشكوره قلبي سمية تضربها على راسها: يكفي طفاقه زين ماانكسرت عاد شلون تحضرين ملكتي الاسبوع الجاي مشاعل: خلاص توبه امشي على الزرع بكعب سمية: يله قومي خلينا نشوف ريم اذا دخلت على ماجد ونعلق عليها شوي الا مشاعل طيران وداخله البيت وسمية مستغربه شلون تركض ورجلها تعورها حست ان اموضوع فيه ان بس سكتت
الساعه 12 ونص الكل قام للعشاء طبعا الرجال متعشين من الساعه 11 ذبايح مايعرفون للبوفيهات وريم دخلت عند ماجد ودخل معاها وليد ومشاعل ماجد مسك مشاعل مع يدها وشاتها مع الباب <<< طرده هههههه ووليد: حس على دمه وقام: اخليك مع المدام شوي ماجد : مشكور
ماجد راح جلس جنب ريم: مبروك حبيبتي ريم وهي منزله راسها ووجهها احمر ويالله تتكلم: الله يبارك فيك ماجد: سولفي وش بك ساكته ريم: وش اقول ماجد: أي شئ ياقلبي ريم:طيب انت سولف ماجد وهو يقرب منها وطبع بوسه على خدها ريم انصدمت من حركته وحطت يدها على خدها وقامت بس هو كان اسوع منها وجرها لحضنه وجلست على رجلينه ووجها مقابل وجهه جاء وباسها هي ولعت وشب وجهها نار ونزلت راسها
دخلت وانفجعت / هي هي يابو الشباب مو وقته هذا اذا صرتوا ببيتكم سوو اللي تبون وتحرك حواجبها ماجد: وفاء وجع مو وقتك اطلعي برا ريم تستنجد بوفاء: لا وفاء حياك وقامت وعدلت جلستها وفاء : مبروووك اخي العزيز ماجد وهو ميل خشته: الله يبارك فيك وين شياطينك ماعد شفناهم وفاء : ماجبتهم خليتهم عند خالتي فشله اجيبهم ماجد: عادي لا فشله ولا شئ وفاء : لو اني داريه اني بكفشك كذا كان جبتهم يصيرون حراسه لريم ريم منزله راسها مستحيه من الموقف اللي صار واكتفت بالسكوت ماجد: شفتي احرجتي البنت يله ضفي وجهك وفاء: بضف وجهي وبضفها معي ومسكت ريم وقامت ماجد: هي هي وين رايحه انتي بعد تمشين وراها ماعندك رجال ريم رفعت راسها كأنها تقوله الله يخليك خلني اروح: ودي اروح ماجد: طيب خلاص هالمره سماح بس من بكره لا ريم رفعت راسها مندهشه: فيه بكره بعد ماجد: اجل ايش تبيني انتظر للعرس ومااشوفك ولا اقعد اسولف معك ريم: طيب خلاص وراحت مع وفاء
جالس على سريره ويتخيلها ويفكر عبدالله : اللحين هي خلصت ثانوية ليش مااخطبهاا بس احسها توها صغيره بس اخاف تروح مني ولا حد عيال خوالها يفكر فيها لا لا محد ماخذها غيري ان شاء الله وتم على هالحال وجلس يكلم نفسه لحد الفجر راح صلى ونام
بالبيت الكبير بقسم البنات كل وحده اردى من الثانية مشااعل: ااااي مقدر رجولي تعورني الله يخليك جيجي سويلي مساج هاجر: وش قالولك فلبينيه انا وبعدين حالي اردى من حالك ابتسام: بنات شرايكم نسوي دائرة وكل وحده تدلك رجلين الثانية مشاعل: وووووووووووووع لا ماابي ناموا احسن هااجر: ياسلام ندلك وحنا ماتدلكينا مشاعل: اكيد حبيبتي وش جاب لجاب هاجر: طيب بكره بوريك الشغل لأني اللحين مافيني حيل اتحرك وجلسوا على هالحال للفجر صلوا ونامو
في الصباح
مشاعل صحصحت ونزلت تحت لقت جدتها وامهاتها يتقهوون مشاعل: صباح الخير الجده: صباح النور والسرور كيفك يمه مشاعل: بخير يمه انتي شلونك عقب ازعاج امس هههههههههههه وتذكرت جدتها وهي تسكر اذانها بالمنديل من الازعاج الجده: والله دوشتوا راسي امس وللحين صاكني مشاعل: يابعد عمري انتي وجلست تسولف مع جدتها شوي ويدخل ابو طلال مشاعل شافته وقامت زعلانه عليه ابو طلال: مشاعل مشاعل وقفت: سم ابو طلال: وش فيك مو بالعاده بالعاده تنقزين تحبين راسي مشاعل : اذا صرت راضيه سلمت وراحت ابو طلال مستغرب وتذكر اللي صار بالشرقية ابو طلال لحقها: مشاعل مشاعل وهي معطيته ظهرها : سم ابو طلال:يابنيتي خلي الزعل عنك وفكري بعقلك مو بقلبك صح اني غلطت بس كان معي حق مشاعل: مو انت قلت خلي بالك منهم وانا هذا اللي سويته ابو طلال: ادري وانا ابوك اني غلطان بس امسحيها بوجهي هالمره مشاعل: انا مو زعلانه عليك يبه انا عتبانه بس ابو طلال: طيب العتب للحين موجود مشاعل: لا رايح من زمان بس بشوف غلاتي عندك ابو طلال: هههههههه للحين الحركات هذي تراكي صرتي مره مشاعل: توني صغيره أي مره وراحت للمطبخ
دخلت المطبخ شافت امها واقفه تشرف على الغداء راحت ضمتها من وراء: انتي احلا ام بهالدنيا كلها ام وليد: وانتي اشقى بنت بهالدنيا كلها مشاعل: افااا وش اشقى ام وليد: ايه يابنيتي شقية الله يصلحك وامس ماغير مقالب بهالبنات فشلتين عند الحريم امس مشاعل: يامامي هذا يسمونه مزح عاادي ام وليد: مو كل الناس تتقبل المزح مشاعل: والله الكل يعرف طبعي ومو مراعية لاحد لأن يدرون ان قلبي ابيض وهذا اهم شئ ولا ياست الحبايب وقعدت تغني ست الحبايب ياحبيبه يااغلى من روحي ودمي ست الحبايب ياحبيه
مااحفظتها بس لعيونك احفظها وهي تغمز لأمها ام وليد: بسك هبال اخر شئ شكلي بنهبل معك مشاااعل: هههههههههههه طلعت فوق تهبل بالبنات لحد مايصحون بس مافيه فايده كل وحده اردى من الثانية وماقدرت عليهم كلهم غيرت بيجامتها ولبست بنطلون بيج وبلوزة بيضاء وصندل ابيض ونزلت تحت وراحت للعيال تبي خالد
دخلت عندهم وشافت البيت كأن حرب قايمه فيه حووسه لأبعد حد مشاعل: يااهل الدار وتصفق طلع لها راكان فاتح عين ومغمض عين كان يبي دورة المياه: هااه ميشو وش تبين ودخل الحمام مشاعل: ههههه ياحليله راحت لغرفة خالد وطقت الباب وفتحته لقت خالد واقف عند الدولاب خالد: اهلين ميشو مشاعل: خالد ابيك بموضوع اذا خلصت تعال للحديقة اوكي خالد: طيب
راحت وجلست في الحديقة شوي وخالد راح وراها خالد: السلام عليكم مشاعل : وعليكم السلام خالد: هااه امري مشاعل: انت جازم تاخذني معاك خالد:اذا وافق عمي اخذك ليش لا مشاعل: طيب هاجر وابتسام خالد: ههههه الا مادريتي وش صار مشاعل: وش صار خالد امس سلمان وراكان قالو يبون يتزوجون مشاعل مبسوطه: والله وناسه طيب ماقالو من يبون خالد: ماسألت وماهمني مشاعل: ههههههه انا ادري خالد بفضول: من من مشاعل: همااه مايهمك خالد: الا يهمني بس لو بسألهم ماراح يقولون لي مشاعل: طيب هاجر وابتسام خالد: حلو يعني راحت العقبات اللي في طريقك مشاعل مستغربه: أي عقبات خالد: هاجر وابتسام وانتي شكلك متردده علشان ماتبين تتركينهم صح مشاعل بضيق: ايه هذا اللي مكدرني يعني جلست ولا رحت ببفارقهم بفارقهم خالد: هذي حال الدنيا وسعي صدرك مشاعل: طيب تعال نروح لأبوي نقنعه خالد: طيب بس بعد الصلاة لاتنسين اليوم جمعه مشاعل/ ايه صح وراحت تقوم العيال علشان يروحون يصلون
قاموا العيال وراحوا مع يصلون صلاة الجمعه
الكل مجتمع على الغداء كعادتهم العيال المتزوجين <<<< اجتماعهم على الغداء يوم الجمعه شئ اساسي
وهم جالسين يتقهوون اللي قبل الغداء دخل عليهم ببدلته وهيبته والكل انصدم يوم شافوه وقاموا يسلموون عليه والكل مبسوط ابو طلال: تو مانور البيت ياخوي بندر: منور بوجودكم ابو وليد: هلا والله بالدكتور بندر: هلا فيك والله وحشتوني ابو خالد: حيالله اخوي شلونك وشلون الغربه معك بندر: الحمدالله اني خلصت منها ههههه ابو ماجد: حياك حياك اقعد وش عندك واقف بندر: اول شئ بروح للوالده اسلم عليها وليد: لا ياعم اصبر حنا نجيبها هنا احسن بندر: طيب يالله روح بسرعه سلموا عليه العيال واحد واحد وتحمدوله بالسلامه وباركوله راح وليد ركض علشان يجيب جدته
عند الحريم اللي يتقهوون عند خالتهم وليد: يمه تعالي عند عماني يبونك تتقهوين معاهم الجده: والله اني كنت بجي يالله هاللحين جيت مشاعل ماخفا عليها فرحه وليد وعرفت انه فيه شئ عند الرجال راحت الجده مع وليد وهي تقول حيا الله عيالي شلونكم شخباركم وسكتت تفاجأت من وجوده وعلى طول دموعها نزلت وهي فاتحه يدينها له بندر على طول رمى حاله بحظنها وهو يبوس راسها بندر: شلونك يالغاليه الجده: الحمدالله اللحين انا احسن من اول يوم اني شفت عيالي كلهم حولي
شوي الا مشاعل دخلت عليهم وشافته وصرخت مشاعل: عموووووو وراحت تحظنه وباست راسه بندر: هلا والله بمشاعل اخبارك مشاعل: انا بخير انت شلونك بندر: انا الحمدالله طيب دامني شفتكم مشاعل: والله لك وحشه يادكتورنا
جلسوا يتقهوون ثم طلع بندر للبنات(بنات اخوانه) يسلم عليهم ريم وهي تبوس راسه: هلا عم شلونك وش اخبارك بندر : الحمدالله طيب انتي شلونك ومبروووك ريم حمر وجهاا: انا الحمدالله والله يبارك فيك بندر: ههههه ليش تستحين عادي اللحين ماجد زوجك ودفها مع كتفها دفه خفيفه سمية: اهلين عموو شلونك وش اخبارك وش علومك بندر: ول ول كل هذولي الحمدالله طيب ولوني اسمر وعلومي زينه هههههه البنات: ههههههه سمية: اعذرني عموو انا مااشوفك كثير مثل الباقين بندر: ولوو ليش تعتذرين عاادي وانا امزح معك سمية: ايه على بالي بعد هدى راحت تبوس راسه: وش اخبارك ياعم بندر: انا الحمدالله بخير هاجر وابتسام: شلونك عم وراحوا يبوسون راسه ثم راح سلم على حريم اخوانه وسلموا عليه وتحمدوله بالسلامه وباركوله على الشهادة
الكل قام علشان الغداء
بندر: يالله من زمان عن الكبسه ههههه ابو طلال: بعذرك نحفان وش انت تاكل هناك بندر: اوص لاتذكرني كله وجبات سريعه ومن وين لوين كبسه اذا عزمن خويي المعرس ههههه ابو وليد: قلنا لك اعرس وبعدين رح بس انت الله يهديك بندر: أي عرس انا بشقى بعمري هناك ولا بشقى فيها وبعدين انا كل وقتي يابالجامعه يابالمستشفى صعبه والله صعبه ابو خالد: خلاص اللحين ماعندك عذر لازم تعرس بندر: ايه ان شاء الله وكملوا سوالف لحد ماشبعوا والكل قام طلع لجناحه علشان يرتاح
العصر كان جالس عند امه ويسولف معاه امه: هااه ياوليدي ماودك اني اخطبلك هو: الا يمه ودي بس من تبين تخطبين لي امه: وش رايك ببنت اختي منيرة بنتها الصغيره هو: أي وحده تراني ناسي امه: هوو نسيت صديقتك يوم انتم صغار هو: لا يمه أي وحده امه: سعاد هااه شرايك فيها حس بمشاعرغريبه وكأنها ساكنه بعقله وقلبه بس كان يتناسى هذي المشاعر لما انخطبت وتملكت بندر وهو مستغرب: يمه متزوجه الله يهديك امه: هوو وش اللي متزوجه ماتزوجت بندر: الله يهديك يمه لايكون خرفتي ههههههه امه معصبه: انا خرفت ياللي ماتستحي بندر: العفو يمه بس انا اتذكر ملكتها قبل مااسافر بشهر شلون تبيني اخطبها وهي متزوجه امه: ايه تملكت بعدين فكتها وهي للحين مااعرست تقول بقعد عند امي بندر انرسمت على فمه بسمه غصب عليه وامه ماخفاها هالشئ امه: هاه ياوليدي اتوكل على الله واكلم اختي تراها يتيمه وماعندها الا اختي حتى اخوانها لاهين مع عيالهم وهي ماشاء الله اللحين مدرسه بندر: خلاص يمه توكلي على الله واخطبيها امه وهي مبسوطه: الله يفرح قلبك مثل مانت مفرحني بندر: ولو يمه ماسويت شئ امه: أي ماسويت وانت بتتزوج وتفرح قلبي بشوفة عيالك بندر: ان شاء الله يمه والله يتمم بخير امه: امين
عند البنات ابتسام: بنات شرايكم ندخل قسم واحد هاجر: ماعندي مانع وانتي ميشو مشاعل: والله كل واحد واللي يبي انتي وش تبين ابتسام أي قسم ابتسام: مدري والله مشاعل: طيب انتي نفسك بايش ابتسام: مدري احس ان الحاسب احسن شئ وله مستقبل هاجر: ايه صح هو اللي له مستقبل اما الباقي لا مشاعل: طيب انتم تبون حاسب يعني ابتسام وهاجر: ايه وانتي مشاعل: والله انا ودي بعلم نفس ابتسام وهاجر: بلاسخافه ميشو وخليكي معنا بقسم واحد مشاعل ضحكت : ههههههههههه واللي يقولكم انكم بتتفرقون ابتسام وهاجر: لا بسم الله علينا مايفرقنا الا الموت مشاعل: بسم الله علينا لا انا اقصد شئ ثاني ابتسام: قصدك الجامعه يعني احتمال مايوافقوا مشاعل: لا مو هم هاجر: مشاعلووه حيرتينا قولي وش اللي بيفرقنا وجع مشاعل: هههههههههههه ابتسام: وجعوووه وشوله الضحك مشاعل: توني اكتشف انكم غبيات هاجر وابتسام عصبوا: مالغبي الا انتي مشاعل: طيب طيب لاتعصبون بقولكم السالفه هاجر وابتسام: يالله خلصينا قولي مشاعل: سلمان وراكان يبون يتزوجون ابتسام وهاجر شهقوا: من بياخذون مشاعل: ماقلت انكم غبيات من يعني انتن يالغبيات ابتسام وهاجر حمرت وجيههم مشاعل: هههههههههههههههه اللي يشوفكم يقولون عرسكم بكره هههههههههه ابتسام: وراء ماتنقطينا بسكاتك مشاعل: افااااااا وانا اللي جايبه لكم الخبر علشان ماتنصدمون هاجر: ايه اشوا انك قلتينا علشان نعرف نتصرف اذا سألونا مشاعل: هههههههه هذا اللي هامك ياشيخه طيري مشاعل: بنات انا فكرت بما انكم بتتزوجون وانا بقعد لحالي قلت يابنت ليش ماتروحين مع خالد علشان اكمل دراستي برا ابتسام: لا ميشو وتخلينا مشاعل: انتي بتصيرين بالشرقية وهاجر بتطلع اكيد لبيت ثاني وانا بصفى لحالي خلوني اروح احسن هاجر: طيب انا عندك لاتروحين مشاعل: من لقى احبابه نسى اصحابه ولا هاجر: لا وش دعوه انساك انتي اختي مشاعل: ادري وهذا اللي كان مضيق صدري انا ماكان ودي اروح واتركم ويوم شفت العيال قرروا يخطبونكم انا قررت بعد اني اروح ولا ماكان ودي اروح ولعلمكم ابوي للحين ماوافق ابتسام: يارب مايوافق وتقعدين عندنا مشاعل: هههههههههههه وش ذي النجاسه انتي بتعرسين وتروحين مع ركون وانا بقعد لحالي ارفضي راكان واقعد ابتسام: لا والله قالت ايش ارفضي راكان مشاعل: شفتي كل واحد واللي يبي هاجر: طيب وعبدالله وش بيصير عليه مشاعل حست بغصه وقالت:مالي شغل فيه واذا يبيني ينتظرني لحد مااخلص ابتسام: طيب ماعنده نية يخطبك مشاعل: وانا وش يدريني عنه يبي يخطب ولا لا هاجر: وش فيك مشاعل لايكون صاير شئ بينكم مشاعل: لا مو صاير شئ بس هو اعترف انه يحبني وماقال شئ عن الزواج ابتسام: يمكن اذا خلص من الجامعه مشاعل: يمكن هو اللحين باقي له سنه ويخلص هاجر: أي قسم يدرس مشاعل: ماادري ابتسام بنص عين: اما ماتدرين مشاعل: والله اني ماادري هاجر: طيب طيب خلاص مصدقينك مشاعل: بنات امشوا نطلع للحديقة طفش ابتسام وهاجر: يله مروا غرفة ريم وهدة وسمية وماحصلوهم مشاعل: وين راحوا هذولي هاجر: مدري يمكن تحت ونزلوا تحت وسألوا عن البنات وقالوا انهم بالسوق مشاعل: شف الخيانه راحوا ولا قالوا لنا ام وليد:ايه احسن انتن ان رحتن عطلتوا شغلهم وبعدين ملكة خالد ووليد مابقى عليها شئ مشاعل: طيب يمه حنا بعد بنشتري ام وليد: دبروا اعماركن ولاتروحن مع البنات الكبار تعطلونهم هم اشغالهم كثيره وانتن تعطلنهن هاجر: خلاص خالتي نروح لحالنا ابتسام: يكون احسن بعد نروح لحالنا مشاعل: خلاص بقول لسمان وراكان يودونا وغمزتلهم وراحت
مشاعل راحت ركض للعيال وبسرعه فتحت الباب وتصارخ: ركووووني ووقفت انربط لسانها وهربت عبدالله اللي كان مصدوم من الصراخ وعرف انها هي ابتسم غصب عنه راكان كان طالع من الحمام(وانتوا بكرامه) وقال لعبدالله : فيه احد ينادي ولا يتهيألي عبدالله: الا فيه احد ينادي بس مدري مين راكان: طيب طيب بروح اشوف من
راكان طلع وهو يمشي بالحوش شاف مشاعل جالسه بالحديقه اللي بالقسم الثاني راكان: اهلين ميشو مشاعل : اهلين ركون راكان: انتي اللي تصارخين تو وتناديني مشاعل بخجل: ايه راكان ماحب يناقشها اكثر: طيب وش بغيتي مشاعل: تخيل ريم وسمية وهدى راحوا للسوق ولا قالوا لنا راكان يستغبي: انتي ومين مشاعل: انا وهاجر وحبيبة القلب راكان: اااه طيب وش المطلوب مشاعل: تودينا للسوق راكان: طيب خلاص نص ساعه وتجهزون خلاص مشاعل: أي نص ساعه قل ربع ساعه عشر دقايق ونخلص راكان : طيب 5 دقايق واذا ماطلعتوا بروح مشاعل:5 يالظالم راكان: طيب يالله ربع ساعه واطلعوا مشاعل: طيب وراحت ركض تقول للبنات
بسرعه خلصوا لبس وراحوا ركض لسيارة راكان راحت مشاعل بتركب قدام وشافته جالس وقالت: اووه اسفه وراحت تركب وراء ابتسام صارت وراء راكان وهاجر في النص ومشاعل وراء عبدالله عبدالله: راكان الله يخليك ودني للورشه اللي فيها سيارتي راكان: سلامات وش فيها ههههه عبدالله: هههههههههه لا بس بغير الزيت وقلتلهم يغسلونها راكان : طيب ليش ماتروح معنا للسوق وسع صدرك معنا ياخي عبدالله: لا معليش خذوا راحتكم راكان: لا لازم تروح معنا ولا شرايكم بنات ولف عليهم هااه تبون عبدالله يروح معنا ولا لا ويطالع مشاعل البنات: براحته اذا بيجي الله يحييه راكان يطالع عبدالله: هااه شفت عاادي مافيها شئ عبدالله انحرج من حركة راكانوقال: طيب
راكان: هااه بنات وش السوق اللي تبونه البنات قعدوا يتوشوشون بعدين قرروا مشاعل: الفيصلية ياركون راكان: خير ان شاء الله واتجه للفيصلية ووصلوا ونزلوا
البنات اشتروا اغراض لها داعي واشياء مالها داعي
ركان: خلاص بنات شرايكم نروح نتعشى البنات: يالله عبدالله: خلاص انا اللي عازمكم على العشاء وراحوا للمطعم البرازيلي اللي بالفيصليه انبهروا البنات فيه لأنهم اول مره يدخلونه واعجبهم كثير دخلوا وكان بوفيه مفتوح تعشوا وطلعوا ووصل راكان عبدالله للمكان اللي سيارته موجوده وراح اخذها والبنات انبهروا بسيارته كانت بورش سوداء مشاعل وابتسام وهاجر بانبهار: واااو راكان يطالعها: ودكم تركبونها هاجروابتسام استحوا واكتفوا بالمشاهده ومشاعل وهي للحين منبهره: ياليت والله راكان: ولا يهمك اكلم عبدالله واخذها منه والف فيك مشاعل:ههههههه طيب وانطلق للبيت
بعد الاحداث هذي باسبوع
مشاعل: يووه بنات الكوافيره محجوزه يوم الاثنين توهقنا والله وتقول ماراح يمديها تصلحنا كلنا ومشاعل تقلد الكوافيره(يي انتوا سته يخزي العين) البنات: ههههههههه سمية: طيب شرايك بالمشغل الثاني اللي في طريق العليا مشاعل: كم مره جربناه بس هي مكياجها غير سمية: عاد الشكوى لله مشاعل: ماعليك انا بدبرها انا بتفق معها تسويلنا مكياج والشعر أي وحده ثانية ونكون كذا كسنا وقت بعد سمية: حلووو مشاعل: يالله انا بكلمها اللحين
يوم الاثنين(يوم الملكة) ملكة وليد على سمية وخالد على هدى مع بعض اليوم فرحة ابو خالد فرحتين فرحته ببنته وفرحته بولده بيوم واحد وكانت الملكة كبيره بطلب المعاريس وكانت بقاعه
اللي في البيت لبسوا وخلصوا على الساعه 8 خلود:يالله بنات ركون يقول يالله مشاعل:بس هو اللي بيودينا خلود: لا هو وسلمان مشاعل: طيب طيب هذانا جينا
طلعوا البنات للعيال سلمان يوم شافهم: يالله بنات اركبوا ماعدا ميشو روحي مع راكان مشاعل باستغراب: وليش مو معك مثل البنات سلمان وهو معصب علشانهم تاخروا: والله عاد ركين يبيك تركبين معه انتي اخته ويبيك بموضوع مشاعل: اهااا طيب هو وين سلمان: تلقينه يلبس اللحين
راحت وهي حاطه طرحتها على اكتافها علشان ماتخرب التسريحه وشافته فاتح باب السيارة وهو راكب وكان شكله بيمشي وبيخليها بسرعه مشاعل فتحت باب السيارة اللي بجنبه: وين رايح وبتخليني وهي تحط طرحتها على راسها علشان تغطيه واذا ابطلقوا غطت وجهها ودنقت علشان تربط جزمتها لأنها انفكت مع الركض مشاعل مستغربه ليش مايمشي: ركون ليش ماتمشي ولفت وجهها وانصدمت
هو بنفسه لا وراكبه جنبه وجهها انصبغ حمار قالت: ا ا انت وش جابك هنا هو ماقدر يتكلم مبهور فيها ومارد عليها ليش هو هنا انتبهت لنفسها انها للحين بالسيارة ولا كاشفه وجهها دمعت عيونها وقالت: وين راكان عبدالله انتبه لدموعها: وقال راكان يلبس روحي له مشاعل بسرعه خاطفه نزلت وسكرت الباب وركض للبيت حق العيال قابلت راكان وشافته بوجهها وضمته وبكت راكان انهبل: ليش تبكين مشاعل وهي تصرفه: على بالي رحتوا وخليتوني راكان ايقاله يهون عليها: طيب لايخرب مكياجك وبعدين معقوله نروح ونخليك بعدين انا محضرلك مفاجأة يالله امشي مشاعل بقلبها (الله يستر لايكون هو المفاجأة) وابتسمت له:صدق راكان: ايه يالله تعالي شوفيها
وراحت معاه وشافت سيارة عبدالله البورش وتفاجأت مشاعل: شلون راكان: ابد قلت لعبدالله ان ميشو ودها تركب فيها وهو رحب وعطاني السيارة مشاعل: الله يفشلك فشلتني وانت على طول تصدق كنت امزح معاك راكان بجديه: مو علشانك بس حتى انا ابي اركبها يالله امشي ولا بروح لحالي مشاعل: لا يالله مشينا
ركبوا فيها وانطلقوا مشاعل : واو والله رهيبه ماشاء الله ليش ماتشتري مثلها راكان: ودي بس ابوي ماايحب هذي النوعيات من السيارات يقول خطيره وانا راعي سرعه هههه مشاعل: بهذي صدق فيها بابا عزيزماتصلح لك خير شر تعرف من تصلحله راكان: لا من مشاعل وهي تضحك: لخلودي ياهو ثلجه بالسواقه هههههه راكان ههههه: بهذي صدقتي الا اقول خلاص قررتي تروحين معااه مشاعل: ان شاء الله بس انتظر موافقة ابوي راكان: اذا استمريتي على اصرارك اكيد عمي بيوافق مشاعل: تتوقع كذا راكان: ان شاء الله
وصلوا القاعه ونزلت
مشاعل وهي مبسووطه وراحت تضم هاجر وابتسام : يااااي تجنن البورش شئ عجيب يكفي انها سيارة عبودي هاجر وابتسام مستغربين: أي بورش ومتى ركبتيها مشاعل وهي تحرك حواجبها: سيارة عبودي من وراها: من عبودي سمعت صوتها وارتبكت ولفت عليها: هاااه امها وهي معصبه(راح تفكيرها بعيد): اقولك من عبودي مشاعل ضحكت ضحكتها الرنانه: الله يهديك يمه خرعتيني حتى انا شكيت بعمري امها بردت شوي: طيب ماقلتي من هو عبودي ووش السيارة اللي جيتي فيها لأني ماشفتك جايه مع البنات مع من جايه مشاعل: جيت مع راكان علشان نتكلم عن موضوع السفر امها : طيب من عبودي ووش السيارة اللي تتكلمين عنها مشاعل: راكان اخذ سيارة عبدالله الــ وانتي تعرفين يمه من يوم كنت صغيرة وانا اناديه عبودي وعجزت اتأقلم وانطق اسمه ههه امها : طيب طيب فهمت ياللله تعالوا للاستقبال علشان نستقبل الضيوف مشاعل: يالله استقبلوا الضيوف ورحبوا فيهم مشاعل: يمه ليش ماسويت يتسريحه وحطيتي مكياج الجده: هوووو تبين بهذا العمر احط مشاعل: عاادي يمه كل عجر هالوقت شئ يقصون شعورهم ويحطون مكياج ويتشببون الجده: هههه لا يايمه انا مرتاحه كذا مشاعل: هههههه تراني امزح يمه الجده: ادري مااعرف هبالك مااقول غير الله يخلف على امن جابتك مشاعل: افاااااا يمه انا صرت مهبوله اللحين خلاص زعلت الجده: اهوووه بس وانتي ماعندك غير الزعل مشاعل: خلاص رضيت يمه ههههه الجده: اه منكم ياعيال الوقت تزعلون وترضون بسرعه مشاعل: شفتي يمه هههههههه
ام وليد : مشاعل تعالي سلمي على ام عبدالله مشاعل: طيب ماما هذاني جايه ام عبدالله:هلا مشاعل شلونك وش اخبارك مشاعل: الحمدالله طيبه انتم شلونكم ام عبدالله: والله الحمدالله حنا بخيرمبروك وعقبالك ان شاء الله مشاعل حست بغصه: لا وين بدري تو الناس اذا خلصت الجامعه تزوجت ههههه ام عبدالله: هههههه الله يكتب الله فيه الخير
راحت مشاعل تجلس مع البنات ورقص ووناسه
الساعه 12 الزفه انزفت سمية وبعدها هدى جلسوا مع الناس وسالف وتبريكات
الساعه 3الفجر انطلقوا للبيت
في الصباح جالس يتقهوى مع امه بندر: هااه يمه تبين نروح اليوم نسلم على خالتي رجعت من مكه امه: خلاص ياوليدي اللي تشوفه بندر: خلاص يمه العصر خليكي جاهزه امه:خير ان شاءالله
miss cute عضو جديد
عدد المساهمات : 62 تاريخ التسجيل : 01/11/2009
موضوع: رد: البيتـ الكبير } .. روآيه سعوديه الخميس أبريل 22, 2010 12:47 am
</SPAN>الظهر بمكتب ابو وليد اللي في البيت طق الباب ابو وليد: تفضل دخلت مشاعل وجلست عند ابوها مشاعل: هااه يبه وش صار خالد يبي يمشيي بعد اسبوعين لازم اجهز اوراقي علشان يقدمها ابو وليد: والله يابنيتي ماودي تروحين لكن اذا انتي جازمهخلاص توكلي على الله وانا بقعد مع خالد ونشوف وش الاوراق المطلوبه مشاعل وهي تضم ابوها: مشكور يااحلى اب بالدنيا ابو وليد: ههههه العفو ماسويت شئ مشاعل: طيب يابابا انا بطلع اللحين توصين على شئ ابو وليد: سلامتك
طلعت من ابوها متحمسه وطيران عند العيال مشاعل وهي تصارخ: خلودي ابوي وافق ابوي وافق العيال كانوا يلعبون بلوت وخالد كان جلس يلعب بجواله <<<< يراسل هدى ههههه قام خالد على صراخ مشاعل وراح لها خالد: خير وش فيك مشاعل: ابوي وافق اروح معك خالد: صحيح والله مشاعل: ايه اجل اكذب يعني خالد: هههههههههههه لا ماتكذبين مشاعل: طيب روح عنده اللحين هو بالمكتب وشوف وش الاوراق المطلوبه خالد: طيب كم ميشو عندنا مشاعل: وحده ههههههههه خالد راح خالد عند عمه ابو وليد يتناقشون علشان الاوراق
العصر راح بندر مع امه عند خالته مريم (ام عبدالكريم) سلم بندر على خالته وباس راسها وتحمدت له بالسلامه وباركت له بالشهادة وسلمت ام علي على اختها وجلسوا يتقهوون ام علي: والله ياوخيتي انا جاية اليوم ودي بسعاد لوليدي بندر ام عبدالكريم: والله مو لاقين احسن من بندر بس اسأله واقول لأخوانه بندر: شوفي ياخاله اذا وافقت سعاد نجي انا واخواني نخطب رسمي ونحدد كل شئ ام عبدالكريم : خير ان شاء الله طلع بندر وترك امه عند اختها مريم (مشتاقه لاختها لها شهر بمكه)
الساعه 9 في الليل جاء ابو طلال ياخذ امه ويسلم على خالته
لما طلعت ام علي من عند اختها ام عبدالكريم: سعاد يابنيتي خالتك ام علي طلبتك لولدها بندر فكري يمه وترى القريب اولى من الغريب سعاد بصدمه: هااه يمه بندر ام عبدالكريم: ايه بندر سعاد ابتسمت لأمها طيب يمه بفكر يالله انا بطلع انام بكره عندي دوام والمناوبة علي يعني بتاخر بجي العصر ام عبدالكريم: الله يوفقك يابنيتي ويعينك ويسهل دربك سعاد بابتسامه: امين ويخليك لي يااحلى ام بالدنيا طلعت سعاد لغرفتها واول ماسكرت الباب جلست تدور حول نفسها وتقول يالله حلمي بيتحقق وجلست على سريرها وتتذكر يوم اخوها عبدالكريم غصبها على اخو صديقه وهي معنده وتعبت نفسيا وجسديا بعد ملكتها لحد ماامها كلمت زوجها وقالت له ان سعاد مغصوبه عليك وان اخوها تفكيره قديم ورجعي وجزاه الله خير طلقها من غير شوشره بزعم انه ماارتاح ومو قادر يتقبلها واخوها عبدالكريم يقول عين ماصلت على النبي وصابتكم (مايدري ان امه هي اللي متصله)
ابتسمت يوم تذكرت بندر ايام طفولتها يوم كان يحميها من العيال مع ان فرق السن كبير بينهم 10 سنين اللي بينهم وكان يهدد العيال اللي يقرب منها ياويله منه وكانوا العيال يخافون منه ومايقربون منها تذكرت خوفه عليها ولهفته اذا جت لهم والدلع اللي يجيها منه استخارت وقررت ونامت
في البيت الكبير بندر جالس مع البنات في الصاله بندر: اليوم خطبتها وان شاء الله بتوافق واذا وافقت راح اكون اسعد واحد بالعالم البنات يطاللعون في بعض مستغربين وكلهم بصوت واحد: من هي؟ بندر قعد يضحك على اشكالهم: هههههه الصراحه تخوفون تنفعون مباحث هههههه البنات: ههههههه سمية: لاجد عمو من هي سعيدة الحظ بندر: اممممم من تتوقعون البنات: ماندري بندر: سعاد بنت خالتي مريم سمية: واااو جد عمو حرام عليك بندر مستغرب: ليش حرام سمية بتقهره: قمر مثلها تاخذ شيفه مثلك والله حرام بندر طارت عيونه: مالشيفه الا انتي وورجلك وليد(يبي يقهرها)وبعدين انا شيفه ياللي ماتستحين انا مزيون واهبل كلي ملح وقبله سمية: حرام عليك لاتغلط على رجلي وليد بسم الله عليه يهبل كله ملح والبنات ميتين من الضحك عليهم مشاعل: بــــــــــــــــــــــس خلاص بندر وسمية سكتوا ولفوا للبنات مشاعل تغمز لعمها: موافقه لاتشيل ببالك بندر مستغرب منها: وانتي وش دراك مشاعل تحرك حواجبها: ادري وخلاص بندر عصب وسحب مشاعل معاه وطلعوا للحوش والبنات مستغربين سمية: وش بلاهم ذولا وش عنده عمي بمشاعل هاجر: ماتعرفين حركات مشاعل تحب تستفز الواحد وتخليه يطلع من طوره سمية تذكرت اللي صار معها بملكة ريم يوم تطلعها بالحوش بحجة رجلها ووليد قعد يطالعها وماقالت لها الا يوم تملكت من وليد <<<< ايقالها بتعتذر هههههه ابتسام: يعني خلاص افراج نروح ولا عمي لسى يبينا ريم: وش عندك مستعجله على الهروب اجلسي بدل ضيقة الصدر اللي فوق ابتسام: لا ودي ادخل النت فيه مواضيع ابغى اقراها ريم: اهااا هدى: بنات بروح فوق اكلم اوكي سمية وبابتسامه: اوكي وسلميلي عليه هدى بحياء: من اللي اسلملك عليه سمية: اللي بتكلمينه هدى: عيب عليك استحي على وجهك بروح اكلم بنت خالتي وراحت سمية: هههههه بالله هذي تلعب على مين قولوا البنات: هههههه
بالحوش عند بندر ومشاعل بندر بعصبية: وش الكلام اللي انتي قلتيه ووشلون انتي متأكده مشاعل: طيب عمو خلنا نجلس وانا بقولك جلسوا بندر: ايوه يالله تكلمي مشاعل: اولا سعاد يمكن لها شهرين جات عندنا بالمدرسة لأن مدرستنا ولدت وهي البديلة بندر: ايه صح امي تقول انها مدرسه هي وش تدرس مشاعل: حاسب بندر: حلو وبعدين مشاعل: ابد كل ماشافتني تسألني عن احوالك مو دايم دايم بين فترة وفترة وانا اكتشفت انها تميل لك بندر: اهاا تميل لي ووشلون اكتشفتي هالشئ مشاعل: لو تشوف عيونها وهي تتكلم عنك وعن طفولتها وشلون كنت الفارس الهمام اللي ينقذها من المتوحشين الاطفال يعني بندر: ههههه عليك تأليف تنفعين تكونين كاتبه مشاعل: ايه هين لاتخرط علي وتدخلها براسي هههه وبعدين انا ماالفت والله هذا اللي صار دايم تسأل عنك واذا مرت من عند غرفتك تطالعها وتشوف الحزن بعيونها (اكيد مشتاقه لك )ههههه بندر: والله منتي هينه ياميشو مشاعل: ادري انت توك تدري هههه بندر: هههههه مشاعل: تدري انا الللي لمحت لامي انها تخطبها لك بندر: وشلون لمحتي لها مشاعل: ابد ذاك اليوم كنت بروح للحوش ومريت غرفتها ولقيتها تحاكي نفسها قلتلها وش فيك قالت انها محتاره ماتدري من تخطبلك وقلتلها عن سعاد وقالت لي تصدقين انها ماجات على بالي ههههه بندر: اهاااا طيب يالله امشي داخل مشاعل: يالله مشينا دخلوا وماحصلوا البنات وراح بندر لغرفته ينام ومشاعل طلعت للبنات
بجناح بندر منسدح على سريره ويفكر فيها ويتذكر ايامه معاها (تذكر يوم هاوشها يوم هو بثالث ثانوي كان وقت اختبارات وهي جايه مع امها طبعا هي مخلصله لأنها بالابتدائي ودخلت عليه غرفته واقلقلته الا تبيه يلعب معاها قام وخانقها وزعلت عليه وصارت ماتجي لبيت خالتها وهو فقدها ومارضت الا يوم راحوا لبيت خالتهم واعتذر منها ووداها للبقاله) تذكر شكلها وهي زعلانه منه ويالله رضت وضحك عليها تذكر يوم ملكتها كان ضايق صدره ومحد حاس فيه قبل 4 سنوات وسكت مايبي يخرب عليها فرحتها مايدري انها مغصوبه وسافر ولا جاب طاري لأحد باللي في قلبه وبلع همه جلس يتخيلها ملكه له هو لحاله دلوعته لحد مانام
مشاعل: يالله مو مصدقه ان عمو بيتزوج ابتسام: لاصدقي تبينه يعنس هاجر ومشاعل فقعوا ضحك عليها وابتسام مستغربه وش اللي يضحكهم ابتسام: خير وش فيكم تضحكون مشاعل: ههههه بالله عيدي تكفين ابتسام باستغراب: وش اعيد تستهبلون انتم هاجرمازالت مستمره بالضحك ابتسام : الحمدالله والشكر انهبلوا يضحكون على أي شئ مشاعل تسكت هاجر: هاجر بلايز خلاص اذا شفت شكلك مااقدر اوقف ضحك واستمروا بالضحك لحد ماعصبت ابتسام وقامت وطلعت
ابتسام تتحلطم وتكلم نفسها ومعصبه منهم دخلت المطبخ تسوي لها كوفي وهي تصلح الكوفي تكلم نفسها (اوريهم ماغير يتضحكون واقول وش فيكم ويضحكون بس انا وش قلت علشان يضحكون تافهين فاضين قالوا نضحك احسن) وتمسك الكوب بعصبية وتحركه بالملعقه
جاها صوت من وراء / وش فيه الحلو معصب
miss cute عضو جديد
عدد المساهمات : 62 تاريخ التسجيل : 01/11/2009
موضوع: رد: البيتـ الكبير } .. روآيه سعوديه الخميس أبريل 22, 2010 12:48 am
